شہری ہوا بازی کے مرکزی وزیر جناب کنجراپو رام موہن نائیڈو نے آج وزارت کے سینیئر افسران کے ساتھ پارلیمنٹ ہاؤس میں نائب صدر جمہوریہ ہند جناب سی پی رادھا کرشنن سے ملاقات کی۔

Hon’ble Union Minister for Civil Aviation, Shri Kinjarapu Rammohan Naidu, called on Hon’ble Vice-President Shri C. P. Radhakrishnan at Parliament House today, along with senior officials of the Ministry.

During the meeting, the Vice-President was briefed on various measures and… pic.twitter.com/CKyQxCsEoO

— Vice-President of India (@VPIndia) November 25, 2025

ملاقات کے دوران نائب صدر جمہوریہ کو وزارت کی طرف سے آج کی ضرورتوں اور عالمی معیارات کے لحاظ سے ہندوستان کے شہری ہوابازی کے شعبے کو مضبوط کرنے کے کیے گئے کلیدی اقدامات اور پہل کے بارے میں آگاہ کیا گیا۔

نائب صدر جمہوریہ کو کفایتی ہوائی سفر اور بنیادی ڈھانچے کی اہم پیش رفت کے بارے میں حکومت کی وابستگی سے آگاہ کیا گیا، جس میں نئے ہوائی اڈوں کا افتتاح، ہوائی رابطے کی توسیع، مسافروں کی آمد و رفت میں ریکارڈ اضافہ، گرین فیلڈ ہوائی اڈوں کا قیام اور شہری ہوابازی میں آتم نربھرتا کو فروغ دینے کی کوششیں شامل ہیں۔

نائب صدر جمہوریہ کو آر سی ایس-اڑان اسکیم کے بارے میں معلومات دی گئی، جس کا مقصد ان راستوں پر فضائی آپریشن کو بڑھانا ہے جہاں فضائی سروس نہیں ہے یا بہت کم ہے، ساتھ ہی اس کا مقصد متوازن علاقائی ترقی کو فروغ دینا اور عوام کے لیے پروازوں کو قابل رسائی بنانا ہے۔ معلومات میں بحالی، مرمت اور اوور ہال (ایم آر او) ماحولیاتی نظام کو مضبوط بنانے اور کاربن کے اخراج کو کم کرنے کے لیے ہوائی اڈوں پر صاف توانائی کے ذرائع کو اپنانے کے لیے وزارت کے اقدامات کا بھی احاطہ کیا گیا۔

نائب صدر جمہوریہ کو بھارتیہ وایویان ادھینیم، 2024 کی کلیدی دفعات کے بارے میں مزید معلومات دی گئی، جو ایک تاریخی قانون سازی کی اصلاحات ہے جس کا مقصد حفاظت، اختراع، ترقی اور عالمی تعمیل کو بڑھا کر ہندوستان کے ہوا بازی کے شعبے کو جدید بنانا ہے۔

نائب صدر جمہوریہ نے مقامی برادریوں کو با اختیار بنانے اور علاقائی اقتصادی اور سیاحتی امکانات کو کھولنے میں اڑان جیسے اقدامات کی اہمیت پر روشنی ڈالی۔ انہوں نے غیر استعمال شدہ ہوائی پٹیوں کو بحال کرنے کے لیے وزارت کی کوششوں کو سراہا اور ہوا بازی کے شعبے کی تیزی سے توسیع کے ساتھ ساتھ پائلٹوں کی بڑھتی ہوئی مانگ کو پورا کرنے کے لیے تربیتی طیاروں کی تعداد بڑھانے کی ضرورت پر زور دیا۔

***

ش ح۔ ف ش ع

U: 1809

(रिलीज़ आईडी: 2194310) आगंतुक पटल : 12