حکومت ہند (جی او آئی) نے (i)قیمت کے مختلف طریقہ کار کا استعمال کرتے ہوئے قیمت پر مبنی نیلامی کے ذریعہ 9000 کروڑ روپے (برائے نام) کی ایک مشتہر کردہ رقم کے لیے 5.91 فیصد سرکاری تمسکات 2028 (ii) قیمت کے مختلف طریقہ کار کا استعمال کرتے ہوئے قیمت پر مبنی نیلامی کے ذریعہ 11000 کروڑ روپے (برائے نام) کی ایک مشتہر کردہ رقم کے لیے ’’6.28 فیصد سرکاری تمسکات 2032‘‘ (iii) قیمت کے مختلف طریقہ کا استعمال کرتے ہوئے قیمت پر مبنی نیلامی کے ذریعہ 7000 کروڑ روپے (برائے نام) کی مشتہر کردہ رقم کے لیے ’’7.24فیصد سرکاری تمسکات 2055‘‘ (iv) قیمت کے مختلف طریقہ کار کا استعمال کرتے ہوئے قیمت پر مبنی نیلامی کے ذریعہ 5000 کروڑ روپے (برائے نام) کی مشتہر کردہ رقم کے لیے ’’6.98 فیصد جی او آئی ایس جی آر بی 2054‘‘ کی فروخت (ازسر نواجراء ) کا اعلان کیا ہے۔ حکومت ہند کے پاس مذکورہ بالا ہر ایک تمسک کے لیے 2000 کروڑ روپے تک کے اضافی سبسکرپشن برقرار رکھنے کا متبادل موجود ہوگا۔ نیلامی کا اہتمام ریزرو بینک آف انڈیا کے ذریعہ، 28نومبر 2025 کو(بروز جمعہ) ممبئی دفتر، فورٹ ممبئی میں کیا جائے گا۔

سرکاری تمسکات کی نیلامی میں غیر مسابقتی بولی کی سہولت کی اسکیم  کے مطابق تمسکات کی فروخت  کی مشتہر کردہ رقم کا 5 فیصد تک حصہ مستحق افراد اور اداروں کے لیے مختص کیا جائے گا۔

مسابقتی اور غیر مسابقتی بولیوں، دونوں کے لیے نیلامی کو ریزرو بینک آف انڈیا کے کور بینکنگ سالیوشن (ای-کوبیر سسٹم) پر 28نومبر 2025 کو الیکٹرانک فارمیٹ میں جمع کرایا جانا چاہئے۔ غیر مسابقتی بولیوں کو صبح ساڑھے دس اور گیارہ بجے کے درمیان، اور مسابقتی بولیوں کو صبح ساڑھے دس اور ساڑھے گیارہ بجے کے درمیان جمع کرانا ہوگا۔

نیلامی کے نتائج کا اعلان 28نومبر 2025 کو(بروزجمعہ) کیا جائے گا اور کامیاب بولی لگانے والوں کے ذریعہ ادائیگی یکم دسمبر 2025 کو (بروز پیر) کی جائے گی۔

یہ تمسکات بھارتی ریزرو بینک کے ذریعہ جاری کردہ ’مرکزی حکومت کے تمسکات میں جب جاری کیے گئے لین دین‘ پر رہنما خطوط کے مطابق ’’جب جاری کیے گئے‘‘ تجرت کے لیے مستحق ہوں گے، جو وقتاً فوقتاً ترمیم شدہ 24 جولائی 2018 کے سرکلر نمبر آر بی آئی /2018-19/2025 کے توسط سے جاری کیے گئے تھے۔

**********

 (ش ح –ا ب ن- ع ر)

U.No:1747

(Release ID: 2193790) Visitor Counter : 3