بھارت بھر میں شہریوں کے ساتھ بامعنی رابطہ کاری کے اپنے بنیادی مقصد  کے عین مطابق، حکومت ہند کے شہریوں سے رابطے کے پلیٹ فارم یعنی ’مائی گو‘ نے قومی یوم خلاء  مناتے ہوئے مختلف پہل قدمیوں کا آغاز کیا۔ بھارت کے شاندار خلائی سفر کے بارے میں بیداری اور معلومات عام کرنے کے مقصد سے، مائی گو نے خلاقانہ مقابلے، معلوماتی سوشل میڈیا مہمات، خبرنامے، بلاگس، پوڈکاسٹس اور ویڈیوز  سمیت عوامی شرکت کے مختلف مواقع پیدا کیے۔

ان کوششوں میں سے ایک اہم پہل قدمی قومی یوم خلاء کوئز 2025 تھا۔ تجسس کو جگانے، سائنسی مزاج کو فروغ دینے اور ہندوستان کے خلائی پروگرام کے ساتھ عوامی رابطے کو گہرا کرنے کے لیے ڈیزائن کیے گئے، اس کوئز نے ملک بھر سے ہزاروں پرجوش شرکاء کو اپنی جانب متوجہ کیا۔ مزید، مائی گو نے سرفہرست 100 فاتحین کو 11 نومبر 2025 کو ستیش دھون اسپیس سینٹر – سری ہری کوٹا رینج (ایس ڈی ایس سی ایس ایچ اے آر) میں انڈین اسپیس ریسرچ آرگنائزیشن (اسرو) کا دورہ کرنے کا ایک خصوصی موقع پیش کیا۔

فاتحین کے دورے نے ہندوستان کی عالمی سطح کی خلائی تحقیق اور لانچ آپریشنوں کے بارے میں پردے کے پیچھے ایک انوکھی تفہیم پیش کی۔ شرکاء نے سینئر سائنس دانوں اور عہدیداروں کے ساتھ بات چیت کی جنہوں نے ہندوستان کے خلائی سفر، اہم سنگ میلوں اور جدید ترین تکنیکی ترقیوں کا احاطہ کرنے والے انٹرایکٹو سیشنز کا انعقاد کیا۔ گائیڈڈ ٹور کے ایک حصے کے طور پر، فاتحین کو ماسٹر کنٹرول سینٹر اور لانچ پیڈ 1 اور 2 کا دورہ کرنے کا اعزاز حاصل ہوا، وہ مشہور پلیٹ فارم جہاں سے ہندوستان کی لانچ گاڑیاں خلا میں جاتی ہیں۔ شرکاء نے راکٹوں کو جمع کرنے، ٹیسٹ کرنے، نقل و حمل اور لانچ کرنے کے لیے استعمال ہونے والے بڑے انفراسٹرکچر کا مشاہدہ کیا- سخت تیاری کی ایک نادر جھلک جو مشن کی کامیابی کو یقینی بناتی ہے۔

اس تجربے کو "زندگی میں ایک بار ملنے والے موقع" کے طور پر بیان کرتے ہوئے، فاتحین نے اسرو کی اختراع، درستگی، اور قومی ترقی کے عزم کے لیے اپنی تعریف کا اظہار کیا۔ بہت سے شرکاء نے بتایا کہ اس دورے سے سائنس، انجینئرنگ اور تحقیق میں کیریئر بنانے کے ان کے عزم کو تقویت ملی ہے۔

اسرو کی جدت طرازی اور عالمی تعاون کی انتھک جستجو ہندوستان کو عالمی خلائی ماحولیاتی نظام میں ایک ممتاز رہنما کی شکل دے رہی ہے۔ وزیر اعظم نریندر مودی کی قیادت میں، یہ آدتیہ-ایل1، گگنیان، اور آنے والی بین سیاروں کی تلاش جیسے تاریخی مشنوں کے ساتھ خلائی سائنس اور ٹیکنالوجی میں نئی ​​بلندیوں کو چھو رہا ہے۔ قومی خلائی دن کوئز جیسے اقدامات سائنسی علم تک رسائی کو جمہوری بنانے اور اختراع کرنے والوں اور متلاشیوں کی آئندہ پیڑھی کی پرورش کے لیے حکومت کے عزم کو مزید واضح کرتے ہیں۔

سال 2025 کا یہ دورہ مائی گو کے ذریعہ قومی سطح کے خلائی کوئز مقابلوں کے تیسرے کامیاب دورے کے طور پر اجاگر ہے۔ اس سلسلے کا آغاز 2023 میں چندریان – 3 مہاکوئز سے ہوا تھا، بعد ازاں 2024 میں قومی یوم خلاء کوئز اور اب 2025 کے ایڈیشن کا اہتمام کیا گیا۔ ہر سال کا مقابلہ  سرکردہ کارکردگی کا مظاہرہ کرنے والوں کے لیے اسرو کیمپس کے ترغیب آمیز تعلیمی کے ساتھ اختتام پذیر ہوتا ہے۔ ان ہمہ گیر کوششوں کے ذریعہ، مائی گو بھارت کی خلائی حصولیابیوں کے ساتھ شہریوں کو پیہم مربو کر رہا ہے، اور تحقیق ، اختراع اور قومی فخر کے جذبے کو پروان چڑھا رہا ہے۔

 

**********

 

(ش ح –ا ب ن- ع ر)

U.No:1570

(रिलीज़ आईडी: 2192322) आगंतुक पटल : 35