گورنمنٹ ای-مارکیٹ پلیس (جی ای ایم)، تجارت اور صنعت کی وزارت، حکومت ہند، اور اقوام متحدہ کے ادارہ برائے صنفی مساوات اور خواتین تفویض اختیارات نے (یو این ویمن) نے غیر رسمی پبلک سیکٹر سے خواتین کاروباریوں کو بااختیار بنانے اور ان کے انضمام کو بڑھانے کے لیے ایک یادداشت مفاہمت (ایم او یو) پر دستخط کیے ہیں۔

ایم او یو خواتین کی زیرقیادت کاروباروں سے بڑھتے ہوئے سورسنگ کی حوصلہ افزائی کرتے ہوئے صنفی جوابی خریداری کو فروغ دینے پر توجہ مرکوز کرتا ہے، اس طرح جی ای ایم کے وومانیہ اقدام کے تحت خواتین کاروباریوں کے لیے مارکیٹ تک رسائی کو بڑھاتا ہے۔

ایم او یو پر کنٹری نمائندہ، یو این ویمن انڈیا، محترمہ کانتا سنگھ اور ایڈیشنل سی ای اونے   دستخط کئے۔ جی ای ایم،جناب اجیت بی چوان، سی ای او، جی ای ایم،جناب مہر کمار نے تقریب کی صدارت کی۔ اپنے صدارتی کلمات میں، انہوں نے کہا کہ شراکت داری خواتین کاروباریوں کو عوامی خریداری تک ان کی رسائی کو وسعت دے کر اورجی ای ایم کے ذریعے فارورڈ مارکیٹ روابط پیدا کرکے انہیں بااختیار بنانے کے جی ای ایم کے عزم کو تقویت دیتی ہے۔

جی ای ایم ، مرکزی اور ریاستی حکومت کی وزارتوں، محکموں،پی ایس یوز اور خود مختار اداروں کے لیے قومی عوامی خریداری کا پورٹل، شفاف، موثر اور جامع خریداری کو فروغ دینا جاری رکھے ہوئے ہیں۔جی ای ایم

کے ذریعے، خواتین کاروباری اور سیلف ہیلپ گروپس  براہ راست سرکاری خریداروں کو اپنی مصنوعات فراہم کر سکتے ہیں۔ بغیر کسی رکاوٹ کے آن بورڈنگ اور پروکیورمنٹ کو سپورٹ کرنے کے لیےجی ای یم  نے جنرک مصنوعات کے زمرے بنائے ہیں جن میں دستکاری، ہینڈلوم کی اشیاء، جوٹ اور کوئر کے سامان، بانس کی مصنوعات، نامیاتی کھانے، مصالحے، لوازمات، گھر کی سجاوٹ اور دفتری فرنشننگ شامل ہیں۔

تعاون کے تحت، یو این ویمن تربیتی مواد تیار کرے گی، عالمی بہترین طریقوں کی سفارش کرے گی، کامیابی کی کہانیاں شیئر کرے گی اور خواتین کی زیر قیادت کاروبار کے لیے توثیق کے معیار کو تیار کرنے میں مدد کرے گی۔یویان ویمن وومانیہ،ووکل فار لوکل آؤٹ لیٹ کو بھی فروغ دے گی، یواین پروگرام کے شرکاء کی آن بورڈنگ میں مدد کرے گی،ایم ایس ایم ای ادیم رجسٹریشن کی حوصلہ افزائی کرے گی، خواتین ٹرینرز کو متحرک کرے گی اور خواتین کاروباریوں کو مشیروں اور متعلقہ اداروں سے مربوط کرے گی۔

جی ای ایم تربیتی پروگرام منعقد کرے گا، سرکاری خریداروں کو حساس بنائے گا اور خواتین کاروباریوں کی کامیابیوں کو اجاگر کرے گا۔ جی ای ایم آن بورڈنگ ورکشاپس کا بھی اہتمام کرے گا، مقامی زبان میں تربیتی مواد تیار کرے گا اور انٹرپرینیورشپ اور کام کے اچھے مواقع کے لیے شراکت داری قائم کرے گا۔ مزید برآں،جی ای ایم خواتین ٹرینرز کو شامل کرے گا اور خواتین کاروباریوں کو سرکاری لیبز اورآر اینڈ ڈی اداروں کے ساتھ منسلک کرے گا تاکہ مصنوعات کی ترقی، بہتری اور مارکیٹ کی تیاری میں مدد مل سکے۔

جی ای ایم اور یو این ویمن مل کر صنفی جوابی خریداری کو فروغ دینے، ہائپر،مقامی مارکیٹ کے روابط کو مضبوط بنانے اور پائیدار ترقی کے ہدف 5 ، صنفی مساوات اور تمام خواتین اور لڑکیوں کو بااختیار بنانے کے لیے کام کریں گے۔

ایم او یو پر اقوام متحدہ کے ریذیڈنٹ کوآرڈینیٹر آفس (یو این آر سی او)، بھارت،محترمہ رادھیکا کول بتراسمیت عہدیداروں کی موجودگی میں دستخط کیے گئے۔ دونوں تنظیموں کے سینئر افسران، اور تجارتی انجمنوں کے نمائندے جیسے لگھو ادیوگ بھارتی،پی ایچ ڈی سی سی آئی اور سیوا بھارت اس میں شام تھے۔ دستخط کی تقریب جی ای ایم کے دفتر، جیون بھارتی بلڈنگ، نئی دہلی میں منعقد ہوئی۔

***

(ش ح۔اص)

UR No 1569

 

(Release ID: 2192308) Visitor Counter : 6