انڈین نیشنل ٹرسٹ فار آرٹ اینڈ کلچرل ہیریٹیج (انٹیک) نے گج-لوک: ایشیا میں ہاتھیوں کی سرزمین اور ان کی ثقافتی علامت کا آغاز کرتے ہوئے خوشی کا اظہار کیا ہے ، یہ پہل ایشیائی ہاتھی کے بین ملکی روابط کو دستاویزی شکل دینے اور ان کا جائزہ لینے کے مقصد کے لیے تیار کی گئی ہے، جس میں ہاتھیوں کے مسکن والے ایشیائی ممالک میں پھیلی ہوئی باہم جڑی ہوئی ثقافتی، تاریخی، ماحولیاتی اور موسمیاتی مزاحمت  کی کہانیوں کو اجاگر کیا گیا ہے۔

ماہرین تعلیم ، ثقافتی ماہرین اور اس کی تحفظاتی مہم میں مصروف افراد  کو یکجا کرتے ہوئے ، گج-لوک نمائش اور گول میز اجلاس ایک کثیر ملکی مکالمے کے آغاز کی نشاندہی کرتا ہے جو ہاتھی کو ایک ثقافتی شبیہ اور ماحولیاتی استحکام کی زندہ علامت، دونوں کے طور پر پیش کرتا ہے ۔

نمائش میں چھ موضوعاتی پینل پیش کیے گئے ہیں جو انسان اور ہاتھیوں کے پائیدار تعلقات کو ظاہر کرتے ہیں-ماقبل تاریخی فن اور قدیم تجارتی راستوں سے لے کر ہاتھیوں کی تصویروں اور مقدس روایات تک-یہ ظاہر کرتے ہیں کہ ہاتھیوں نے پورے ایشیا میں عقیدے، طاقت اور ثقافتی تبادلے کو کس طرح تشکیل دیا ہے ۔  یہ کیرالہ کے روبوٹک مندر کے ہاتھیوں جیسے تاریخی تسلسل اور جدید اختراعات دونوں کو اجاگر کرتا ہے ، جو ناظرین کو ہمدردی ، ورثے اور آج کے بقائے باہمی کے امکانات پر غور کرنے کی دعوت دیتا ہے۔

پروجیکٹ گج-لوک اور اس کے ساتھ منعقد نمائش کا افتتاح جناب وویک اگروال ، آئی اے ایس، سکریٹری، وزارت ثقافت ، جناب اشوک جےراج سنگھ، چیئرمین، انٹیک، جناب رویندر سنگھ آئی اے ایس(ریٹائرڈ)، ممبر سکریٹری ، انٹیک  اور محترمہ نروپما وائی موڈ ویل، پرنسپل ڈائریکٹر، انٹینجیبل کلچرل ہیریٹیج ڈویژن ، انٹیک ، جناب منو بھٹناگر ، پرنسپل ڈائریکٹر ، نیچرل ہیریٹیج ڈویژن ، انٹیک  اور دیگر انٹیک حکام اور مدعو مہمانان کی موجودگی میں کریں گے ۔

گج- لوک گول میز اجلاس میں ممتاز اسکالرز اور تحفظاتی مہم میں مصروف عمل افراد شامل ہیں ، جن میں پروفیسر رمن سکومار ، سینٹر فار ایکولوجیکل سائنسز ، انڈین انسٹی ٹیوٹ آف سائنس ، بنگلور ، ایشیائی ہاتھیوں پر مہارت رکھنے والی شخصیت؛ جناب وویک مینن ، صدر، آئی یو سی این اسپیسز سروائیول کمیشن اور بانی اور ای ڈی ، وائلڈ لائف ٹرسٹ آف انڈیا؛ ڈاکٹر ونود ماتھر ، سابق چیئرپرسن ، نیشنل بائیو ڈائیورسٹی اتھارٹی آف انڈیا اور سابق ڈائریکٹر ، وائلڈ لائف انسٹی ٹیوٹ آف انڈیا؛ ڈاکٹر خالد پاشا ، آئی یو سی این ایشیا کے علاقائی رابطہ کار ، بنکاک؛ جناب روی سنگھ ، سکریٹری جنرل اور سی ای او ، ڈبلیو ڈبلیو ایف-انڈیا؛ ڈاکٹر ششی بالا ، ڈین ، سینٹر آف انڈولوجی ، بھارتیہ ودیا بھون؛ محترمہ سجاتا شنکر، آرکیٹیکٹ اور کنوینر، انٹیک چنئی؛ ڈاکٹر نندیتا کرشنا، صدر، سی پی راماسوامی ایّر فاؤنڈیشن ، چنئی؛ پروفیسر ارچنا شاستری ، سابق ڈائریکٹر ، میکانگ-گنگا کو آپریشن ایشین ٹریڈیشنل ٹیکسٹائل میوزیم ، سائم ریپ ، کمبوڈیا؛ ڈاکٹر این وی کے اشرف،وائلڈ لائف ٹرسٹ آف انڈیا؛  ڈاکٹر ارون وینکٹ رمن ، ٹیکنیکل کنسلٹنگ ڈائریکٹر ، ای آر ایم؛ پروفیسر مہیش رنگا راجن، مؤرخ، اشوکا یونیورسٹی ؛ محترمہ انا پوری ، مصنف ، سوانح نگار  اور آرٹ کیوریٹر؛ پروفیسر علی انوشہر ، مؤرخ ، یونیورسٹی آف کیلیفورنیا ؛ اور ڈاکٹر سمن جین ، مؤرخ ، بنارس ہندو یونیورسٹی بطور خاص ہیں۔

یہ سیشن مل کر ایشیائی ہاتھی پر تاریخی، ثقافتی ، ماحولیاتی اور تحفظاتی نقطہ نظر کو تلاش کریں گے ۔  گول میز اجلاس سے حاصل ہونے والی معلومات گج-لوک ڈوزیئر میں معاون ثابت ہوگی، جو ایک کثیر شعبہ جاتی تحقیق اور دستاویزات کی پہل ہے جو ہاتھیوں سے متعلق ورثے کی بین ملکی شناخت کی حمایت کرتی ہے ۔

گج-لوک صرف ایک ثقافتی پروگرام نہیں ہے بلکہ یہ اِس سے بڑھ کر انسانوں اور ہاتھیوں کے درمیان پائیدار بندھن کا جشن ہے ۔  فن ، ماحولیات ، اسکالرشپ اور بین ملکی شراکت داری کے درمیان فرق کو ختم کرکے، یہ پہل پورے ایشیا میں تحفظ ، ثقافتی ورثے اور ماحولیاتی انتظام کے لیے مشترکہ عزم کو تحریک دینے کی کوشش کرتی ہے ۔

***************

) ش ح –م ش-  ش ہ ب )

U.No. 1531 

(Release ID: 2192020) Visitor Counter : 5