اندرا گاندھی نیشنل سینٹر فار دی آرٹس (آئی جی این سی اے) کے کلا درشن ڈویژن کے دو روزہ سالانہ جشن کا آغاز شاندار نمائشوں اور دل موہ لینے والے موسیقی و رقص کے پروگراموں کے ساتھ ہوا۔ افتتاحی تقریب میں آئی جی این سی اے کے صدر جناب رام بہادر رائے ، ممبر سکریٹری ڈاکٹر سچدانند جوشی ، سنسکار بھارتی کے آل انڈیا آرگنائزیشن کے وزیر جناب ابھیجیت گوکھلے ، سکم یونیورسٹی کے وائس چانسلر پروفیسر ایس کے سوائن ، اور آئی جی این سی اے کے کالا درشن ڈویژن کی چیئرپرسن پروفیسر ریچا کومبج نے شرکت کی ، جنہوں نے مشترکہ طور پر رسمی چراغ روشن کیا ۔

جناب رام بہادر رائے نے سنسکار بھارتی کے اشتراک سے کلادرشن ڈویژن کی جانب سے منعقدہ منفرد نمائش ‘سوہردا’کا افتتاح کیا۔ اس نمائش میں بھارت کے ثقافتی مقامات اور مشہور پنڈھر پور واری یاترا کی دلکش تصاویر پیش کی گئی ہیں۔ ایک اور خصوصی نمائش ‘شمال مشرقی ہندوستانی ریاستوں کے ثقافتی منظرنامے میں ایئروفون سازوں کی ساخت اور صورت’ کا بھی افتتاح کیا گیا۔ سکم یونیورسٹی کے شعبہ موسیقی کے اسسٹنٹ پروفیسر (بانسری) ڈاکٹر سنتوش کمار کے زیر اہتمام ، اس نمائش میں شمال مشرقی ریاستوں کے نایاب موسیقی کے آلات پیش کیے گئے ہیں۔ جن میں سکم کا لیپچا، آسام کا بانسری نما سیفنگ، شہنائی جیسا ٹانگموری، اور دیگر روایتی ساز شامل ہیں۔ یہ نمائشیں آئی جی این سی اے کی درشنم گیلری میں نصب کی گئی ہیں اور 21 نومبر کو شام 6 بجے تک عوام کے لیے کھلی رہیں گی۔

سالانہ یومِ تاسیس کے افتتاحی اجلاس کی صدارت آئی جی این سی اے کے ممبر سکریٹری ڈاکٹر سچدانند جوشی نے کی، جبکہ جناب ابھیجیت گوکھلے اور وائس چانسلر پروفیسر ایس کے سواین معزز مہمان کے طور پر موجود تھے۔ نمائشوں کے بعد ثقافتی پروگراموں کا سلسلہ شروع ہوا۔ افتتاحی دن کی پہلی پیشکش سارنگی وادن تھی۔ سینیا گھرانے کے بین الاقوامی شہرت یافتہ سارنگی نواز، استاد کمال صابری نے آئی جی این سی اے کے سمویت آڈیٹوریم میں اپنی غیر معمولی پیشکش سے حاضرین کو مسحور کر دیا۔ یہ پروگرام آئی جی این سی اے کی این ایم سی ایم ڈویژن کی جانب سے منعقد کیا گیا تھا۔ دن کی آخری پیشکش ‘دیویا راس’ تھی۔ سنگیتا چٹرجی اور کلپترو ڈانس انسیمبل نے رادھا اور کرشن کے لیلاؤں کو رقص اور موسیقی کے ذریعے نہایت خوبصورتی سے پیش کیا، جس سے حاضرین کو روحانی سرشاری کا منفرد تجربہ حاصل ہوا۔

 

تقریبات کے دوسرے دن ، 20 نومبر کو ودوشی ڈاکٹر سبھدرا دیسائی ہندوستانی کلاسیکی موسیقی پیش کریں گی ، جس کے بعد محترمہ ابھا سریواستو اور ان کے دستوں کی طرف سے روایتی بندیل کھنڈ بدھائی رقص کی پیشکش کی جائے گی ۔  کیا۔ نمائشوں سے لے کر شام کی پیشکشوں تک، تمام پروگراموں نے بھارتی ثقافت کی تنوع، تخلیقی صلاحیت اور گہری جمالیاتی روح کو نہایت خوبصورتی سے پیش کیا۔

نمائشوں اور ثقافتی پیشکشوں نے پورے پروگرام میں تہوار جیسا ماحول پیدا کر دیا۔ کلا درشن کی سالانہ تقریبات کے پہلے دن نے بھارتی فن و ثقافت کے تحفظ اور فروغ کی سمت ایک اہم قدم کی حیثیت اختیار کی۔

******

ش ح۔ ش آ ۔ م ش

U. No-1532

(Release ID: 2192004) Visitor Counter : 3