وزارت دفاع کے تحت 18 نومبر 2025 کو نئی دہلی میں منعقدہ نیشنل واٹر کنزرویشن تقریب کے دوران ڈیفنس ایسٹیٹس آرگنائزیشن کو بہترین شراکت دار وزارتوں/محکموں کے زمرے میں جل سنچئے جن بھاگیدری (جے ایس جے بی1.0) ایوارڈ سے نوازا گیا۔ یہ کامیابی تنظیم کی پانی کے تحفظ میں مثالی خدمات اور قومی پانی کے مشن، وزارت جل شکتی کے تحت ایک اہم قومی شراکت دار کے طور پر اس کے کردار کا جشن ہے۔ یہ تنظیم بین شعبہ جاتی تعاون کے لیے ایک ماڈل کے طور پر ابھری ہے، جو کمیونٹی کی شمولیت کو انفراسٹرکچر اور ماحولیاتی اقدامات کے ساتھ مؤثر طریقے سے مربوط کرتی ہے۔

ڈیفنس ایسٹیٹس نے ملک بھر میں دفاعی اداروں میں پانی کی سلامتی کی پہل کاریوں کو آگے بڑھانے میں شاندار کارکردگی دکھائی۔ جدید منصوبہ بندی، کمیونٹی پر مبنی اقدامات اور مؤثر نفاذ کی حکمت عملیوں کے ذریعے، تنظیم نے بڑے پیمانے پر پانی کی بچت ؛ متعدد علاقوں میں زیر زمین پانی کی بازیابی میں اضافے؛ روایتی آبی ذخائر اور ورثے کے آبی ڈھانچے کے احیا؛ رویے میں تبدیلی اور کمیونٹی کی شرکت کی حوصلہ افزائی کی کوششوں کو کامیابی سے فروغ دیا اور ذمہ دارانہ پانی کی دیکھ بھال کے ذریعے طویل مدتی پائیداری کو مضبوط کیا۔

اس ایوارڈ نے ڈیفنس ایسٹیٹس کے اہم کردار کو اجاگر کیا جو بھارت سرکارکے آب-محفوظ مستقبل کے وژن کی حمایت میں ہے، جس کا مقصد جے ایس جے بی 2.0 کے تحت 10 ملین مصنوعی ریچارج اور پانی کی بچت کے ڈھانچے بنانے کا ہدف ہے۔

***

(ش ح – ع ا)

U. No. 1447

(Release ID: 2191409) Visitor Counter : 4