محکمہ آثار قدیمہ (اے ایس آئی) 18 تا 19 نومبر 2025 کو پروجیکٹ موسم کےموضوع کے اسٹڈی فریم ورک دستاویز پر دو روزہ ورکشاپ کا انعقاد کررہا ہے جس کا عنوان ‘‘بحر ہند کے علاقے میں سمندری نیٹ ورکس کے سنگم پر واقع جزائر’’ ہے۔نئی دہلی کے ہمایوں ٹومب ورلڈ ہیریٹیج کے میوزیم میں منعقد ہونے والی ورکشاپ میں بین الاقوامی شہرت کے مختلف اداروں جیسے وزارت خارجہ، نیشنل انسٹی ٹیوٹ آف اوشیانوگرافی، بندرگاہوں، جہاز رانی اور آبی گزرگاہوں کی وزارت،آئی جی این سی اے، وائلڈ لائف انسٹی ٹیوٹ آف انڈیا، نیشنل ڈیزاسٹر مینجمنٹ اتھارٹی، ہندوستانی محکمہ موسمیات، یونیسکو کے علاقائی دفتر برائے جنوبی ایشیا،آئی سی او ایم اہ ایس انڈیا وغیرہ کے ماہرین اور مندوبین کی شرکت متوقع ہے۔

اس تقریب کا افتتاح وزیر ثقافت جناب گجیندر سنگھ شیخاوت کریں گے اور وہ دو اشاعتوں ، ‘‘جلادھیپورایاترا’’ اور ‘‘بحر ہند کے علاقے میں سمندری نیٹ ورکس کے سنگم پر واقع جزائر’’کے عنوان سے تھیمیٹک اسٹڈی فریم ورک کا دستاویز کی رسم اجراء کا مشاہدہ کریں گے۔

پروجیکٹ موسم کا نام عربی لفظ موسم سے مشتق ہے، جس سے مراد موسمی مانسون ہواہے۔ جو بحیرہ احمر اور بحر ہند کے علاقے میں جہاز رانی  میں اہم کردار ادا کرتی ہے ۔ یہ ہوائیں، جون سے ستمبر تک جنوب مغرب اور اکتوبر-نومبر سے فروری-مارچ تک شمال مشرق کی طرف چلتی ہیں،جو  کم از کم پچھلے پانچ ہزار سالوں سے لوگوں، مصنوعات اور خیالات کی نقل و حرکت کی رہنمائی کرتی رہی ہیں۔

یہ وسیع خطہ طویل عرصے سے افریقہ، عرب، مشرقی ایشیا اور جنوب مشرقی ایشیا کو جوڑنے والے تجارتی اور ثقافتی تبادلوں کے مرکز کے طور پر کام کرتا رہا ہے۔ یہ دوطرفہ  تعامل مادی اور معنوی دونوں وراثتوں میں جھلکتا ہے۔ ٹھوس ثقافتی وراثت جیسے آثار قدیمہ کے کھنڈرات ، فنی اشیاء، اور تاریخی مناظر اور معنوی آثار، بشمول زبانیں، رسم الخط، طبی روایات، تہوار، لباس، خورد ونوش اور رسم و رواج۔

اس بھرپور ثقافتی اور ماحولیاتی تنوع کو دریافت کرنے کے واسطے ، حکومت ہند کی وزارت ثقافت نے 2014 میں قطر کے شہر دوحہ میں منعقدہ  یونیسکو کی عالمی ثقافتی ورثہ کمیٹی کے 38ویں اجلاس میں پروجیکٹ موسم کا آغاز کیا۔

یہ کثیر موضوعاتی اقدام، جسے فی الحال اے ایس آئی کے زیر اہتمام انجام دیاجارہاہے، بحر ہند کےآر  پار تاریخی تعلقات کو بحال کرنے اور باہمی تال میل ، اشتراک اور تبادلے کے نئے مواقع پیدا کرنے پرمرکوزہے۔

دو روزہ ورکشاپ کا مقصد قدرتی اور ثقافتی وراثت کے مقامات کے لیے ممکنہ بین الاقوامی عالمی ثقافتی ورثہ کی نامزدگی کی تجاویز کے ساتھ ساتھ بحر ہند کے

ممالک میں معنوی ثقافتی وراثت  کے عناصر ،نیز متعلقہ ثقافتی شعبوں میں دو طرفہ اور کثیر جہتی تعاون کو فروغ دینے کے مواقع پر تبادلہ خیال کرنا ہے، جس میں صلاحیت سازی ، دستاویزات کی تیاری ، تاریخی عمارتوں اور آثارقدیمہ کی ترقی شامل ہیں۔

************

ش ح۔م ش ع۔ ج ا

 (U: 1406       

(Release ID: 2191091) Visitor Counter : 7