کے آئی ای ٹی گروپ آف انسٹی ٹیوشنز میں سالانہ ٹیک فیسٹ "انوٹیک ’25" سے خطاب کرتے ہوئے، سائنس و ٹیکنالوجی کے مرکزی وزیر مملکت (آزادانہ چارج)، وزیر اعظم کے دفتر، عملہ، عوامی شکایات، پنشن، جوہری توانائی اور خلاء کے وزیر مملکت ڈاکٹر جتیندر سنگھ نے آج اس بات پر روشنی ڈالی کہ ہندوستان اب 64,000 سے زائد پیٹنٹس کے ساتھ دنیا کا چھٹا سب سے بڑا پیٹنٹ فائلر کے طور پر ابھرا ہے، جن میں سے 55 فیصد سے زائد پیٹنٹس رہائشی ہندوستانی اختراع کاروں کے ہیں، جو تحقیق، رہنمائی اور پروجیکٹ کی تکمیل کے لیے غیر ملکی اداروں پر انحصار کرنے والے سابقہ رجحان سے یکسر مختلف ہیں۔

وزیر موصوف نے کہا کہ رہائشی پیٹنٹ فائلنگ میں ہندوستان کا قابل ذکر اضافہ ملک کے تیزی سے پختہ ہونے والے اختراعی ماحولیاتی نظام اور بڑھتی ہوئی عالمی مسابقت کی عکاسی کرتا ہے۔

ڈاکٹر جتیندر سنگھ نے زور دے کر کہا کہ یہ تبدیلی "گھر میں سب سے زیادہ ہم آہنگ ماحول" کے ظہور کو ظاہر کرتی ہے، جو مستقل پالیسی مداخلتوں، تحقیق کے لیے ترغیبات اور وزیر اعظم نریندر مودی کی قیادت میں قائم کیے گئے سازگار ماحول سے فعال ہے۔ انہوں نے مزید کہا کہ جو کبھی پالیسی کی حمایت اور ادارہ جاتی سرپرستی کی کمی تھی، اسے گزشتہ دہائی کے دوران منظم طریقے سے حل کیا گیا، جس سے نوجوان ہندوستانی اختراع کاروں کو جدید ترین تحقیق کرنے اور ملک کے اندر اعلیٰ قیمت والے پیٹنٹس فائل کرنے کا موقع ملا ہے۔

ہندوستان کے صف اول کے سائنسی ملک میں تبدیلی پر روشنی ڈالتے ہوئے وزیر موصوف نے کہا کہ ملک گلوبل انوویشن انڈیکس میں 81 ویں درجہ سے بڑھ کر 38 ویں درجہ پر پہنچ گیا ہے، جو مستقل مزاجی، تاریخی کامیابیوں اور سائنس و ٹیکنالوجی پر قومی توجہ کے نتیجے میں حاصل کی گئی غیر معمولی چھلانگ ہے۔ انہوں نے چندریان-3، ہندوستان میں تیار کی گئی دنیا کی پہلی ڈی این اے ویکسین، مقامی اینٹی بائیوٹکس اور جین تھراپی کے کامیاب ٹرائلز جیسے سنگ میل کی طرف اشارہ کرتے ہوئے کہا کہ یہ ملک کی بڑھتی ہوئی سائنسی صلاحیت اور عالمی قیادت کی نمائندگی کرتے ہیں۔

ڈاکٹر جتیندر سنگھ نے زور دیا کہ انوٹیک ’25 جیسے پروگرام بڑے قومی ماحولیاتی نظام کی عکاسی کرتے ہیں جو نجی شرکت، ڈیپ ٹیک انٹرپرینیورشپ اور کراس سیکٹر انوویشن کو ترجیح دیتا ہے۔ انہوں نے کہا کہ سائنس و ٹیکنالوجی کے محکمے (ڈی ایس ٹی) کی حمایت یافتہ نمائشیں اور کنکلیو صنعت کے لیڈرز، محققین، وینچر کیپٹلسٹ اور نوجوان کاروباریوں کو ایک پلیٹ فارم پر اکٹھا کرنے میں اہم کردار ادا کرتی ہیں، جس سے خیالات کو تجارتی طور پر قابل عمل نتائج میں تیزی سے تبدیل کیا جا سکتا ہے۔ تقریب میں 20 سے زیادہ وینچر کیپٹلسٹوں کی شرکت کے ساتھ وزیر موصوف نے اس بات کو دہرایا کہ ہندوستان کی اگلی تکنیکی چھلانگ کو مضبوط سرکاری-نجی شراکت داری سے تقویت ملے گی۔

وزیر موصوف نے روزی روٹی اور کیریئر سے متعلق دیرینہ خرافات کو توڑنے کی ضرورت پر بھی زور دیا۔ انہوں نے کہا کہ تیزی سے بدلتے ہندوستان میں انٹرپرینیورشپ، اسٹارٹ اپس، ہنر مندی اور اپلائیڈ سائنسز سرکاری ملازمتوں پر روایتی انحصار کے مقابلے میں کہیں زیادہ مواقع فراہم کرتے ہیں۔ مدرا، پی ایم-سواندھی، اور پی ایم-وشوکرما جیسی سرکاری اسکیموں کی کامیابی کی مثال دیتے ہوئے وزیر موصوف نے کہا کہ حکومت نے اعلیٰ تعلیم کے بغیر بھی افراد کے لیے قابل رسائی فنڈنگ، سرپرستی اور ہنر مندی کے فروغ کے راستے کو یقینی بنایا ہے۔

انہوں نے مزید کہا کہ قومی تعلیمی پالیسی (این ای پی 2020) طلباء کو مضامین تبدیل کرنے، کثیر شعبہ جاتی تعلیم حاصل کرنے اور اپنی استعداد پر عمل کرنے کی اجازت دے کر تعلیمی ڈھانچے کو آزاد کرتی ہے۔ ڈی ایس ٹی کے اقدامات—انسپائر فیلوشپس، مانک ایوارڈز، وقف خواتین و قبائلی سائنس پروگرام، اور بیرون ملک مقیم ہندوستانی محققین کو ہندوستانی اداروں سے جوڑنے والی ویوبھو پہل—کو عالمی سطح پر مسابقتی سائنسی افرادی قوت کی تشکیل کے مواقع کے طور پر اجاگر کیا گیا۔

اپنے دورے کے دوران ڈاکٹر جتیندر سنگھ نے طلباء سے بات چیت کی، ان کے پروٹو ٹائپ کا جائزہ لیا اور انہیں اعتماد اور کاروباری جذبے کے ساتھ اختراع کو آگے بڑھانے کی ترغیب دی۔ وزیر موصوف نے مصنوعی ذہانت، مشین لرننگ، آئی او ٹی، آٹومیشن، بائیوٹیکنالوجی اور ڈیزاسٹر مینجمنٹ جیسے شعبوں میں دکھائی گئی تخلیقی صلاحیتوں کو سراہا اور کہا کہ یہ منصوبے ملک کی سائنسی امنگوں اور ہندوستان کے نوجوانوں کی ذہانت دونوں کی عکاسی کرتے ہیں۔

وزیر موصوف نے اس تقریب میں شرکت کرنے والے رکن پارلیمنٹ جناب اٹل گرگ جین کی موجودگی کو تسلیم کرتے ہوئے اپنی بات ختم کی۔ ڈاکٹر سنگھ نے خطے میں اختراع پر مبنی اقدامات کو فروغ دینے میں جناب گرگ کے کردار کی تعریف کی اور انہیں انوٹیک ’25 کا حصہ بننے کی دعوت دینے پر ان کا شکریہ ادا کیا۔

*************

 

 ( ش ح۔ اس ک)

U.No.1280

(Release ID: 2190136) Visitor Counter : 6