Ka kynhun ki 14 ngut ki nongthoh khubor na Meghalaya bad Tripura, kiba don mynta ha ka jingleit jngoh ia ka jylla Karnataka, mynta ka sngi ki la leit jngoh ïa ka Electronics Systems Division (ESD) jong ka Bharat Heavy Electricals Limited (BHEL) ha Bengaluru, ha kaba la ai ka jingbatai kaba bniah halor ki bor treikam jong ka tnad, ki jingnohsynniang bad ki sienjam ba iadei bad ka lawei jong ki kam ba kongsan jong ka ri.

Ka BHEL, kaba hap hapoh ka Tnad Heavy Industries, Sorkar India, ka dei kawei na ki kompani ba heh tam jong ka India bad ka treikam ha ki kam kum ka bording, ka leit ka wan, ka jingïada bad ki jingdon jingem, ka pynbiang ïa ki mar bad ki jingshakri na ka bynta ka jingpynmih bording, ka jingpynpoi bording, bad kiwei kiwei ki kam ba kongsan.

Ia ka kynhun ki nongthoh khubor la pdiang sngewbha bad la ai jingbatai lyngkot da u Anbalagan, General Manager jong ka Electronics Systems Division. Ha ka jingai jingkren jong u, u Anbalagan u la batai bniah shaphang ka bynta ba kongsan jong ka ESD ha kaba pynpoi ïa ki jingpynbeit lyngba ki mar elektrik kiba bha na ka bynta ka jingïada, ka bording, ka kam haw haw bad ki jingpyndonkam ha ki karkhana. U la pynpaw ïa ka jingdon bynta kaba nangkiew jong ka BHEL ha ka jingkylla ha ka bording jong ka India lyngba ka jingpynmih bad jingpyndonkam ïa ki kor pynmih bording solar, kumjuh ruh ka jingiai kyrshan jong ka ïa ki jaka pynmih bording da kaba pynbiang ïa ki kor pynïaid bad ki teknoloji ba treikam dalade kiba donkam na ka bynta ka jingtreikam kaba seisoh bha jong ka karkhana.

Kawei na ki jingjop ba kongsan ba la ban jur ha ka jingïakren kadei ka jingnoh synñiang jong ka BHEL sha ka INS Vikrant, ka lieng kit liengsuiñ ba nyngkong eh jong ka ri India. Ka Electronics Systems Division ka don ka bynta kaba kongsan ha kaba pynbiang ïa ki kor pynïaid bad ki tiar ba kongsan na ka bynta ka lieng, kaba long u mawmer jong ka jingkut jingmut ka BHEL ban ïada ïa ka ri bad ban kyrshan dalade.

La ialam ia ki nongthoh khubor ban leit jngoh ia ki jaka shna tiar jong ka ESD, ki R&D center bad ki jaka test, ha kaba ki la sakhi hi dalade ia ki jingdon jingem kiba ktakum ka juk mynta bad ki rukom treikam kiba pyrkhing bha kiba pyni ia ka jingtbit jong ka BHEL ha ka kam shna jingshna. Ka jingleit jngoh ka la ai ki jingshem ba kordor halor ka jinglah jong kane ka tnat ban shna ia ki tiar iada ri, ki system ba iadei bad ka suinbneng, ka leit ka wan bad ka jingpyntreikam hi ia ki karkhana, bad kumjuh ruh ka jingpyniadei jong ka bad ki sienjam ‘Make in India’ bad ‘Atmanirbhar Bharat’ jong ka Sorkar India.

La pynkut ia ka jingïakren da ka jingbuh ia ki jingkylli, ha kaba ki heh ophisar jong ka BHEL ki la jubab ïa ki jingkylli jong ki nongthoh khubor bad ki la ïasam ïa ki jingmut halor ki projek ki ban sa wan, ka jingkylla ha ka kam digital bad ka jingpynkhreh jong ka kompeni na ka bynta ka jingpynneh pynsah bad ka jingsaindur thymmai.

 

(Release ID: 2189839) visitor counter : 19