وزیر دفاع جناب راج ناتھ سنگھ 10 نومبر 2025 کو نئی دہلی میں 16 سرکاری دائرہ کار کی دفاعی کمپنیوں(ڈی پی ایس یو) کی سالانہ کارکردگی کا جائزہ لیں گے۔ وزیر دفاع نے ڈی پی ایس یوز کے ذریعے نئی تکنالوجی کی ترقی کی اہمیت اور برآمدات اور برآمدات کو بڑھانے کی ضرورت پر زور دیتے ہوئے 2025 کو 'اصلاحات کا سال' قرار دیا تھا۔ اس مقصد کے حصول کے لیے، انہوں نے تحقیق و ترقی کے لیے اپنی سرمایہ کاری اور افرادی قوت بڑھانے کی تلقین کی۔

اس کے بعد سے، تمام سرکاری دائرہ کار کی کمپنیوں نے آئندہ پانچ برسوں کے لیے اپنا تحقیق و ترقی روڈ میپ تیار کر لیا ہے۔ گذشتہ 10 برسوں میں، 16 ڈی پی ایس یوز کے ذریعہ تحقیق و ترقی میں مجموعی طور پر 30,952 کروڑ روپے کی سرمایہ کاری کی گئی ہے۔ تحقیق و ترقی کی رفتار کو اب آئندہ پانچ برسوں میں 32,766 کروڑ روپے کے متوقع اخراجات کے ساتھ دوگنا کرنے کی تجویز ہے۔ جب کہ گذشتہ 10 برسوں میں تحقیق و ترقی کی زیادہ تر سرمایہ کاری پرانی ڈی پی ایس یوز نے کی تھی، خاص طور پر ہندوستان ایروناٹکس لمیٹڈ (ایچ اے ایل)، بھارت الیکٹرانکس لمیٹڈ اور بھارت ڈائنامکس لمیٹڈ، اب تحقیق و ترقی پر زور تمام ڈی پی ایس یوز میں پھیلا ہوا ہے۔ آئندہ پانچ برسوں میں، آرڈیننس فیکٹری بورڈ کے کارپوریٹائزیشن پر بنائے گئے سات نئے ڈی پی ایس یوز تحقیق و ترقی کے لیے 3,000 کروڑ روپے سے زیادہ کی سرمایہ کاری کریں گے، جب کہ ڈیفنس شپ یارڈز نے 1,300 کروڑ روپے سے زیادہ کی سرمایہ کاری کا منصوبہ بنایا ہے۔

تقریب کے دوران، گذشتہ 10 برسوں میں کئے گئے ڈی اینڈ ڈی / آر اینڈ ڈی منصوبوں کی ایک تالیف، اور آئندہ پانچ برسوں کا منصوبہ جاری کیا جائے گا۔ اس کے علاوہ، ایچ اے ایل کے نئے تحقیق و ترقی کا کتابچہ جاری کیا جائے گا جو تحقیق و ترقی کے منصوبوں میں مضبوطی، رفتار، خطرے کی تشخیص اور مختص فراہم کرتی ہے۔

وزیر دفاع قابل تجدید توانائی کے بارے میں ایک رپورٹ بھی جاری کریں گے ، جس کا عنوان ’سوئم‘ ہے۔ یہ رپورٹ محکمہ دفاعی پیداوار کے زیراہتمام تمام 16 ڈی پی ایس یوز کے توانائی کی کارکردگی کے طریقوں کو مرتب کرنے کی پہلی کوشش ہے۔

قابل ذکر بات یہ ہے کہ 2024-25 میں ڈی پی ایس یوز کی کارکردگی قابل ستائش رہی ہے۔ مجموعی ٹرن اوور 1.08 لاکھ کروڑ روپے رہا، جو 2023-24 میں اس سے 15.4 فیصد زیادہ ہے۔ ڈی پی ایس یوز نے 2024-25 میں 20,021 کروڑ روپے کا مجموعی منافع بعد از ٹیکس ریکارڈ کیا، جس میں پچھلے سال کے مقابلے میں 19.5 فیصد اضافہ ہوا۔ قابل ذکر بات یہ ہے کہ 2024-25 میں، ڈی پی ایس یو نے گزشتہ مالی سال کے مقابلے میں برآمدات میں 51فیصد کا اضافہ حاصل کیا۔ یہ تقریب مختلف شعبوں میں نمایاں کامیابیوں اور اہم مفاہمت ناموں کے تبادلے پر مختلف ڈی پی ایس یوز کو مبارکباد پیش کرے گی۔

**********

 

(ش ح –ا ب ن- ع ر)

U.No:975

(Release ID: 2187883) Visitor Counter : 7