مسابقتی کمیشنِ ہند (سی سی آئی) نے کنٹینم انرجی پرائیویٹ لمیٹڈ کے ذریعے کنٹینم گرین انرجی ہولڈنگز لمیٹڈ میں مخصوص شیئر ہولڈنگ کے حصول کی منظوری دے دی ہے۔

مجوزہ امتزاج کے تحت کنٹینم انرجی پرائیویٹ لمیٹڈ کی جانب سے کلین انرجی انویسٹمنٹ پرائیویٹ لمیٹڈ (سی ای پی ایل) سے کنٹینم گرین انرجی ہولڈنگز لمیٹڈ (کنٹینم ایس جی) میں 26 فیصد ایکویٹی شیئر ہولڈنگ کے حصول کا منصوبہ ہے۔ مجوزہ امتزاج کے بعد کنٹینم ایس جی، سی ای پی ایل کی مکمل ملکیت والی ذیلی کمپنی بن جائے گی۔

سی ای پی ایل ایک پرائیویٹ لمیٹڈ کمپنی ہے جو جمہوریہ سنگاپور کے قوانین کے تحت منظم ہے۔ یہ ایک ہولڈنگ کمپنی کے طور پر کام کرتی ہے اور دیگر کے ساتھ ساتھ ٹارگیٹ کمپنی کی پروموٹر بھی ہے۔ بھارت میں سی ای پی ایل سے وابستہ ادارے قابلِ تجدید توانائی کی پیداوار کے کاروبار میں سرگرم ہیں۔

کنٹینم ایس جی بھی ایک محدود کمپنی ہے جو جمہوریہ سنگاپور کے قوانین کے تحت منظم ہے۔ یہ بھارت میں اپنی ذیلی کمپنی کنٹینم گرین انرجی لمیٹڈ (کنٹینم انڈیا) اور اس کی ذیلی کمپنیوں کے ذریعے سرگرم ہے، جو قابلِ تجدید توانائی کی پیداوار کے شعبے میں مصروفِ عمل ہیں۔

کمیشن کا تفصیلی حکم بعد میں جاری کیا جائے گا۔

 

***

 

UR-954

(ش ح۔اس ک  )

 

(Release ID: 2187682) Visitor Counter : 4