دھرتی آبا بھگوان برسا منڈا کے 150 ویں یوم پیدائش کی یاد میں جاری جنجاتیہ گورو ورش پکھواڑا (1–15 نومبر 2025) کے ایک حصے کے طور پر، ملک بھر میں ثقافتی، تعلیمی اور بیداری کی سرگرمیوں کا ایک سلسلہ منعقد کیا جا رہا ہے۔ یہ تقریبات اپنے قبائلی ورثے کے لیے ہندوستان کے گہرے احترام اور قوم کی ترقی میں قبائلی برادریوں کے قابل ذکر شراکت کی عکاسی کرتی ہیں۔

تمام ریاستوں اور مرکز کے زیر انتظام علاقوں میں، تقاریب میں قبائلی برادریوں، طلباء اور اداروں کی پرجوش شرکت دیکھی جا رہی ہے، جو عزت مآب وزیر اعظم جناب نریندر مودی کی بصیرت افروز قیادت اور قبائلی امور کے وزیر جناب جوال اورم کی رہنمائی میں فخر، اتحاد اور بااختیار بنانے کے مشترکہ جذبے کی عکاسی  کر رہے ہیں۔

جزائر انڈمان اور نکوبار میں، جاراوا کے علاقے میں اس تعلق سے شجرکاری مہم چلائی گئی، جو قبائلی برادریوں اور فطرت کے درمیان اندرونی تعلق کی علامت ہے، اور ماحولیاتی تحفظ کو فروغ دینا ہے۔

اس موقع پرآندھرا پردیش میں، متعدد تعلیمی اور صلاحیت سازی جیسے اقدامات  کئے گئے:

• سرپور ٹی، کے بی آصف آباد میں ایک ڈرائنگ مقابلے نے طلباء کو قبائلی ثقافت اور شناخت کا تخلیقی اظہار کرنے کی ترغیب دی۔

• انٹیگریٹڈ ٹرائبل ڈیولپمنٹ ایجنسی (آئی ٹی ڈی اے)، پاروتی پورم نے اہم اقدامات پی ایم جن من ، دھرتی آبا جنجاتیہ گرام اتکرش ابھیان، اور آدی کرمایوگی ابھیان پر افسران اور فیلڈ اسٹاف کے لیے ایک اورینٹیشن ٹریننگ پروگرام کا اہتمام کیا گیا۔
• اسی طرح،آئی ٹی ڈی اےنیلور نے 17 محکموں کے ساتھ ایک روزہ اورینٹیشن سیشن کا انعقاد کیا، جس میں تفصیلی پریزنٹیشنز اور بات چیت کے ذریعے وزارت کے 25 فلیگ شپ قبائلی ترقی مداخلتوں پر توجہ مرکوز کی گئی۔

اڈیشہ میں بھگوان برسا منڈا کے لیے وقف پینٹنگ نمائش کا افتتاح کیا گیا، جس میں قبائلی اور ہم عصر فنکاروں کے فن پارے پیش کیے گئے تھے۔ ہر کینوس نے عظیم آزادی پسند جنگجو کی ہمت، وژن اور پائیدار میراث کو واضح طور پر پیش کیا، فنکارانہ تخلیقی صلاحیتوں کو ثقافتی احترام کے ساتھ ملایا۔

دریں اثنا، تلنگانہ میں برسا منڈا جینتی - 150 ویں سالگرہ کی تقریبات گورنمنٹ شیڈول ٹرائب گرلز کالج ہاسٹل، نگرم (میڈچل-ملکاجگیری ضلع) میں منعقد کی گئیں تاکہ عظیم قبائلی نشان پر گل پوشی کرکے خراج عقیدت پیش کیا گیا ۔

سکم میں، کھیلو انڈیا اسٹیٹ سینٹر آف ایکسی لینس، گنگٹوک میں قبائلی طلباء کا اسپورٹس میٹ کم ہیلتھ کیمپ جاری رہا - جو قبائلی نوجوانوں میں فٹنس، صحت سے متعلق بیداریاور برادری کے جذبے کو فروغ دیتا ہے۔

مہاراشٹر بھر میں ایکلویہ ماڈل رہائشی اسکول (ای ایم آر ایس) تخلیقی مقابلوں کے ساتھ تقریبات میں شامل ہوئے:

ای ایم آر ایس کورچی میں نظم تلاوت مقابلہ۔

ای ایم آر ایس گیوردھا میں مضمون اور تخلیقی تحریری مقابلہ۔

ان سرگرمیوں نے طلباء کو قبائلی تاریخ، ثقافت اور فخر کو اپنی آواز اور تخیل کے ذریعے دریافت کرنے کی ترغیب دی۔

جیسے جیسے جنجاتیہ گورو ورش پکھواڈا آگے بڑھ رہا ہے، ہندوستان بھر میں کمیونٹیز، ادارے اور نوجوان بھگوان برسا منڈا کی پائیدار میراث کے جشن میں تعلیم، ماحول، آرٹ اور بیداری کے ذریعے قبائلی بااختیار بنانے کے قومی عزم کی تصدیق کرتے ہوئے اکٹھے ہونا جاری رکھے ہوئے ہیں۔

*****

(ش ح ۔ م ح۔ ت ع)

Urdu No. 835

(Release ID: 2186844) Visitor Counter : 6