नवी दिल्ली, 4 नोव्हेंबर 2025

1. भारतीय निवडणूक आयोगाने आज नवी दिल्ली येथे इंडिया इंटरनॅशनल इन्स्टिट्यूट फॉर डेमोक्रसी अँड इलेक्शन मॅनेजमेंट (आयआयआयडीईएम) येथे आंतरराष्ट्रीय निवडणूक अभ्यागत कार्यक्रम (आयईव्हीपी), 2025 सुरू केला.
2. मुख्य निवडणूक आयुक्त ज्ञानेश कुमार आणि निवडणूक आयुक्त डॉ. विवेक जोशी यांनी सहभागींशी संवाद साधला.
3. फ्रान्स, दक्षिण आफ्रिका, बेल्जियम, इंडोनेशिया, फिलीपिन्स, थायलंड आणि कोलंबिया या सात देशांचे एकूण 14 प्रतिनिधी उद्घाटन सत्राला उपस्थित होते.
4. सहभागींना ईव्हीएमचे प्रात्यक्षिक दाखवण्यात आले आणि त्यानंतर भारतीय निवडणूक आयोगाच्या वरिष्ठ अधिकाऱ्यांनी मतदार याद्या तयार करणे आणि भारतातील निवडणुकांचे आयोजन यासह निवडणुकांच्या विविध पैलूंवर सादरीकरण केले.
5. आयईव्हीपीमध्ये मध्ये 5-6 नोव्हेंबर 2025 या कालावधीत बिहारचा दोन दिवसांचा दौरा समाविष्ट असून, यामध्ये सहभागी ईव्हीएम वितरण केंद्रांना भेट देतील आणि 6 नोव्हेंबर 2025 रोजी प्रत्यक्ष मतदानाचे साक्षीदार होतील.
6. आयईव्हीपी हा इतर देशांच्या निवडणूक व्यवस्थापन संस्था (ईएमबी) आणि आंतरराष्ट्रीय संघटनांशी आंतरराष्ट्रीय सहकार्य आणि गुंतवणूकीसाठीचा भारतीय निवडणूक आयोगाचा एक महत्वाकांक्षी कार्यक्रम आहे.
7. 2014पासून, आयईव्हीपीच्या माध्यमातून आंतरराष्ट्रीय समुदायासमोर भारताच्या निवडणूक प्रणालीचे सामर्थ्य प्रदर्शित केले जात असून, निवडणुका घेण्यासाठी जगातील सर्वात मोठ्या लोकशाहीमध्ये अवलंबल्या जाणाऱ्या सर्वोत्तम पद्धतींची माहिती दिली जात आहे.

शैलेश पाटील/राजश्री आगाशे/प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 2186478) Visitor Counter : 6