صدر جمہوریہ ہند  محترمہ دروپدی مرمو نے آج (3 نومبر 2025) راج بھون، نینی تال، اتراکھنڈ کے قیام کے 125 سال مکمل ہونے کی تقریب میں شرکت کی۔

اس موقع پر خطاب کرتے ہوئے صدرِ جمہوریہ نے کہا کہ جیسے راشٹرپتی بھون آزاد بھارت میں جمہوریہ کی علامت ہے، اسی طرح راج بھون ریاستوں میں جمہوری نظام کی علامت ہیں۔ اس طرح، ریاست اتراکھنڈ کے قیام کے بعد یہ عمارت اتراکھنڈ کی ترقی کا حصہ بن چکی ہے۔

صدرِ جمہوریہ نے کہا کہ پارلیمانی نظام میں گورنر ریاست کے نظامِ حکومت کے آئینی سربراہ ہوتے ہیں۔ آئین سازوں نے گورنر کے اختیارات اور ذمہ داریوں کا تعین نہایت سنجیدہ غور و خوض اور باریک بینی سے کیا تھا۔ ریاست کے عوام راج بھون کو عزت و احترام  کی نظر سےد یکھتے ہیں۔ اس لیے گورنر کی ٹیم کے تمام اراکین سے توقع کی جاتی ہے کہ وہ سادگی، انکساری، اخلاقیات اور حساسیت کے اعلیٰ مثالی اصولوں کو اپنائیں۔

صدرِ جمہوریہ نے اس بات پر گہری مسرت کا اظہار کیا کہ اپنے قیام کے بعد سے ریاستِ اتراکھنڈ مسلسل ترقی اورخوشحالی کےسفر پر گامزن ہے۔ انہوں نے یقین ظاہر کیا کہ گورنر اور ان کی ٹیم ریاست کے باشندوں کو اسی طرح دائمی تحریک فراہم کرتے رہیں گے اور اتراکھنڈ ترقی کی راہ پر گامزن رہے گا۔

*****

( ش ح۔ت ف۔ ش ا)

U.No.730

(Release ID: 2186126) Visitor Counter : 6