ہنر مندی کی ترقی اور انٹرپرینیورشپ کی وزارت (ایم ایس ڈی ای)، اتر پردیش حکومت کے ساتھ شراکت میں، بستی ضلع میں ایک بڑی تبدیلی لا رہی ہے - اسے ہنر پر مبنی ترقی، مقامی انٹرپرینیورشپ اور شمولی ترقی کے ماڈل میں تبدیل کر رہی ہے۔

ہنر مندی کی ترقی اور انٹرپرینیورشپ کے مرکزی وزیر مملکت (آزادانہ چارج) اور وزیر مملکت برائے تعلیم جناب جینت چودھری کل بستی میں ایک عوامی آؤٹ ریچ پروگرام میں شرکت کرنے اور ضلع میں جاری ہنر مندی کی ترقی اور کاروباری اقدامات کی پیش رفت کا جائزہ لینے کے لیے موجود تھے۔

14 بلاکس اور 4 تحصیلوں میں پھیلی ہوئی 2.46 ملین کی آبادی کے ساتھ، بستی تیزی سے ہنر مندی کی تربیت اور انٹرپرائز کی تخلیق کے میدان میں مشرقی اتر پردیش کے سب سے زیادہ فعال اضلاع میں سے ایک کے طور پر ابھر رہی ہے۔ ضلع 4 سرکاری آئی ٹی آئی، 26 پرائیویٹ آئی ٹی آئیز، 2 پولی ٹیکنک، ایک جن شکشن سنستھان (جے ایس ایس)، اور ایک آر ایس ای ٹی آئی کے ساتھ ایک مضبوط ادارہ جاتی ایکو سسٹم کی میزبانی کرتا ہے، جو مل کر سالانہ 10,000 سے زیادہ نوجوانوں کو تربیت کی صلاحیت فراہم کرتا ہے۔

ہنر مندی کے فروغ کی کام یابیاں

پردھان منتری کوشل وکاس یوجنا (پی ایم کے وی وائی) کے تحت، بستی نے تقریباً 15000 امیدواروں کو تربیت دی ہے۔ ضلع نے صحت کی دیکھ بھال، الیکٹرانکس، خوب صورتی اور تندرستی، دستکاری، اور فوڈ پروسیسنگ جیسے اہم شعبوں پر توجہ مرکوز کی ہے - یہ یقینی بناتے ہوئے کہ ہنر مندی براہ راست روزگار اور انٹرپرینیورشپ میں تبدیل ہو۔

ڈسٹرکٹ اسکل ڈیولپمنٹ پلان (ڈی ایس ڈی پی) کے ذریعے، متعدد سرکاری محکمے بشمول آئی ٹی آئی، پولی ٹیکنک، این آر ایل ایم، آر ایس ای ٹی آئی، اور نجی تربیتی شراکت دار - مہارت کے فرق کو ختم کرنے، معیار کو بڑھانے اور مقامی روزگار کے روابط پیدا کرنے کے لیے تعاون کر رہے ہیں۔

رورل سیلف ایمپلائمنٹ ٹریننگ انسٹی ٹیوٹ (آر ایس ای ٹی آئی) بستی نے انٹرپرینیورشپ اور روزی روٹی کی تربیت کے ذریعے 300 سے زیادہ خواتین سیلف ہیلپ گروپس (ایس ایچ جیز) کی مدد کی ہے۔ جن شکشن سنستھان، بستی نے 1,800 سے زیادہ نو خواندہ اور دیہی نوجوانوں کو ٹیلرنگ، بیوٹی ویلنیس، ڈیٹا انٹری اور دستکاری کی تربیت دی ہے۔

انٹرپرینیورشپ اور مقامی صنعت

بستی کا ون ڈسٹرکٹ ون پروڈکٹ (او ڈی او پی) فوکس - لکڑی کی دستکاری اور سرکہ - مقامی روزگار کا ایک بڑا ڈرائیور ہے۔ ضلع میں 7،743 رجسٹر شدہ صنعتی یونٹس ہیں، جن میں 14 درمیانے اور بڑے کاروباری ادارے شامل ہیں، جن میں مجموعی طور پر 30،000 سے زیادہ افراد ملازمت کرتے ہیں۔

زراعت میں، 2.7 لاکھ ہیکٹر سے زیادہ رقبے پر دھان، گندم، گنے اور سبزیوں کی کاشت کی جا رہی ہے۔ تقریباً 43,000 مویشی پالنے والے کسان مقامی ڈیری اور پولٹری معیشت میں اپنا حصہ ڈالتے ہیں، جو زرعی ہنر مندی کو معاش سے جوڑتے ہیں۔

کرشی وگیان کیندر (گوٹوا) نے مشروم کی کاشت اور شہد کی مکھیوں کے پالنے سے لے کر کم لاگت والے فوڈ پروسیسنگ اور نامیاتی کاشتکاری تک جدید زرعی صنعت کاری کے تربیتی ماڈیولز بھی متعارف کرائے ہیں۔

خواتین کاروباریوں کو بااختیار بنانا

ایم ایس ڈی ای کے سواولمبینی ویمن انٹرپرینیورشپ پروگرام کے تحت، جو نیتی آیوگ کے ویمن انٹرپرینیورشپ پلیٹ فارم (ڈبلیو ای پی) کے تعاون سے شروع کیا گیا ہے، ریاست کی خواتین طالبات بشمول بستی کے شرکا کو کاروباری ذہنیت کو فروغ دینے اور اسٹارٹ اپس شروع کرنے کی تربیت دی گئی ہے۔

مزید برآں، راشٹریہ ادیمیتا وکاس پریوجنا (پی ایم-سواندھی) پائلٹ پروجیکٹ کے ذریعے، بستی کے 247 خوانچہ فروشوں اور مائیکرو انٹرپرینیورز کو اپنے کاروباری اداروں کو بڑھانے اور کاروباری انتظام کو بہتر بنانے کے لیے تربیت دی گئی ہے۔

جناب جینت چودھری نے کہا: ’’اسکل انڈیا کی اصل طاقت اس کے اضلاع اور دیہاتوں میں مضمر ہے۔ بستی اس بات کی مثال پیش کرتی ہیں کہ کس طرح نچلی سطح پر ہنر مندی، جب انٹرپرینیورشپ اور مقامی صنعتوں سے منسلک ہو، تو زندگیوں اور برادریوں کو بدل سکتی ہے۔ اتر پردیش صرف لوگوں کو ہنر مند نہیں بنا رہا ہے بلکہ یہ ترقی یافتہ بھارت کے لیے کاروباری افراد پیدا کر رہا ہے۔

وزیر اعظم کے ذریعے حال ہی میں شروع کی گئی 60,000 کروڑ روپے کی پردھان منتری اسکلنگ اینڈ ایمپلائبلٹی ٹرانسفارمیشن تھرو اپ گریڈ شدہ آئی ٹی آئیز (پی ایم-سیتو) اسکیم کے تحت، اتر پردیش نے نفاذ کے پہلے مرحلے کے لیے تین ترجیحی کلسٹروں کی نشان دہی کرنے میں پیش قدمی کی ہے۔ یہ کلسٹر جدید بنیادی ڈھانچے، صنعت سے مربوط نصاب اور ڈیجیٹل تربیتی سہولیات کے ساتھ اپ گریڈ شدہ صنعتی تربیتی اداروں (آئی ٹی آئی) کے لیے علاقائی مراکز کے طور پر کام کریں گے۔ اس اقدام کا مقصد ہر آئی ٹی آئی کو مقامی ملازمتوں کی تخلیق، نئے دور کی مہارتوں، اور انٹرپرینیورشپ کے لیے ایک محرک بنانا ہے جو 2047 تک دنیا کی ہنر مندی کی راجدھانی بننے کے بھارت کے وژن سے آہنگ ہے۔

ریاست کے وژن کے ساتھ ہم آہنگ

یہ اقدامات وزیر اعلیٰ یوگی آدتیہ ناتھ کے وژن سے آہنگ ہیں، جنھوں نے ’’ہر ہاتھ کو کام، ہر حوصلے کو اڑان‘‘ پر زور دیا - یہ یقینی بنانے کے لیے کہ ہر ہاتھ کے پاس کام ہو اور ہر نوجوان کا ایک مقصد ہو۔ ان کی قیادت میں، اتر پردیش ماڈل آئی ٹی آئیز، اسکل ہبس، اور ضلع کوشل کیندروں کی توسیع کر رہا ہے، جس کا مقصد ریاست کو ’’بھارت کی ہنر مندی کی راجدھانی‘‘ بنانا ہے۔ اپنی مربوط ہنر مندی اور کاروباری کوششوں کے ساتھ، بستی اس بات کی علامت کے طور پر کھڑی ہے کہ کس طرح مقامی مہارتیں قومی طاقت پیدا کر سکتی ہیں - ہر نوجوان کو ترقی یافتہ بھارت کی طرف بھارت کے سفر میں اپنا حصہ ڈالنے کے لیے بااختیار بناتی ہیں۔

***

(ش ح – ع ا)

U. No. 580

(Release ID: 2184875) Visitor Counter : 5