سی جی ایس ٹی دہلی ساؤتھ کمشنریٹ کی اینٹی ایویژن برانچ نے ان پٹ ٹیکس کریڈٹ (آئی ٹی سی) کی بڑے پیمانے پر دھوکہ دہی کے ایک اہم معاملے کا پردہ فاش کیا ہے۔ متعلقہ کمپنی کے ڈائریکٹر کو تقریباً 31.95 کروڑ روپےکے گڈز اینڈ سروسز ٹیکس (جی ایس ٹی) کی چوری کی سازش میں ملوث ہونے کے الزام میں گرفتار کرکے مجاز عدالتی اتھارٹی کے سامنے پیش کیا گیا، جہاں سے انہیں 14 دن کے لیے عدالتی حراست میں بھیج دیا گیا۔

تحقیقات سے یہ انکشاف ہوا کہ کمپنی کسی بھی قسم کی حقیقی فراہمی کے بغیر، محض فرضی رسیدوں کی بنیاد پر ان پٹ ٹیکس کریڈٹ حاصل کرنے میں ملوث تھی۔ موصولہ مخصوص انٹیلی جنس کی بنیاد پر مشتبہ سپلائی چین کے خلاف کارروائی عمل میں لائی گئی، جس سے معلوم ہوا کہ کمپنی نے سامان کی کسی اصل نقل و حرکت کے بغیر دھوکہ دہی سے آئی ٹی سی لیا۔ مزید تحقیق میں یہ بات سامنے آئی کہ مذکورہ فرم نے جعلی اور غیر موجود کمپنیوں کے ذریعے نااہل آئی ٹی سی حاصل کیا اور منتقل بھی کیا، جو کہ سی جی ایس ٹی ایکٹ 2017 کی واضح خلاف ورزی ہے۔

یہ کارروائی سی جی ایس ٹی دہلی ساؤتھ کمشنریٹ کی جانب سے شروع کی گئی ایک جامع حکمتِ عملی کا حصہ ہے، جس کا مقصد جعلی آئی ٹی سی سرگرمیوں کو بے نقاب کرنا ہے، جو قومی آمدنی کو نقصان پہنچانے کے ساتھ ساتھ منصفانہ تجارتی ماحول کو بھی متاثر کرتی ہیں۔ محکمہ اس قسم کی جعل سازی کی شناخت اور روک تھام کے لیے ڈیٹا اینالیٹکس اور سپلائی چین میپنگ جیسے جدید ٹولز استعمال کر رہا ہے۔

 

*******

( ش ح۔ اس ک۔ م ش)

U.No.550

(Release ID: 2184624) Visitor Counter : 10