صحت اور خاندانی بہبود کے مرکزی وزیر جناب جے پی نڈا نے جاری خصوصی مہم 5.0 کی پیش رفت کا جائزہ لیا اور نرمان بھون، نئی دہلی میں دفتر کے کمروں اور احاطے کا معائنہ کیا۔ دورے کے دوران، مرکزی وزیر نے صفائی ستھرائی، موثر حکمرانی، اور بہتر خدمات کی فراہمی کے لیے حکومت کے عزم کا اعادہ کیا۔

خصوصی مہم 5.0 (2 سے 31 اکتوبر 2025) کے ایک حصے کے طور پر، محکمہ صحت اور خاندانی بہبود (ڈی او ایچ ایف ڈبلیو) نے صفائی مہم، ریکارڈ کے انتظام، اور عوامی شکایات اور زیر التوا معاملات کو نمٹانے پر خاص زور دیا ہے، خاص طور پر ای ویسٹ کو ٹھکانے لگانے پر توجہ دی گئی ہے۔ ڈی او ایچ ایف ڈبلیو کے تحت مرکزی حکومت کے ہسپتالوں، اداروں، منسلک اور ماتحت دفاتر، خود مختار اداروں، اور سی پی ایس یو کے درمیان مسلسل نگرانی اور تال میل نے مہم کے مؤثر اور مستقل نفاذ کو یقینی بنایا ہے۔

مہم کے تحت، ڈی او ایچ ایف ڈبلیو نے قابل ذکر پیش رفت کی ہے۔ کل 1,639 صفائی مہم چلائی گئی ہے اور ارکان پارلیمنٹ کے 85 حوالہ جات کو نمٹایا گیا ہے۔ اس کے علاوہ 5000 عوامی شکایات اور 418 عوامی شکایات سے متعلق اپیلوں کو نمٹایا گیا ہے۔

اس کے علاوہ 43,174 فزیکل فائلوں کا جائزہ لیا گیا جن میں سے 30,082 فائلوں کو بند کردیا گیا، اسی طرح 6,304 ای فائلوں کا جائزہ لیا گیا جن میں سے 2,553 ای فائلوں کو بند کردیا گیا۔ مہم میں 30,697 مربع فٹ دفتر کی جگہ بھی خالی کرائی گئی ہے اور 38,66,476 روپے کی آمدنی حاصل کی گئی ہے۔

محکمہ نے خصوصی مہم 5.0 کے تحت کامیابی کے ساتھ اپنے 100 فیصد اہداف حاصل کر لیے ہیں جو کارکردگی، پائیداری، اور شہری مرکوز گورننس کے لیے اس کے عزم کی عکاسی کرتا ہے۔

ڈی او ایچ ایف ڈبلیو اپنے تمام اقدامات میں سوچھتا، شفافیت اور جوابدہی کے اصولوں کو برقرار رکھے ہوئے ہے، صحت عامہ کی مضبوط گورننس اور بہتر عوامی خدمات کی فراہمی کے اپنے وژن کے مطابق ہے۔

*********

ش ح۔ ف ش ع

                                                                                                                                          U: 515

(Release ID: 2184378) Visitor Counter : 6