ہندوستانی فوج نے آج انفنٹری ڈے ، جسے شوریہ دیوس کے نام سے بھی جانا جاتا ہے ، نہایت احترام اور وقار کے ساتھ نیشنل وار میموریل، نئی دہلی میں گلہائے عقیدت نذر کئےجانے کی ایک پُر وقار کی تقریب  کے ذریعے منایا ، جس میں انفنٹری کی بہادری ، قربانی اور ناقابل تسخیر جذبے کو خراج عقیدت پیش کیا گیا ۔

چیف آف آرمی اسٹاف جنرل اوپیندر دویدی نے قومی جنگی یادگار کے امر چکر پر گلہائے عقیدت نذر کئے ، جس میں انفنٹری فوجیوں کی ہمت اور عظیم قربانی کو سلام پیش کیا گیا ، جنہوں نے قوم کی خدمت میں اپنی جانیں قربان کیں ۔ اس تقریب میں فوج کے سینئر افسران ، حاضر سروس اہلکاروں ، سابق فوجیوں اور شہید فوجیوں کے اہل خانہ نے شرکت کی ۔

تین اعزاز یافتہ جنگی سابق فوجی ، میجر آشیش سونل ، ویر چکر (ریٹائرڈ) آپریشن پون (1990) کے تجربہ کار ، صوبیدار میجر اور اعزازی کیپٹن کنور سنگھ ، ویر چکر (ریٹائرڈ) جنہوں نے آپریشن میگھدوت (1989) میں حصہ لیا اور آپریشن کیکٹس للی (1971) کے شریک لانس نائک امرت ، ویر چکر (ریٹائرڈ) نے بھی انفنٹری سابق فوجیوں کی جانب سے گلہائے عقیدت نذر کئے ، جو بہادری اور بے لوث خدمت کی پائیدار میراث کی تصدیق کرتے ہیں ۔

ملک گیر تقریبات کے ایک حصے کے طور پر ، اس تاریخی موقع کو منانے کے لیے کئی تقریبات کا اہتمام کیا گیا ۔ ان میں لکھنؤ میں فیلڈ مارشل کے ایم کری اَپّا میموریل سیمینار ، شورویر رن اور دہلی چھاؤنی میں ویر ناریوں کی اعزازی تقریب شامل تھیں ۔ اس تقریب کے موقع پر ایک‘انفنٹری میگزین’ بھی جاری کیا گیا جس میں انفنٹری کی کثیر جہتی صلاحیت کی ترقی اور تاریخی بہادری کی داستانوں کو اجاگر کیا گیا ۔

ہر سال 27 اکتوبر کو منایا جانے والا انفنٹری ڈے ملک کی تاریخ میں ایک خاص مقام رکھتا ہے ۔ 1947 میں آج ہی کے دن ، ہندوستانی فوج کے انفنٹری سپاہی سری نگر ہوائی اڈے پر اترنے والے پہلے دستے تھے ۔ ان جوانوں نے غیر معمولی بہادری کا مظاہرہ کرتے ہوئے پاکستانی حمایت یافتہ قبائلی حملے کو پسپا کیا اور بھارت کی علاقائی سالمیت کا تحفظ کیا۔ یہ موقع ملک کی خودمختاری کے دفاع میں انفنٹری کی ثابت قدمی اور بے مثال بہادری کی دیرپا یاد دہانی کی علامت ہے۔

***

ش ح۔ ک ا۔ م ش

U.NO.351

(Release ID: 2182975) Visitor Counter : 10