கிரிப்டோகரன்சிகளுடனான தொடர்பிலிருந்து வெளிவந்த பிளாக்செயின் தொழில்நுட்பம், 21 ஆம் நூற்றாண்டின் மிகவும் உருமாறும் டிஜிட்டல் கண்டுபிடிப்புகளில் ஒன்றாக உருவெடுத்துள்ளது. கணக்கீட்டு சக்தியிலிருந்து தங்கள் வலிமையைப் பெறும் செயற்கை நுண்ணறிவு போன்ற தொழில்நுட்பங்களைப் போல இல்லாமல், பிளாக்செயின் இடையீடுகள் இல்லாமல் சரிபார்க்கக்கூடிய நம்பிக்கையை நிறுவும் திறனில் உள்ளது.

இந்தியாவின் தற்போதைய நிர்வாக அமைப்புகள் பெரும்பாலும் மையப்படுத்தப்பட்ட தரவுத்தளங்களை நம்பியுள்ளன, அவை பிழைகள், மோசடி, வெளிப்படைத்தன்மை இல்லாமைக்கு உள்ளாக வாய்ப்புள்ளதாகக் கருதப்படுகிறது. பிளாக்செயின் தொழில்நுட்பம்  இந்தச் சவால்களை அகற்றும் திறன் வாய்ந்ததாகும். இதில் பதிவுகள் பல முனைகளில் பாதுகாப்பாக பராமரிக்கப்படுகின்றன. இந்த வடிவமைப்பு அங்கீகரிக்கப்படாத மாற்றங்களை கிட்டத்தட்ட சாத்தியமற்றதாக்குகிறது. மேலும் தரவு ஒருமைப்பாடு மற்றும் நம்பிக்கையைக் கணிசமாக மேம்படுத்துகிறது.

அதன் பரந்த திறனை அங்கீகரித்து, மத்திய மின்னணுவியல் மற்றும் தகவல் தொழில்நுட்ப அமைச்சகம், பல்வேறு துறைகளில் பிளாக்செயின் தீர்வுகளைப் பயன்படுத்துவதற்கான ஒருங்கிணைந்த கட்டமைப்பை வழங்க தேசிய பிளாக்செயின் கட்டமைப்பை  உருவாக்கியுள்ளது. பொது சேவை விநியோகத்தில் பிளாக்செயினை ஒருங்கிணைப்பதை அது நோக்கமாகக் கொண்டுள்ளது, அதிக வெளிப்படைத்தன்மை, பொறுப்புடைமை, செயல்திறன் ஆகியவற்றை  உறுதி செய்கிறது.

மார்ச் 2021-ல் ரூ 64.76 கோடி பட்ஜெட்டில் தொடங்கப்பட்ட தேசிய பிளாக்செயின் கட்டமைப்பு , 2024 செப்டம்பர் 4 அன்று அதன் அதிகாரப்பூர்வ வெளியீட்டுடன் ஒரு குறிப்பிடத்தக்க மைல்கல்லை எட்டியது. அனுமதிக்கப்பட்ட பிளாக்செயின் அடிப்படையிலான பயன்பாடுகளின் மேம்பாடு மற்றும் பயன்பாட்டை விரைவுபடுத்த இது வடிவமைக்கப்பட்டுள்ளது, இது இந்தியாவிற்கு பாதுகாப்பான, வெளிப்படையான மற்றும் அளவிடக்கூடிய டிஜிட்டல் உள்கட்டமைப்பை உருவாக்குவதற்கான ஒரு உத்திபூர்வ நடவடிக்கையைக் குறிக்கிறது.

டிஜிட்டல் இந்தியா, தற்சார்பு இந்தியா  ஆகியவற்றின் தொலைநோக்குப் பார்வைக்கு ஏற்ப, பிளாக்செயின் தொழில்நுட்பம் டிஜிட்டல் நிர்வாகத்தில் நம்பிக்கை மற்றும் வெளிப்படைத்தன்மையைக் கொண்டுள்ளது.  தேசிய பிளாக்செயின் கட்டமைப்பு முன்முயற்சியின் மூலம், தொழில்நுட்பத்தில் புதுமையை இயக்கும் அதே வேளையில், அரசிடமிருந்து மக்களுக்கும்,  வணிகத்திற்கும் சேவைகளை ஒருங்கிணைந்து இயங்கக்கூடிய பிளாக்செயின் சுற்றுச்சூழல் அமைப்பை இந்தியா உருவாக்கி வருகிறது. திறன் மேம்பாடு மற்றும் உள்நாட்டு பிளாக்செயின் தீர்வுகளின் வளர்ச்சியில் தொடர்ந்து கவனம் செலுத்துவதன் மூலம், உள்ளடக்கிய வளர்ச்சிக்காக பிளாக்செயினைப் பயன்படுத்துவதில் இந்தியா உலகளாவிய தலைமை நாடாக வெளிப்படத் தயாராக உள்ளது.

முழுமையான விவரங்களுக்கு இந்த ஆங்கிலச் செய்திக்குறிப்பைக் காணவும்: https://www.pib.gov.in/PressReleasePage.aspx?PRID=2182023  
 

***

SS/PKV/RJ