नवी दिल्ली, 21 ऑक्टोबर 2025

भारतीय स्पर्धा आयोगाने (सीसीआय) सेतु एआयएफ ट्रस्ट, कोणार्क ट्रस्ट आणि एमएमपीएल ट्रस्ट द्वारे एडेलवाईस अ‍ॅसेट मॅनेजमेंट लिमिटेड आणि एडेलवाईस ट्रस्टीशिप कंपनी लिमिटेडमधील काही भागभांडवलाच्या प्रस्तावित अधिग्रहणाला मान्यता दिली आहे.

ही प्रस्तावित संमिश्र व्यवहार प्रक्रिया एकमेकांशी संबंधित टप्प्यांची मालिका असून त्यानुसार सेतु एआयएफ ट्रस्ट, कोणार्क ट्रस्ट आणि एमएमपीएल ट्रस्ट द्वारे एडेलवाईस अ‍ॅसेट मॅनेजमेंट लिमिटेड (ईएएमएल) आणि एडेलवाईस ट्रस्टीशिप कंपनी लिमिटेड (ईटीसीएल) मधील 15% पर्यंत भागभांडवलाचे अधिग्रहण करतील.

सेतु एआयएफ ट्रस्ट हा भारतीय प्रतिभूती आणि विनिमय मंडळ (सेबी) नोंदणीकृत श्रेणी II एआयएफ असून तो आपल्या गुंतवणूक व्यवस्थापक एमएमपीएल यांच्या माध्यमातून कार्य करतो.

एडेलवाईस अ‍ॅसेट मॅनेजमेंट लिमिटेड (ईएएमएल) ही 23 ऑगस्ट 2007 रोजी कंपनी कायदा, 1956 अंतर्गत स्थापन झालेली सूचीबद्ध नसलेली सार्वजनिक कंपनी आहे. ईएएमएल ही एडेलवाईस म्युच्युअल फंड (EMF) ची मालमत्ता व्यवस्थापन कंपनी म्हणून काम करते. ईएएमएल च्या कार्यक्षेत्रात फंड डिझाइन, पोर्टफोलिओ व्यवस्थापन, गुंतवणूकदार सेवा आणि नियमपालन यांचा समावेश होतो. याशिवाय ईएएमएल (a) पोर्टफोलिओ व्यवस्थापन सेवा (PMS) प्रदान करते; आणि (b) गिफ्ट सिटी (GIFT City) येथील आंतरराष्ट्रीय वित्तीय सेवा केंद्र प्राधिकरण (IFSCA) मध्ये निधी व्यवस्थापन संस्था (FME) म्हणून नोंदणीकृत आहे.

एडेलवाईस ट्रस्टीशिप कंपनी लिमिटेड ही कंपनी कायदा, 1956 अंतर्गत स्थापन झालेली कंपनी असून ती एडेलवाईस म्युच्युअल फंड (ईएमएफ) साठी विश्वस्त म्हणून काम करते.

आयोगाचा तपशीलवार आदेश लवकरच प्रसिद्ध करण्यात येईल.

माधुरी पांगे/श्रद्धा मुखेडकर/प्रिती मालंडकर

 

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

 

(Release ID: 2181382) Visitor Counter : 6