ہندوستان اور روس کے درمیان تعلیمی، سائنسی اور ثقافتی تعاون کو بڑھانے کی طرف ایک اہم  پیش رفت میں ایلسٹا میں بی بی گورڈووکوف کے نام سے منسوب کالمیک اسٹیٹ یونیورسٹی نے نالندہ یونیورسٹی کے ساتھ تعاون کی ایک یادداشت پر دستخط کیے، جو دنیا کے قدیم ترین تعلیمی مراکز میں سے ایک ہے۔

یہ میٹنگ کلمیک اسٹیٹ یونیورسٹی میں دونوں اطراف کے سینئر معززین کی موجودگی میں ہوئی،  جس میں  مسٹر نکھلیش چندر گری، روس میں ہندوستان کے سفارت خانے کے وزیر مکمل اختیارات؛ مسٹر ونے کمار، ہندوستانی سفارت خانے کے وزیر تعلیم؛ پروفیسر سچن چترویدی، نالندہ یونیورسٹی کے وائس چانسلر (جو ویڈیو لنک کے ذریعے میٹنگ میں شامل ہوئے)؛ کالمیکیا ریجنل گورنمنٹ کے ڈپٹی چیئرمین مسٹر الیکسی اتییف اور پروفیسر بدما سالیف، کالمیک اسٹیٹ یونیورسٹی کے ریکٹر۔

ریکٹر پروفیسر بدما سالیف نے معززین کا خیرمقدم کرتے ہوئے اس شراکت داری کی اہمیت پر زور دیا اور کہا کہ ہندوستانی سفارت کاروں اور تعلیمی نمائندوں کا دورہ تعلیمی اور ثقافتی تعاون کو مزید وسعت دینے کے ایک نئے باب کی نشاندہی کرتا ہے۔ انہوں نے مزید کہا کہ حال ہی میں بھگوان بدھا کے مقدس آثار کی ہندوستان سے کالمیکیا آمد بڑی علامتی اہمیت کی حامل ہے۔ اس سے بین المذاہب اور بین الثقافتی مکالمے کو مزید تقویت ملتی ہے۔

پروفیسر سالیف نے وضاحت کی کہ کالمیک اسٹیٹ یونیورسٹی 23 ممالک کی یونیورسٹیوں کے ساتھ فعال طور پر تعاون کرتی ہے اور 53 ممالک کے تقریباً 1,500 بین الاقوامی طلباء کی میزبانی کرتی ہے، جن میں 50 ہندوستانی شہری بھی شامل ہیں۔ انہوں نے مزید کہا کہ تعلیم، تحقیق اور ثقافتی تبادلے میں بین الاقوامی شراکت داری یونیورسٹی کے لیے اولین ترجیح ہے۔

نالندہ یونیورسٹی کی نمائندگی کرتے ہوئے وائس چانسلر پروفیسر سچن چترویدی نے کہا کہ یہ تعاون نالندہ کی تاریخی وراثت کو علم اور بین الثقافتی تبادلے کے عالمی مرکز کے طور پر مدنظر رکھےہوئے ہے۔ پانچویں صدی عیسوی میں قائم ہونے والی نالندہ یونیورسٹی ہندوستان کی پائیدار فکری اور روحانی روایات کی زندہ مثال ہے۔

بات چیت میں مستقبل کے تعاون کے کئی شعبوں کا احاطہ کیا گیا،  جس میں شامل ہیں:

• سنسکرت، پالی، روسی اور بدھ مت کے علوم میں تعلیمی تبادلے کے پروگرام۔
• نالندہ یونیورسٹی میں کالمیک اسکالرز کے لیے ریسرچ انٹرن شپ۔
• مشترکہ منصوبے جیسے ‘صحت کی دیکھ بھال: آیوروید اور کالمیک روایتی  ادویہ’ ، ‘روسی اور ہندوستانی معاشرے میں بزرگ’ اور
• ‘روس اور ہندوستان کے بدھ مت کے تحریری ورثے کا جامع انسائیکلوپیڈیا’ کی تیاری۔
• دوہری ڈگری پروگراموں اور مشترکہ ثقافتی تہواروں کی ترقی و فروغ۔

میٹنگ میں حال ہی میں ایلسٹا میں منعقدہ تیسرے بین الاقوامی بدھسٹ فورم کی کامیابی پر بھی تبادلہ خیال کیا گیا۔ اس میں 7,000 سے زیادہ شرکاء نے شرکت کی اور نئے بین الاقوامی تحقیقی تعاون کی تخلیق کا باعث بنے۔ کالمیک اسٹیٹ یونیورسٹی، تووا، بوریاٹیا اور ٹرانس بائیکل کی یونیورسٹیوں کے ساتھ شراکت میں بدھ مت کے متون اور ثقافتی یادگاروں کے ترجمے کے لیے جلد ہی ایک تحقیقی مرکز قائم کرے گی۔

 

کالمیک اسٹیٹ یونیورسٹی اور نالندہ یونیورسٹی کے درمیان تعاون کی یادداشت پر دستخط تمام منصوبہ بند اقدامات کے لیے ادارہ جاتی فریم ورک فراہم کرتا ہے، جس میں  طلبہ اور فیکلٹی کے تبادلے، مشترکہ تحقیق، اور تعلیمی پروگرام۔

دونوں فریقوں نے اس اعتماد کا اظہار کیا کہ یہ شراکت داری ہندوستان اور روس کے طلباء اور اسکالرز کے لیے نئے افق کھولے گی اور تعلیم، ثقافت اور انسانیت کے شعبوں میں دو طرفہ تعاون کو ایک نئی سطح پر لے جائے گی۔

*******

ش ح-  ظ ا - م ا

UR  No. 126

(ریلیز آئی ڈی: 2181286) وزیٹر کاؤنٹر : 23