مرکزی حکومت نے مالی سال 2025–26 کے دوران گجرات اور ہریانہ میں دیہی مقامی اداروں (آر ایل بی) کو مضبوط بنانے کے لیے پندرہویں مالی کمیشن (XV FC) کی گرانٹس جاری کی ہیں۔گجرات میں مالی سال 2024-25 کے لیے غیر متعلقہ گرانٹس کی دوسری قسط کے طور پر522.20 کروڑ روپے جاری کیے گئے ہیں، جو ریاست کے تمام 38 ضلع پنچایتوں، 247 اہل بلاک پنچایتوں، اور 14,547 اہل گاؤں پنچایتوں کو فراہم کیے گئے ہیں۔اس کے علاوہ، مالی سال 2024–25 کی پہلی قسط کی روکی گئی رقم میں سے 13.5989 کروڑ روپے مزید اہل 6 ضلع پنچایتوں، 5 بلاک پنچایتوں اور 78 گاؤں پنچایتوں کو بھی جاری کی گئی ہے۔ جبکہ ریاست ہریانہ کے لیے، مرکزی حکومت نے مالی سال 2025-26کے لیے غیرمتعلقہ گرانٹس کی پہلی قسط جاری کی ہے جس کی رقم 18 ضلع پنچایتوں، 134 اہل بلاک پنچایتوں، اور ریاست کی 6,164 گرام پنچایتوں کے لیے 195.129 کروڑ روپے ہے۔

پنچایتی راج کی وزارت اور جل شکتی کی وزارت (محکمہ پینے کے پانی اور صفائی ستھرائی) کے ذریعے حکومت ہند نے پنچایتی راج اداروں / دیہی مقامی اداروں کے لیے ریاستوں کو مالیاتی کمیشن کے پندرہویں گرانٹس جاری کرنے کی سفارش کی ہے، جو وزارت خزانہ کے ذریعے جاری کی جاتی ہیں۔مختص شدہ گرانٹس مالی سال میں دو قسطوں میں تجویز کی جاتی ہیں اور جاری کی جاتی ہیں۔غیر متعلقہ گرانٹس کو دیہی مقامی ادارے (پی آر آئی/آر ایل بی) مخصوص مقامی ضروریات کے لیے استعمال کریں گے، جو آئین کے گیارہویں شیڈول میں درج انتیس (29) مضامین کے دائرہ کار میں آتی ہیں، تاہم یہ تنخواہوں اور دیگر انتظامی اخراجات کے لیے استعمال نہیں کی جا سکتی ہیں۔متعلقہ گرانٹس بنیادی خدمات کے لیے استعمال کی جا سکتی ہیں:(اے) صفائی ستھرائی اوراو ڈی ایف حیثیت کو برقرار رکھنا، جس میں خاص طور پر گھریلو فضلہ، انسانی فضلہ اور فیکل سلج کا انتظام اور علاج شامل ہو، اور(بی) پینے کے پانی کی فراہمی، بارش کے پانی کا ذخیرہ اور پانی کی ری سائیکلنگ۔

*****

 ( ش ح ۔ ت ف۔اش ق)

U. No. 118