மத்திய நிலக்கரி அமைச்சகத்தின் வழிகாட்டுதலின் கீழ், சிங்க்ரௌலியை தளமாகக் கொண்ட கோல் இந்தியா பிரிவான நார்தர்ன் கோல்ஃபீல்ட்ஸ் லிமிடெட் என்னும் என்சிஎல், அதன் அனைத்து செயல்பாட்டுப் பகுதிகளிலும் தூய்மை, பதிவு மேலாண்மை, குப்பை அகற்றல் மற்றும் நிலையான முயற்சிகள் ஆகியவற்றில் வலுவான கவனம் செலுத்தி சிறப்பு பிரச்சாரம் 5.0 -ல் தீவிரமாகப் பங்கேற்றுள்ளது.

"கழிவிலிருந்து அழகு" என்ற தொலைநோக்குப் பார்வைக்கு இணங்க, சுரங்க நடவடிக்கைகளின் போது உருவாக்கப்படும் இரும்புக் கழிவிலிருந்து  ஆக்கப்பூர்வமாக வடிவமைக்கப்பட்ட தேசிய பறவை மயில் மற்றும் பரசிங்காவின் அற்புதமான சிற்பம் நிறுவப்படுகிறது. இந்தக் கலைப்படைப்பு என்சிஎல்-லின் சுற்றுச்சூழல் மேலாண்மை மற்றும் புதுமைக்கான உறுதிப்பாட்டைக் குறிக்கிறது.

அதன் சுற்றுச்சூழல் பாதுகாப்பு முயற்சிகளை மேலும் வலுப்படுத்தும் வகையில், தொழிலாளர்கள் மற்றும் அருகிலுள்ள சமூகங்களுக்கு சுகாதாரமான மற்றும் நிலையான சுகாதார வசதிகளை மேம்படுத்துவதற்காக என்சிஎல்  ஐந்து உயிரி கழிப்பறைகளை நிறுவியுள்ளது. இந்த உயிரி கழிப்பறைகள் தூய்மை இந்தியா இயக்கத்தை ஆதரிக்கும் அதே வேளையில் குறைந்தபட்ச சுற்றுச்சூழல் தடயத்தை உறுதி செய்யும் வகையில் வடிவமைக்கப்பட்டுள்ளன.

சமூக ஈடுபாட்டு நடவடிக்கைகளின் ஒரு பகுதியாக, அக்டோபர் 17 ஆம் தேதி சிங்ரௌலியில் உள்ள கேந்திரிய வித்யாலயாவில் "கலைக்கு கழிவு" போட்டி ஏற்பாடு செய்யப்பட்டது, இதில் மாணவர்கள் பழைய பொருட்களை மறுசுழற்சி செய்தல் மற்றும் மீண்டும் பயன்படுத்துதல் குறித்த ஆக்கப்பூர்வமான யோசனைகளை வெளிப்படுத்தினர், இது நிலையான கழிவு மேலாண்மை நடைமுறைகளில் பரந்த பங்கேற்பை ஊக்குவிக்கிறது.

குறிப்பாக,  இந்தப் பிரச்சாரத்தின் கீழ் ஒரு லட்சிய இலக்கை நிர்ணயித்துள்ளது, இதில் 75 இடங்களில் சுத்தம் செய்தல், 85,000 சதுர அடி பரப்பளவில் சுகாதாரம், 2,500 மெட்ரிக் டன் பழைய பொருட்களை அகற்றுதல், 350  கோப்புகளை ஆய்வு செய்தல் மற்றும் 9,000 மின்-கோப்புகளை ஆய்வு செய்தல் ஆகியவை அடங்கும்.

***

AD/PKV/SH

(Release ID: 2180870) Visitor Counter : 6