ثقافت و سیاحت کے مرکزی وزیر، جناب گجیندر سنگھ شیخاوت نے، مرکزی وزرائے مملکت جناب راؤ اندر جیت سنگھ اور جناب سوریش گوپی کے ہمراہ، آج پارلیمنٹ ہاؤس میں نائب صدر جمہوریہ ہند، جناب سی پی رادھا کرشنن سے ملاقات کی۔​

ملاقات کے دوران، نائب صدر کو وزارت سیاحت اور وزارت ثقافت کی کارکردگی، کامیابیوں، کلیدی اقدامات اور آئندہ منصوبوں کے بارے میں آگاہ کیا گیا۔​

نائب صدر جمہوریہ کو حکومت کی سیاحت اور مہمان نوازی کے شعبوں کو فروغ دینے کے لیے مرتکز کوششوں سے بھی آگاہ کیا گیا۔ نائب صدر نے وزارت کی کاوشوں کی ستائش کی اور بھارت کی سیاحتی صلاحیت کو مزید مستحکم کرنے کے لیے مزید اقدامات تجویز کیے۔ انہوں نے منزل کے لحاظ سے مخصوص سیاحت کے فروغ پر زور دیا اور بالخصوص طبی اور روحانی سیاحت پر توجہ دینے کی ہدایت کی۔ انہوں نے بین الاقوامی ٹور آپریٹروں کے ساتھ تعاون کی اہمیت، ثقافت و تہوار پر مبنی اور مقام-خصوصی سیاحتی منصوبوں کی تنظیم، اور تمام فریقین کے ساتھ یکجہتی میں کام کرتے ہوئے عالمی معیار کا سیاحتی تجربہ تخلیق کرنے کی ضرورت پر بھی روشنی ڈالی۔​

نائب صدر کو وزارت ثقافت کے مینڈیٹ کے بارے میں بھی بریفنگ دی گئی، جس میں بھارت کے مادی اور غیر مادی ثقافتی ورثے کا تحفظ، بقا اور ترویج شامل ہے۔​

نائب صدر نے وزارت کی وسیع کوششوں کو سراہا اور آنے والی نسلوں کے لیے بھارت کے گنجان ثقافتی ورثے کے تحفظ پر مسلسل توجہ کی ضرورت کو اجاگر کیا۔ انہوں نے عجائب گھروں کے نظم و نسق میں عالمی بہترین طور طریقوں کو اختیار کرنے کی اہمیت پر زور دیا اور اس سلسلے میں اعتماد کا اظہار کیا کہ بھارت کی مسلسل معاشی ترقی ثقافتی تحفظ اور فروغ کی پہل کو مزید مستحکم کرے گی۔

Hon’ble Union Minister of Culture & Tourism, Shri Gajendra Singh Shekhawat, along with Union Ministers of State, Shri Rao Inderjit Singh and Shri Suresh Gopi, called on Hon’ble Vice-President Shri C. P. Radhakrishnan, at Parliament House today.

During the meeting, the Hon’ble… pic.twitter.com/rhLRMMCg0b

— Vice-President of India (@VPIndia) October 17, 2025

***********

ش ح۔ ف ش ع

                                                                                                                                            U: 35

(Release ID: 2180560) Visitor Counter : 9