پارلیمانی امور کی وزارت 2 سے 31 اکتوبر 2025 تک زیر التواء معاملات اور صفائی ستھرائی(سووچھتا) سے متعلق جاری خصوصی مہم 5.0 کے تحت مسلسل پیش رفت کر رہی ہے ۔ یہ مہم 2021 کے بعد سے پچھلے ایڈیشنوں کی کامیابیوں کی بنیاد پر سرکاری دفاتر میں صفائی ، منظم ریکارڈ مینجمنٹ اور زیر التواء حوالہ جات کے بروقت نمٹارے پر زور دیتی ہے ۔

اہم سرگرمیاں اور پیشرفت (15 اکتوبر 2025 تک):

عوامی شکایات: تمام 91 زیر التواء عوامی شکایات کو کامیابی کے ساتھ حل کیا گیا ہے۔

عوامی شکایات کی اپیلیں: ایک اپیل کو نمٹا دیا گیا ہے ، جس سے زیر التواء معاملات کی تعداد کم ہو کر صفر ہو گئی ہے ۔

ریکارڈ مینجمنٹ:

• جائزے کے لیے 117 فزیکل فائلوں کی نشاندہی کی گئی ، جن میں سے 42 کا جائزہ لیا جا چکا ہے ۔
• 27 فزیکل فائلیں تلف کردی گئی ہیں ۔
• 241 ای-فائلوں کو جائزہ  کے لیےمنتخب کیا گیا،145 ای-فائلوں کا جائزہ لیا گیا اور انہیں بند کر دیا گیا ۔
• مجموعی طور پر 172 فائلوں کوتلف کر دیا گیا ہے یا بند کر دیا گیا ہے ، جس سے آپریشنل کارکردگی میں بہتری آئی ہے اور  دفتر کی قیمتی جگہ  خالی ہوگئی ہے ۔

صفائی اور ای ویسٹ مینجمنٹ:

• سبھی سیکشنوں میں صفائی مہم چلائی گئی ہے ، جس میں کچرے کو مناسب طریقے سے الگ کرنے اور ماحول دوست طریقے سے ٹھکانے لگانے پر زور دیا گیا ہے ۔
• ماحولیاتی رہنما خطوط کے مطابق ٹھکانے لگانے کے لیے فرسودہ الیکٹرانک اشیاء کی نشاندہی کی گئی ہے ۔

سینئر افسران کے ذریعے جائزہ: 9 اکتوبر 2025 کو پارلیمانی امور کی وزارت کے ایڈیشنل سکریٹری ڈاکٹر ستیہ پرکاش نے مہم کی پیش رفت کا جائزہ لینے کے لیے مختلف حصوں میں معائنہ کیا ۔  انہوں نے فائل کو تیزی سے نمٹانے ، زیر التواء معاملات کو کم کرنے اور دفتر کے صاف ستھرے اور منظم ماحول کو برقرار رکھنے کی اہمیت پر زور دیا ۔

خصوصی مہم 5.0 کے تحت آؤٹ ریچ اور کوآرڈینیشن: وزارت نے  حکومت ہند کے سبھی سکریٹریوں کوڈی او لیٹر جاری کیے ہیں۔ تاکہ خصوصی مہم 5.0 کے حصے کے طور پر رُول 377  کے تحت لوک سبھا  میں زیر التوا معاملات ، راجیہ سبھا میں خصوصی حوالہ جات اور پارلیمانی یقین دہانی کے معاملات کو تیزی سے نمٹایا جائے۔

قومی ای-ودھان ایپلی کیشن(این ای وی اے) کو اپنانے کے عمل میں تیزی لانے کے لیے خاص طور پر چند باقی ریاستی قانون سازایوانوں کو، جو ابھی تک پلیٹ فارم پر منتقل نہیں ہوئے ہیں،ڈی او لیٹر بھیجے گئے ہیں ۔  ملک بھر کے زیادہ تر قانون ساز ایوانوں کو پہلے ہی ڈیجیٹل کیا جا چکا ہے اور انہیں این ای وی اے میں شامل کیا جا چکا ہے ۔  ان کوششوں کا مقصد بغیر کاغذ کے مکمل کام کرنا ، بین ادارہ جاتی ہم آہنگی کو مضبوط کرنا اور قانون سازی اور انتظامی معاملات میں زیر التواء معاملات کو مزید کم کرنا ہے ۔

ڈیجیٹل اور پائیدار گورننس: وزارت ای-آفس ، ای-ایچ آر ایم ایس ، مشاورتی کمیٹی مینجمنٹ سسٹم ، ذیلی قانون سازی مینجمنٹ سسٹم ، این ای وی اے ایپلی کیشن ، او اے ایم ایس اور نیشنل یوتھ پارلیمنٹ اسکیم پورٹل جیسے پلیٹ فارموں کے ذریعے کاغذ کے بغیر اور مؤثر کام کاج کو فروغ دینا جاری رکھے ہوئے ہے ۔

بہترین طریقۂ کار: وزارت کو اعلی سطح پر ڈیجیٹل اڈاپشن کے لیے پہچانا جاتا ہے ، جس میں بڑے انتظامی کام الیکٹرانک طریقے سے انجام دیے جاتے ہیں  اور احاطے میں کوئی فزیکل ریکارڈ روم نہیں رکھا جاتا ہے ۔ یہ ڈیجیٹل انڈیا اور سووچھ بھارت کے وژن کے مطابق مکمل طور پر کاغذ کے بغیر ، موثر اور شفاف کام کے ماحول کے تئیں وزارت کے عزم کی عکاسی کرتا ہے ۔

فلیگ شپ این ای وی اے(نیشنل ای وی-دھان ایپلی کیشن) پروجیکٹ اچھی حکمرانی کے ماڈل کے طور پر کام کر رہا ہے ، جس سے ریاستی قانون سازوں کو بغیر کاغذ کے کام کرنے میں مدد ملتی ہے اور ماحولیاتی پائیداری میں تعاون ملتا ہے ۔

وزارت اپنے کام کے تمام شعبوں میں صفائی ، شفافیت ، ڈیجیٹل تبدیلی اور کارکردگی پر مسلسل توجہ کے ساتھ اکتوبر 2025 کے آخر تک مہم کے  سبھی اہداف کو حاصل کرنے کے لیے پوری طرح پرعزم ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ م م۔ص ج)

U. No. 9915

(Release ID: 2179572) Visitor Counter : 9