دتوپنت ٹھینگڈی نیشنل بورڈ برائے مزدور تعلیم و ترقی (ڈی ٹی این بی ڈبلیو ای ڈی)، وزارت محنت و روزگار، حکومتِ ہند نے تعمیراتی کارکنوں کے لیے پہلے سے حاصل شدہ مہارتوں کے اعتراف (ریکگنیشن آف پری لرننگ - آر پی ایل) پروگرام کے تحت افرادی قوت کی صلاحیتوں میں بہتری کے مقصد سے اتر پردیش بلڈنگ اینڈ دیگر تعمیراتی کارکنان ویلفیئر بورڈ (یو پی بی او سی ڈبلیو بی) کے ساتھ ایک مفاہمت نامے (ایم او یو) پر دستخط کیے ہیں۔

ایک باضابطہ تقریب کے دوران، مفاہمت کی یادداشت (ایم او یو) پر کرنل نیرج شرما، ڈائریکٹر جنرل، ڈی ٹی این بی ڈبلیو ای ڈی، اور محترمہ پوجا یادو، آئی اے ایس، سکریٹری، یو پی بی او سی ڈبلیو بی نے دستخط کیے۔اس موقع پر محنت و روزگار کی وزارت کی سکریٹری محترمہ وندنا گرنانی؛ڈاکٹر شنموگا سندرم ایم کے، آئی اے ایس، سکریٹری، محکمہ محنت و روزگار، حکومتِ اتر پردیش؛جناب ورجیش اپادھیائے، چیئرمین، گورننگ باڈی، ڈی ٹی این بی ڈبلیو ای ڈی؛جناب آلوک مشرا، جوائنٹ سکریٹری، وزارت محنت و روزگار؛اور وزارت محنت و روزگار، ڈی ٹی این بی ڈبلیو ای ڈی، اور یو پی بی او سی ڈبلیو بی کے دیگر سینئر افسران بھی موجود تھے۔

حکومت سے حکومت کی اس شراکت داری کے تحت، ڈی ٹی این بی ڈبلیو ای ڈی فیز 1 کے تحت آر پی ایل تربیتی پروگرام کے نفاذ کی ذمہ داری پروجیکٹ امپلیمینٹیشن ایجنسی کے طور پر سنبھالے گا، جس میں اتر پردیش کے سات اضلاع کے ایک لاکھ رجسٹرڈ کارکنوں کو شامل کیا جائے گا، اور بعد کے مراحل میں پورے صوبے کے دو لاکھ کارکنوں کو شامل کیا جائے گا۔ یہ منظم 120 گھنٹے کا تربیتی پروگرام کارکنوں کی مہارتوں کو نیشنل کونسل فار ووکیشنل ایجوکیشن اینڈ ٹریننگ (این سی وی ای ٹی) کے معیار کے مطابق ہم آہنگ کرنے کے لیے تیار کیا گیا ہے، جس کے بعد ان کی جانچ اور تصدیق کی جائے گی۔ شریک کارکنوں کو اجرت میں ہونے والے نقصان کا معاوضہ کامیاب تکمیل اور جانچ کے بعد براہِ راست ان کے بینک کھاتوں میں منتقل کیا جائے گا، جو ہنر کی ترقی کے لیے معاون اور ترغیب دہندہ ثابت ہوگا۔

ڈی ٹی این بی ڈبلیو ای ڈی اپنے سرکاری تربیتی شراکت داروں کے ذریعے فاسٹ ٹریک رجسٹریشن کو متحرک اور سہولت فراہم کرے گا، سائٹ اور کیمپ پر مبنی تربیت فراہم کرے گا، کمپیوٹر پر مبنی بایومیٹرک حاضری کا انتظام کرے گا، اور یو پی بی او سی ڈبلیو بی کے ساتھ بغیر کسی رکاوٹ کے مربوط براہِ راست ڈیجیٹل ڈیش بورڈ کے ذریعے شفاف ریکارڈ رکھے گا۔ نگرانی اور اثرات کی تشخیص مشترکہ نگرانی کے تحت کی جائے گی، جس میں اسپاٹ چیک اور سینئر سرکاری عہدیداروں کے وقتاً فوقتاً جائزے شامل ہوں گے۔ یہ پروجیکٹ برانڈنگ، ڈیجیٹل آؤٹ ریچ، اور ٹرینرز و تشخیص کاروں کے لیے سخت معیار کی پابندی پر بھی توجہ مرکوز کرتا ہے۔

یہ مفاہمت نامہ ہندوستان کی تعمیراتی افرادی قوت کی فلاح و بہبود کو فروغ دینے کے لیے ڈی ٹی این بی ڈبلیو ای ڈی اور یو پی بی او سی ڈبلیو بی کے مشترکہ عزم کو مضبوط کرتا ہے۔ توقع ہے کہ یہ تعاون اتر پردیش میں غیر منظم شعبے کے کارکنوں کی مہارت کی ترقی اور سماجی تحفظ کے فروغ میں ایک سنگ میل ثابت ہوگا۔

***

UR-9859

(ش ح۔اس ک  )

(Release ID: 2179147) Visitor Counter : 8