புதுதில்லியின் யசோபூமியில் இன்று நடைபெற்ற விழா ஒன்றில் இந்திய மொபைல் மாநாட்டு விருதுகளை மத்திய தகவல் தொடர்பு மற்றும் ஊரக மேம்பாட்டுத்துறை இணையமைச்சர் டாக்டர் பெம்மாசானி சந்திரசேகர் வழங்கினார்.‌ நிகழ்ச்சியில் உரையாற்றிய அவர், புத்தாக்கம், ஒத்துழைப்பு மற்றும் நோக்கம் சார்ந்த தலைமைத்துவம் மூலம் நாட்டின் பொருளாதார மாற்றத்தை வழிநடத்துமாறு நாட்டின் வர்த்தக சமூகத்தினரைக் கேட்டுக்கொண்டார்.

இந்தியாவின் அபாரமான முன்னேற்றத்தை குறிப்பிட்ட அமைச்சர், “ஐந்து ஆண்டுகளுக்கு முன்பு இருந்த இந்தியா இன்று இல்லை”, என்று கூறினார். புத்தாக்கம், நிலைத்தன்மை மற்றும் சர்வதேச சார்பு நிலையால் வரையறுக்கப்படும் யுகத்தில் நிறுவனங்கள் தற்போது செயல்படுவதாகத் தெரிவித்தார். செயற்கை நுண்ணறிவை ஏற்றுக்கொண்டு, ஆராய்ச்சி மற்றும் மேம்பாட்டில் முதலீடு செய்யுமாறும், சோதனை முயற்சிகளைக் கொண்டாடும் கலாச்சாரத்தை வளர்க்குமாறும் வர்த்தக நிறுவனங்களுக்கு அமைச்சர் ஆலோசனை வழங்கினார்.

“எதிர்காலம், சூழலியல்களுக்கு உகந்ததாக இருக்கும், ஏகாதிபத்தியத்திற்கு அல்ல”, என்பதை அடிக்கோடிட்டுக் காட்டிய அமைச்சர், புத்தொழில் நிறுவனங்களுடனான ஒருங்கிணைப்பு,  எம்எஸ்எம்இ நிறுவனங்களின் வழிகாட்டுதல் மற்றும் அரசின் முன்முயற்சிகளுடனான இணக்கம் ஆகியவற்றை ஊக்குவித்தார்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2177380

(Release ID: 2177380)

***

SS/SE/SH