انتظامی اصلاحات اور عوامی شکایات کے محکمے کو نوڈل ڈیپارٹمنٹ بنا کر حکومت کی جانب سے شروع کی گئی خصوصی مہم 5.0 نے قابلِ ذکر رفتار حاصل کر لی ہے۔ خصوصی مہم 5.0 کا ابتدائی مرحلہ (15تا 30 ستمبر، 2025) 30 ستمبر، 2025 کو مکمل ہو گیا اور نفاذ کا مرحلہ 2 اکتوبر 2025 سے شروع ہو کر 31 اکتوبر 2025 تک جاری رہے گا۔

خصوصی مہم 5.0 کے تحت نیشنل آرکائیوز آف انڈیا نے ‘بہترحکمرانی اور ریکارڈز’ کے عنوان سے ایک نمائش کا اہتمام کیا ہے، جس میں خصوصی مہم 4.0 -1.0کے دوران حاصل کیے گئے تاریخی اعتبار سے قیمتی ریکارڈز کی نمائش کی گئی ہے۔ یہ نمائش 10 سے 12 اکتوبر 2025 تک ڈاکٹر امبیڈکر انٹرنیشنل سنٹر 15 جن پتھ، نئی دہلی میں منعقد ہوگی۔ محکمہ زراعت اور کسانوں کی بہبود نے 9 اکتوبر 2025 کو کرشی بھون، نئی دہلی میں  سی پی جی آر اے ایم ایس پر ایک ورکشاپ کا اہتمام کیا۔

صفائی ستھرائی اور زیر التوا معاملوں کی صفائی کے لیے خصوصی مہم 5.0 کے نوڈل افسران کی چھٹی میٹنگ 10 اکتوبر 2025 کوڈی اےآر پی جی کے سکریٹری جناب وی سری نواس کی صدارت میں منعقد ہوئی۔ میٹنگ کا مقصد خصوصی مہم 5.0 پورٹل پر وزارتوں/محکموں کی طرف سے درج کی جا رہی کامیابیوں کا جائزہ لینا اور اہداف کے حصول کے لیے روڈ میپ تیار کرنا تھا۔ میٹنگ میں 84 وزارتوں/محکموں اور ان سے منسلک اور ماتحت دفاتر کے 250 سے زائد سینئر افسران نے شرکت کی۔ تمام وزارتیں/محکمے خصوصی مہم 5.0 کے نفاذ کے مرحلے کے لیے مکمل طور پر تیار ہیں، جو 2 اکتوبر 2025 کو شروع ہوئی ہے اور 31 اکتوبر 2025 تک جاری رہے گی۔

خصوصی مہم 5.0 نے سوشل میڈیا پر نمایاں رفتار حاصل کی ہے، جس میں وزارتوں/محکموں کی جانب سے#اسپیشل کمپین5  پر 5954 سے زیادہ ٹویٹس اور انفوگرافکس شیئر کیے گئے ہیں اور 10 اکتوبر 2025 کو صبح 10:00 بجے تک 133 پی آئی بی کے بیانات جاری کیے گئے ہیں۔

 

*****

 

UR-7468

(ش ح۔م ع ن۔ ف ر )

 

(ریلیز آئی ڈی: 2178391) وزیٹر کاؤنٹر : 24