محترمہ پنیا سلیلا سریواستو، سکریٹری محکمہ صحت و خاندانی بہبود (ڈی او ایچ ایف ڈبلیو)، وزارت صحت و خاندانی بہبود، نے آج یہاں نرمان بھون کے گلیاروں اور کمروں کی صفائی کا معائنہ کیا، جس میں خصوصی مہم 5.0 کے تحت کینٹینوں کی حفظان صحت کی صورتحال اور ریکارڈ روم کے منظم انتظام پر خاص توجہ دی گئی۔ اس موقع پر ای-کچرے اور غیر قابل استعمال اشیاء کی نشاندہی اور ان کے مناسب تلف کرنے کے عمل کا بھی جائزہ لیا گیا۔

محکمہ صحت و خاندانی بہبود (ڈی او ایچ ایف ڈبلیو) مرکزی حکومت کے اسپتالوں، منسلک اور ماتحت دفاتر، خودمختار اداروں، اور مرکزی سرکاری اثاثہ جات کے ساتھ مل کر خصوصی مہم 5.0 میں حصہ لے رہا ہے، جو 2 اکتوبر 2025 سے شروع ہو کر 31 اکتوبر 2025 تک جاری رہے گی۔ اس مہم کی سربراہی انتظامی اصلاحات اور عوامی شکایات کے محکمے (ڈی اے آر پی جی) کر رہا ہے، جس کا بنیادی مقصد صفائی کے عمل کو ادارہ جاتی بنانا اور زیر التواء مسائل کو بروقت اور مؤثر طریقے سے حل کرنا ہے۔

ڈی او ایچ ایف ڈبلیو نے اس مہم کے تحت کارکردگی کو بہتر بنانے، عمل کو ہموار کرنے، اور شہریوں پر مرکوز حکمرانی کو مضبوط کرنے کے لیے وسیع و عریض اہداف مقرر کیے ہیں۔

ڈی او ایچ ایف ڈبلیو صفائی ستھرائی، موثر حکمرانی، ذمہ دار انتظامیہ، اور شہریوں پر مرکوز خدمات کی فراہمی کے لیے اپنی مستقل وابستگی کا اعادہ کرتا ہے۔

***

(ش ح۔اس ک  )

UR-7414

(रिलीज़ आईडी: 2177614) आगंतुक पटल : 12