மத்திய உள்துறை மற்றும் கூட்டுறவுத்துறை அமைச்சர்  திரு அமித் ஷா இன்று புதுதில்லியில் தில்லி அரசின் சுமார் ரூ. 1816 கோடி மதிப்பிலான  வளர்ச்சித் திட்டங்களைத் தொடங்கி வைத்து அடிக்கல் நாட்டினார். இந்த நிகழ்வில், தில்லி முதல்வர் திருமதி ரேகா குப்தா மற்றும் முக்கிய பிரமுகர்கள் கலந்து கொண்டனர்.

நிகழ்ச்சியில் பேசிய திரு அமித் ஷா, இன்று தொடங்கப்பட்ட திட்டங்களில் ஏறத்தாழ 80% யமுனை நதியை தூய்மைப்படுத்தும் முயற்சிகளுடன் தொடர்புடையவை என்பதால், இன்றைய நிகழ்வு சிறப்பு முக்கியத்துவம் வாய்ந்தது என்று கூறினார். தில்லி மக்கள் மாற்றத்தைத் தேர்ந்தெடுத்தபோது, யமுனையை தூய்மைப்படுத்துவதே தனது அரசின் முதன்மையான முன்னுரிமை என்று பிரதமர் திரு மோடி அறிவித்தார் என்றும் 2029-ம் ஆண்டுக்குள் யமுனையை சுத்தம் செய்யும் பணியை முடிப்பதாக அவர் உறுதியளித்தார் என்றும் திரு அமித் ஷா தெரிவித்தார்.

ஊழலைக் குறைப்பதன் மூலமும், விளம்பரங்களுக்குக் குறைவாக செலவிடுவதன் மூலமும், யமுனையை சுத்திகரிப்பு செய்ய முடியும். தூய்மையான யமுனை என்ற கனவை நனவாக்குவதற்கான பாதை அமைக்கப்பட்டுள்ளது என்று அமைச்சர் கூறினார். பிரதமர் திரு மோடியின் தலைமையின் கீழ், அடுத்த ஏழு மாதங்களுக்குள் பிரயாக்ராஜ் வரை யமுனையை சுத்தம் செய்வதற்கான திட்டம் தயாரிக்கப்பட்டுள்ளதாகவும் திரு ஷா தெரிவித்தார். முந்தைய அரசுகள் யமுனையை சுத்தம் செய்து அதில் நீராட உறுதியளித்தன, ஆனால், தில்லி மக்கள் அவற்றை மூழ்கடித்தனர் என்றும் அவர் தெரிவித்தார்.

முன்னர் மத்தியில் ஆட்சி செய்த அரசு, 12 லட்சம் கோடி ரூபாய் மதிப்பிலான ஊழல்களில் ஈடுபட்டதாகவும், ஆனால் பிரதமர் திரு மோடியின் 11 ஆண்டுகால ஆட்சியில், ஒரு ஊழல் குற்றச்சாட்டு கூட சுமத்தப்படவில்லை என்றும் உள்துறை அமைச்சர் கூறினார். மத்திய அரசு மக்களுக்கு சேவை செய்வதில் உண்மையிலேயே அர்ப்பணிப்புடன் செயல்படுகின்றது என்பதை இது  தெளிவாக எடுத்துக்காட்டுகிறது என்று கூறினார்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2177054

***

(Release ID: 2177054)

SS/BR /KR