پنجی، 9 اکتوبر 2025

سماجی انصاف اور بااختیاریت کے مرکزی وزیر ڈاکٹر وریندر کمار نے آج 9 اکتوبر کو پنجی میں منعقدہ ایک پروگرام میں گوا میں نمستے اسکیم کے تحت صفائی کے کارکنوں کو حفاظتی سامان، پی پی ای کٹس، اور آیوشمان کارڈ تقسیم کئے۔

اجتماع سے خطاب کرتے ہوئے، وزیر نے کہا کہ گوا میں صفائی کے کارکنوں کا بہت بڑا کردار ہے کیونکہ ریاست، ایک مقبول سیاحتی مقام، ملکی اور بین الاقوامی دونوں سیاحوں کو اپنی طرف متوجہ کرتی ہے۔ گوا کی صفائی اور خوبصورتی کو برقرار رکھنے میں صفائی ستھرائی کے کارکنوں کی اہم شراکت کا اعتراف کرتے ہوئے، ڈاکٹر وریندر کمار نے کہا کہ ان کی وجہ سے ہی شہر صاف ستھرا ہیں۔

مورخہ 2 اکتوبر 2014 کو گاندھی جینتی کے موقع پر، وزیر اعظم نریندر مودی نے پورے ملک میں سوچھ بھارت مشن کا آغاز کیا۔ وزیر اعظم کی دعوت  کے بعد یہ مہم تیزی سے عوامی تحریک میں تبدیل ہو گئی، جس میں ملک بھر کے شہریوں نے اس مہم میں حصہ لیا۔ اس تحریک نے صفائی کارکنوں کے کام کو پہچان دینے میں مدد کی ہ۔

مرکزی حکومت کی کوششوں سے صفائی کے کام کے روایتی طریقے اب جدید اور مشینی طریقوں سے کیے جا رہے ہیں۔ اس کے ایک حصے کے طور پر غیر ہنر مند صفائی کارکنوں کو مناسب تربیت فراہم کی جا رہی ہے۔ ڈاکٹر وریندر کمار نے کہا کہ مرکز نے صفائی کے کارکنوں اور ان کے زیر کفالت بچوں کی تعلیم کے لیے مختلف اسکیمیں بھی شروع کی ہیں، اور ریاستی حکومتوں پر زور دیا کہ وہ ان اسکیموں کو کارکنوں تک پہنچنے کو یقینی بنانے کی ذمہ داری لیں۔ انہوں نے مزید کہا کہ حکومت کا مقصد صفائی کے کارکنوں کو سماجی انصاف فراہم کرنا ہے، جو معاشرے کا ایک لازمی حصہ ہے۔

اس تقریب کے دوران، سماجی انصاف اور بااختیار بنانے کی وزارت کی طرف سے ایک فیشن شو کا بھی اہتمام کیا گیا، جس میں یہ دکھایا گیا کہ صفائی کے کارکنان کام کرتے وقت کس طرح حفاظتی آلات، مکینیکل ٹولز، اور پی پی ای کٹس کا استعمال کرتے ہیں۔

اس تقریب میں کئی معززین نے شرکت کی جن میں جناب پربھات کمار سنگھ، منیجنگ ڈائرکٹر نیشنل صافی ملازمین فنانس اینڈ ڈیولپمنٹ کارپوریشن؛ جناب برجیش مانیکر، اسٹیٹ نوڈل آفیسر؛ جناب محمد شبیر آئی اے ایس، سب ڈویژنل آفیسر، اور محکمہ سماجی انصاف کے ڈپٹی ڈائریکٹر جناب دولت سردیسائی، گوا بھر سے صفائی کے کارکنوں کی بڑی تعداد کے ساتھ۔

ش ح ۔ال

UR-7233

(रिलीज़ आईडी: 2177041) आगंतुक पटल : 21