پنشن اور پنشن یافتگان کی بہبود کے محکمے (ڈی او پی پی ڈبلیو) نے خصوصی مہم 5.0 کے تحت سرگرمیاں شروع کر دی ہیں۔اس مہم کا مقصد پچھلے سالوں کی طرح زیر التواء کاموں کو کم کرنا، صفائی(سوچھتا) کو فروغ دینا، نگرانی کے نظام کو بہتر بنانا، اور ریکارڈ رکھنے کے طریقے کو مؤثر بنانا ہے۔

اس سال ڈی او پی پی ڈبلیو نے مندرجہ ذیل ہدف مقرر کیا ہے:

• اپیلوں سمیت 7,500 عوامی شکایات کا ازالہ ۔
• مہم کے دوران جائزہ لینے کے لیے 2409 فزیکل فائلوں اور 5300 الیکٹرانک فائلوں کی نشاندہی کی گئی ہے ۔
• 2,409 فزیکل فائلوں میں سے 35 فائلوں کو نکالنے کے لیے پہلے ہی نشان زد کیا جا چکا ہے ۔
• ملک بھر میں 59 صفائی کے مقامات ۔
• پنشن یافتگان کی زندگی کو  آسان بنانے کے لیے 20 قواعد کی نشاندہی کی گئی ہے ۔

سکریٹری (پنشن) جناب وی سرینیواس نے عہدیداروں کے ساتھ آج دفتر کی سہولیات کا جائزہ لیا اور ٹیم پر زور دیا کہ وہ مہم کے اہداف کو پورا کرنے کے لیے زیادہ سے زیادہ کوششیں کریں ۔ ایک مخصوص نگرانی گروپ روزانہ کی پیش رفت پر نظر رکھے گا اور ڈی اے آر پی جی کے زیر انتظام ایس سی ڈی پی ایم پورٹل کے ذریعے ان کی رپورٹ کرے گا ۔

خصوصی مہم کے باضابطہ آغاز کے حصے کے طور پر، سیکریٹری (پنشن) نے ان پرانے ریکارڈوں کو تلف (شریڈ) کرنے کی سرگرمی میں حصہ لیا جن کا مہم کے دوران جائزہ لیا گیا تھا اور جنہیں تلفی کے لیے نشان زد کیا گیا تھا۔

     

     

***

ش ح۔ ش آ۔م ش

Uno-7229

(रिलीज़ आईडी: 2176111) आगंतुक पटल : 28