زراعت، کسانوں کی بہبود اور دیہی ترقی کے مرکزی وزیر جناب شیوراج سنگھ چوہان 4 اکتوبر کو بہار کے پٹنہ کے ایک روزہ دورے پر ہوں گے۔ اپنے دورے کے دوران،  جناب  چوہان پٹنہ میں مکھانہ فیسٹیول میں شرکت کریں گے اور ربیع فصل سے متعلق ورکشاپ اور زرعی مشاورتی مباحثےمیں بھی حصہ لیں گے۔

وزیر زراعت کا پٹنہ کا دورہ بہار میں زرعی ترقی اور اختراع کی طرف ایک اور اہم قدم ہے۔ ہفتہ (4 اکتوبر) کو جناب چوہان دہلی سے صبح 10:10 پر روانہ ہوں گے اور  11:55 پر پٹنہ پہنچیں گے۔ دوپہر 12:30 بجے وہ شجر کاری کے پروگرام میں حصہ لینے کے لیے گاندھی میدان کے گیان بھون پہنچیں گے۔ اس کے بعد، دوپہر 1:00 بجے سے دوپہر 2:00 بجے تک، وہ مکھانہ فیسٹیول میں رہیں گے، جس میں بہار کی ‘مکھانہ’ ( فوکس نٹ ) کی پیداوار کو بڑھانے اور کسانوں کی آمدنی بڑھانے پر توجہ دی جائے گی۔

دوپہر 2:30 بجے، جناب  چوہان گاندھی میدان کے باپو سبھاگر میں ربیع فصل سے متعلق  ورکشاپ اور زرعی مشاورتی مکالمے میں حصہ لیں گے۔ اس  پروگرام  میں کسانوں کے ساتھ ساتھ کسان پروڈیوسر تنظیموں (ایف پی اوز) کے اراکین کی شرکت ہوگی۔ اس پروگرام میں کسان کریڈٹ کارڈ (کے سی سی) اسکیم، زرعی اختراعات، اور دیگر اسکیموں کے ساتھ ساتھ بہار کے کسانوں کی پیداواری صلاحیت کو بڑھانے کے مقصد سے خصوصی حکمت عملی کے سیشنوں پر بات چیت ہوگی۔

*******

ش ح۔ع ح ۔ رض

U-7107

(ریلیز آئی ڈی: 2175222) وزیٹر کاؤنٹر : 30