ਪੱਤਰ ਸੂਚਨਾ ਦਫ਼ਤਰ (ਪੀਆਈਬੀ) ਭਲਕੇ ਸਵੇਰੇ 10.00 ਵਜੇ ਸ਼ਾਸਤਰੀ ਭਵਨ ਅਤੇ ਰਾਸ਼ਟਰੀ ਮੀਡੀਆ ਸੈਂਟਰ (ਐੱਨਐੱਮਸੀ) ਵਿੱਚ ਸਫਾਈ ਮਿੱਤਰਾਂ ਅਤੇ ਪੀਆਈਬੀ ਅਧਿਕਾਰੀਆਂ ਦੇ ਲਈ ਇੱਕ ਨਿਵਾਰਕ ਸਿਹਤ ਜਾਂਚ ਅਤੇ ਕੰਸਲਟੇਸ਼ਨ ਕੈਂਪ ਦਾ ਆਯੋਜਨ ਕਰੇਗਾ। ਇਹ ਕੈਂਪ ਆਯੁਸ਼ ਮੰਤਰਾਲੇ ਦੇ ਤਹਿਤ ਆਲ ਇੰਡੀਆ ਇੰਸਟੀਟਿਊਟ ਆਫ ਆਯੁਰਵੇਦ (AIIA) ਅਤੇ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਤਹਿਤ ਡਾ. ਰਾਮ ਮਨੋਹਰ ਲੋਹੀਆ (ਆਰਐੱਮਐੱਲ) ਹਸਪਤਾਲ ਦੇ ਸਹਿਯੋਗ ਨਾਲ ਆਯੋਜਿਤ ਕੀਤਾ ਜਾ ਰਿਹਾ ਹੈ। 

ਇਹ ਕੈਂਪ 17 ਸਤੰਬਰ ਤੋਂ 2 ਅਕਤੂਬਰ ਤੱਕ ਆਯੋਜਿਤ ਕੀਤੇ ਜਾ ਰਹੇ ਸਵੱਛਤਾ ਹੀ ਸੇਵਾ ਅਭਿਆਨ 2025 ਦਾ ਹਿੱਸਾ ਹੈ। ਇਸ ਦਾ ਉਦੇਸ਼ ਸਿਹਤ, ਭਲਾਈ ਅਤੇ ਸੇਵਾ-ਮੁਖੀ ਪਹਿਲਕਦਮੀਆਂ ਨੂੰ ਹੁਲਾਰਾ ਦੇਣਾ ਹੈ।

ਸ਼ਾਸਤਰੀ ਭਵਨ ਵਿੱਚ ਏਆਈਆਈਏ ਦੇ, ਡਿਪਾਰਟਮੈਂਟ ਆਫ ਕਾਯਾਚਿਕਿਤਸਾ (Department of Kayachikitsa) ਦੇ ਐਡੀਸ਼ਨਲ ਪ੍ਰੋਫੈਸਰ ਡਾ. ਰਮਾਕਾਂਤ ਯਾਦਵ ਦੀ ਅਗਵਾਈ ਵਿੱਚ ਆਯੁਰਵੇਦ ਸੇਵਾਵਾਂ

ਰਾਸ਼ਟਰੀ ਮੀਡੀਆ ਕੇਂਦਰ (ਐੱਨਐੱਮਸੀ) ਵਿੱਚ ਮੈਡੀਸਨ ਦੇ ਪ੍ਰੋਫੈਸਰ ਡਾ. ਸ਼ੈਲੇਸ਼ ਕੁਮਾਰ ਅਤੇ ਆਰਐੱਮਐੱਲ ਹਸਪਤਾਲ ਦੇ ਐਸੋਸੀਏਟ ਪ੍ਰੋਫੈਸਰ ਅਤੇ ਨੋਡਲ ਅਧਿਕਾਰੀ ਡਾ. ਰਮੇਸ਼ ਚੰਦ ਮੀਣਾ ਦੀ ਅਗਵਾਈ ਵਿੱਚ ਐਲੋਪੈਥੀ ਸੇਵਾਵਾਂ   

 

ਏਆਈਆਈਏ ਅਤੇ ਆਰਐੱਮਐੱਲ ਹਸਪਤਾਲ ਦੀ ਮੈਡੀਕਲ ਟੀਮ ਵਿੱਚ ਸਲਾਹਕਾਰ ਅਤੇ ਨਰਸਿੰਗ ਸਟਾਫ ਸ਼ਾਮਲ ਹਨ। ਉਹ ਸਾਰੇ ਮੌਜੂਦ ਲੋਕਾਂ ਲਈ ਵਿਆਪਕ ਸਿਹਤ ਮੁਲਾਂਕਣ ਅਤੇ ਮਸ਼ਵਰਾ ਪ੍ਰਦਾਨ ਕਰੇਗੀ। 

ਇਹ ਪਹਿਲ ਸਫਾਈ ਮਿੱਤਰਾਂ ਅਤੇ ਪੀਆਈਬੀ ਕਰਮੀਆਂ ਦੀ ਸੰਪੂਰਨ ਭਲਾਈ ਲਈ ਸਰਕਾਰ ਦੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ, ਜੋ ਨਿਵਾਰਕ ਅਤੇ ਏਕੀਕ੍ਰਿਤ ਸਿਹਤ ਸੇਵਾਵਾਂ ਤੱਕ ਪਹੁੰਚ ਨੂੰ ਯਕੀਨੀ ਬਣਾਉਂਦੀ ਹੈ। 

***************

 

ਆਰਟੀ/ਜੀਐੱਸ/ਐੱਸਜੀ/ਏਕੇ

(रिलीज़ आईडी: 2173942) आगंतुक पटल : 15