ہندی پکھواڑا اختتامی اور انعامات کی تقسیم کی تقریب 29 ستمبر 2025 کو وزارت محنت و روزگار کے تحت ایمپلائز اسٹیٹ انشورنس کارپوریشن (ای ایس آئی سی) کے علاقائی دفتر، ہریانہ میں منعقد ہوئی۔ علاقائی دفتر کے تمام افسران اور ملازمین نے اس پروگرام میں بھرپور جوش و خروش کے ساتھ حصہ لیا اور انہیں سرکاری کام ہندی میں انجام دینے کی ترغیب دی گئی۔

اس پروگرام کی صدارت ہریانہ کے ریجنل ڈائریکٹر  جناب  سوگن لال مینا نے کی۔ اپنے خطاب میں انہوں نے کہا کہ ہندی بولنے والی ریاست ہریانہ میں ہمارا فرض ہے کہ تمام کام ہندی میں انجام دیے جائیں۔ انہوں نے اس بات پر زور دیا کہ اس سے پسماندہ طبقے کے مزدوروں تک بھی رسائی آسان ہوگی جو اکثر ای ایس آئی سی کی جانب سے فراہم کی جانے والی مختلف سہولتوں سے بے خبر رہتے ہیں۔

اس موقع پر نوجوان شاعر اور نغمہ نگار جناب انل کمار نے ایک حب الوطنی پر مبنی نغمہ پیش کیا، جسے سامعین نے بے حد پسند کیا۔ ہندی پکھواڑا تقریبات کے تحت مضمون نویسی، نوٹ سازی، سرکاری زبان کے علم اور تقریری مقابلے منعقد کیے گئے۔ کامیاب شرکاء کو یادگاری شیلڈز اور اسناد سے نوازا گیا۔ اس کے علاوہ پکھواڑے کے دوران ایک کتابی نمائش بھی منعقد کی گئی۔

اس پروگرام میں ڈاکٹر ابھیشیک رائے، اسٹیٹ میڈیکل آفیسر؛ جناب برجیش مشرا، اسسٹنٹ ڈائریکٹر (سرکاری زبان)؛ جناب ونے پرتیم بقدے، اسسٹنٹ ایگزیکٹو انجینئر؛ ڈپٹی ڈائریکٹرز جناب شیو شکتی شرما اور  جناب  اشوک کمار یادو؛ ڈاکٹر راکیش روشن، میڈیکل ویجیلنس آفیسر؛ اور  جناب رویندرا کمار، اسسٹنٹ ڈائریکٹر نے شرکت کی۔ اس کے علاوہ ریجنل آفس کے دیگر افسران اور ملازمین بھی اس موقع پر موجود تھے۔

********

ش ح۔ش ت ۔ رض

U-6882

 

(Release ID: 2173487) Visitor Counter : 8