سنٹرل بیورو آف کمیونیکیشن، بلاس پور نے بلہا ڈیولپمنٹ بلاک کے قبائلی گاؤں بمہنی خورد کے آنگن واڑی سنٹر میں پوشن ماہ کے تحت ایک خصوصی بیداری پروگرام کا انعقاد کیا۔ یہ تقریب خواتین اور بچوں کی ترقی کے محکمے اور گرام پنچایت کے اشتراک سے منعقد ہوئی۔

اس پروگرام میں گرام سرپنچ ملن سنگھ ماروی، پنچ اور یوتھ منڈل کے صدر انیت کمار ماروی، سماجی کارکن رام داس مانک پوری، آنگن واڑی کارکن سنتوشی، حاملہ اور دودھ پلانے والی مائیں، نوعمر لڑکیوں اور گاؤں والوں کی بڑی تعداد موجود تھی۔

مجمع سے خطاب کرتے ہوئے سینٹرل بیورو آف کمیونیکیشن بلاس پور کے انچارج کے وی گری نے بتایا کہ حکومت ہند 17 ستمبر سے 16 اکتوبر تک پوشن ماہ منا رہی ہے۔ انہوں نے کہا کہ اس مہم کا بنیادی مقصد بچوں، نوعمروں، حاملہ خواتین اور دودھ پلانے والی ماؤں کے غذائی معیار کو بہتر بنانا ہے۔ انہوں نے اس بات پر زور دیا کہ متوازن اور غذائیت سے بھرپور خوراک ایک صحت مند معاشرے کی تشکیل اور غذائی قلت سے پاک ہندوستان کے مقصد کو حاصل کرنے کے لئے ضروری ہے۔

گرام سرپنچ ملن سنگھ ماروی نے گاؤں والوں سے اپیل کی کہ وہ اپنے روزمرہ کے کھانے میں مقامی طور پر دستیاب سبز پتوں والی سبزیاں، موسمی پھل، دالیں اور اناج شامل کریں تاکہ پورے خاندان، خاص طور پر ماؤں اور بچوں کے لیے مناسب غذائیت کو یقینی بنایا جا سکے۔

آنگن واڑی کارکن سنتوشی نے خواتین اور بچوں کی ترقی کے محکمے کی مختلف اسکیموں کے بارے میں تفصیل سے بتایا اور گاؤں والوں کو آنگن واڑی سنٹر میں پیش کی جانے والی تمام خدمات سے فائدہ اٹھانے کی ترغیب دی۔ اس موقع پر، ایک غذائیت کی نمائش لگائی گئی، اور ماؤں اور ان کے پیدا ہونے والے بچوں کی صحت کے لیے ایک روایتی گود بھرائی تقریب (حاملہ ماؤں کے لیے جشن) کا انعقاد کیا گیا۔

کمیونٹی کو شامل کرنے کے لیے، غذائیت سے متعلق معلومات پر کوئز مقابلہ منعقد کیا گیا اور فاتحین کو انعامات سے نوازا گیا۔ سووچھتا پکھواڑا مہم کے ایک حصے کے طور پر وہاں موجود افرادنے صفائی ستھرائی کا حلف لیا۔ پروگرام کا اختتام ایک پیڑ ماں کے نام پہل کے تحت شجرکاری مہم کے ساتھ ہوا، جس کے بعد گاؤں والوں میں پودے تقسیم کیے گئے۔

*****

UR-6576      

(ش ح۔ع ح۔ ف ر )

(Release ID: 2173471) Visitor Counter : 3