قومی مالیاتی رپورٹنگ اتھارٹی (این ایف آر اے) نے ”آڈیٹر-آڈٹ کمیٹی انٹرایکشنز سیریز 4“ جاری کی ہے، جس کا عنوان ہے: ”اکاؤنٹنگ اندازوں اور فیصلوں کا آڈٹ — غیر مالی اثاثوں کی خرابی — اِنڈ اے ایس 36، ایس اے 540 وغیرہ۔“

این ایف آر اے کے نفاذ، جائزہ اور مانیٹرنگ سرگرمیوں کے دوران گورننس (ٹی سی ڈبلیو جی) بشمول آڈٹ کمیٹیوں کے ذمہ داروں کے ساتھ آڈیٹر کی بات چیت کو نمایاں کیا گیا ہے۔ ان سرگرمیوں کے نتیجے میں بالخصوص کمپنیز ایکٹ 2013، متعلقہ دو معیارات آڈٹنگ (ایس اے 260 (ترمیم شدہ) اور ایس اے 265)، دیگر متعلقہ ایس اے اور معیار کنٹرول (ایس کیو سی) کے تقاضوں کی روشنی میں قانونی آڈیٹر اور آڈٹ کمیٹیوں کے درمیان مواصلاتی طریقہ کار کو مزید مضبوط بنانے کی ضرورت محسوس کی گئی۔

آڈٹ کے مجموعی معیار میں بہتری کے اقدامات تجویز کرنا، اکاؤنٹنگ و آڈٹنگ معیارات، آڈیٹر کی ذمہ داریوں اور آڈٹ کوالٹی کی اہمیت کے بارے میں آگاہی کو فروغ دینا این ایف آر اے کی ذمہ داریوں میں شامل ہے۔ لہٰذا عوامی مفاد اور سرمایہ کاروں کے تحفظ کے مقاصد کو پیش نظر رکھتے ہوئے این ایف آر اے اکاؤنٹنگ و آڈٹنگ کے اہم موضوعات پر ”آڈیٹر-آڈٹ کمیٹی انٹرایکشن“ کی اپنی سلسلہ وار اشاعتیں وقتاً فوقتاً جاری رکھے گا۔

یہ سیریز 4 آڈیٹرز کی توجہ ان ممکنہ سوالات کی طرف مبذول کراتی ہے جو آڈٹ کمیٹیاں/بورڈ آف ڈائریکٹر غیر مالی اثاثوں کی امپیئرمنٹ کے بارے میں ان سے پوچھ سکتے ہیں۔ اس ضمن میں یہ مواصلاتی نوٹ اِنڈ اے ایس 36 "امپیئرمنٹ آف ایسیٹس" اور ایس اے 540 "اکاؤنٹنگ اندازوں بشمول فیئر ویلیو اندازوں اور متعلقہ انکشافات کے آڈٹ" کے تقاضوں کے تحت غیر مالی اثاثوں کی امپیئرمنٹ کے آڈٹ سے متعلق پہلوؤں کو شامل کرتا ہے۔

سیریز کا لنک: https://nfra.gov.in/nfra-auditor-audit-committee-interaction-series-4-audit-of-accounting-estimates-and-judgements-impairment-of-non-financial-assets-ind-as-36-sa-540/

*****

ش ح۔ ف ش ع

U: 6866

(Release ID: 2173440) Visitor Counter : 4