2 اکتوبر 2025 کو سووچھ بھارت دیوس کے سلسلہ کے ایک حصے کے طور پر، مہاتما گاندھی کے یوم پیدائش کی یاد میں، رہائش اور شہری امور کی وزارت ( ایم او ایچ یو اے)  اور پینے کے پانی اور صفائی ستھرائی کے محکمے، جل شکتی کی وزارت نے 17 ستمبر سے 2 اکتوبر 2025 تک ملک گیر سوچھتا ہی سیوا (ایس ایچ ایس )مہم کا اہتمام کیا۔  دیگر وزارتوں کے ساتھ مل کر منعقد کی گئی مہم، سووچھ بھارت مشن کے 11 سال مکمل ہونے کا جشن ہے اور صاف اور کوڑے سے پاک ہندوستان کے قومی عزم کی تصدیق ہے۔ ایس ایچ ایس 2025 کا تھیم ‘‘سوچھوتسو’’ ہے۔

نیتی آیوگ نے ​​مہم میں بڑھ چڑھ کر حصہ لیا اور اس عرصے کے دوران کئی اقدامات کئے، جن میں شامل ہیں:

1. نیتی آیوگ میں ریکارڈ روم کا معائنہ: نیتی آیوگ میں 24.09.2025 کو سینئر افسروں کے ذریعہ ریکارڈ روم کا معائنہ کیا گیا ،جس میں فائل کا جائزہ لینے، پرانے ریکارڈوں کی چھٹنی کرنے اور ڈیجیٹائزیشن اور کوڑے کباڑ اور غیر مستعمل اشیا ء کو ٹھکانے لگانے پر خصوصی زور دیا گیا۔

2. بیداری مہم: نیتی آیوگ کے افسروں/ عملے میں بیداری پیدا کرنے کے لیے مہم کے بینرز اور اسٹینڈز نیتی آیوگ کے دروازے، بیرونی علاقوں اور دفتر کے احاطے میں لگائے گئے تھے۔ مہم کی مدت کے لیے ایس ایچ ایس -2025 مہم کے بینرز بھی نیتی آیوگ کی ویب سائٹ ہوم پیج پر آویزاں کیے گئے تھے۔

3. نیتی آیوگ آفس کے احاطے میں صفائی مہم: نیتی آیوگ کے دفتر کے احاطے میں 22.09.2025 سے 26.09.2025 تک نیتی آیوگ کے عملے کی فعال شرکت کے ساتھ تمام فلورز پر صفائی مہم چلائی گئی۔

4. نیتی آیوگ کی ڈپارٹمنٹل کینٹین کی مکمل صفائی: ویلفیئر ٹیم نے 22.09.2025 سے 26.09.2025 تک نیتی آیوگ کے ڈیپارٹمنٹل کینٹین ہال اور کچن کی مکمل صفائی کی سرگرمی شروع کی۔

5. سووچھتا عہد: 25 ستمبر 2025 کو ملک گیر شرمدان ‘‘ایک دن، ایک گھنٹہ، ایک ساتھ’’  مہم کا مشاہدہ کرتے ہوئے، نیتی آیوگ کے عزت مآب نائب چیئرمین نے نیتی آیوگ کے عملے کو سووچھتا کا حلف دلوایا، جس کے بعد نیتی آیوگ کے عزت مآب نائب چیئرمین (جناب سمن کے بیری) : نیتی آیوگ کے عزت مآب سی ای او ( جناب بی وی آر سبرامنیم ) کی قیادت میں نیتی آیوگ کے باہری کیمپس کی صفائی کی گئی ۔

ان سرگرمیوں کے ذریعے، نیتی آیوگ نے ​​سووچھ بھارت مشن کے تحت صفائی ستھرائی، کارکردگی اور ماحولیاتی ذمہ داری کے تصورات کے لیے اپنی وابستگی کا اعادہ کیا۔

 

*************

 

 

(ش ح ۔ع ح۔م الف(

U. No. 6810

(Release ID: 2172973) Visitor Counter : 9