مرکزی وزیر جناب سربانند سونووال نے آج گوہاٹی میں فنکار کی رہائش گاہ پر منعقدہ آنجہانی لیجنڈری گلوکار زبین گرگ کو ان کی آدیہ شردھا کے پروقار موقع پر گلہائے عقیدت پیش کیے۔ انھوں نے آنجہانی کی روح کے ابدی سکون کے لیے دعا کی اور سوگوار خاندان کے افراد سے دلی تعزیت کا اظہار کیا۔

اس موقع پر خطاب کرتے ہوئے جناب سونووال نے کہا:
’’اگرچہ زبین جسمانی طور پر ہم سے رخصت ہو گئے ہیں، لیکن ان کی لافانی تخلیقات آسام کے لوگوں کے دلوں میں زندہ رہیں گی۔ ان کا ثقافتی سفر نسلوں کے لیے تحریک اور ہمت کا ذریعہ رہے گا۔‘‘

آسام کی سب سے مشہور ثقافتی شخصیات میں سے ایک، زبین گرگ کا اس ماہ کے شروع میں انتقال ہو گیا، انھوں نے موسیقی، آرٹ اور سماجی شراکت کی بھرپور میراث چھوڑی جس نے پورے خطے اور اس سے باہر بے شمار زندگیوں کو تحریک دی۔





***

(ش ح – ع ا)

U. No. 6796

(Release ID: 2172908) Visitor Counter : 8