صارفین کے تحفظ سے متعلق مرکزی اتھارٹی(سی سی پی اے)نے ایم ؍ایس ڈیجیٹل ایج ریٹیل پرائیویٹ لمیٹڈ (فرسٹ کرائی) پر جھوٹے اور گمراہ کن قیمت کے دعوؤں کے لیے2,00,000؍روپے جرمانہ عائد کیا ہے۔ یہ حکم کنزومر پروٹیکشن ایکٹ 2019 کی دفعات 10، 20 اور 21 کے تحت جاری کیا گیا ہے۔

سی سی پی اے نےایم؍ایس ڈیجیٹل ایج ریٹیل پرائیویٹ لمیٹڈ (فرسٹ کرائے) کے خلاف حکم جاری کیا ہے ،کیونکہ اس نے اپنے ای کامرس پلیٹ فارم (www.firstcry.com) پر گمراہ کن اشتہارات شائع کیے اور غیر منصفانہ تجارتی طریقوں میں ملوث رہا۔ یہ معاملہ ایک صارف کی شکایت سے سامنے آیا کہ فرسٹ کرائے نے مصنوعات کو ‘تمام ٹیکسز سمیت  ایم آرپی کے طور پر دکھایا، جبکہ چیک آؤٹ کے مرحلے پر چھوٹ والی قیمت پر اضافی جی ایس ٹی عائد کیا گیا۔ اس سے زیادہ چھوٹ کا گمراہ کن تاثر پیدا ہوا اور صارفین کو قابل ادائیگی حتمی رقم کے بارے میں غلط معلومات دی گئیں۔

قومی صارف ہیلپ لائن(این سی ایچ) کے ڈیٹا کی مدد سے کی گئی تحقیقات سے پتہ چلا کہ ایم آر پی پر چھوٹ کے اشتہار دینے کے بعد چھوٹ والی قیمت پر الگ سے جی ایس ٹی چارج کرنا صارفین کو فائدہ پہنچانے میں کافی حد تک کمی کا باعث بنتا ہے۔ مثال کے طور پر، 27؍فیصد کی چھوٹ کے ساتھ مشتہر کی گئی مصنوعات پر جی ایس ٹی لگانے کے بعد مؤثر چھوٹ صرف 18.2؍فیصد رہ جاتی تھی۔ یہ پایا گیا کہ اس طرح کے دعوے کنزومر پروٹیکشن ایکٹ 2019 کی دفعہ 2(28) کے تحت غلط قیمت گذاری اور گمراہ کن اشتہارات اور دفعہ 2(47) کے تحت غیر منصفانہ تجارتی رویے کے دائرہ کار میں آتے ہیں۔

یہ بھی مشاہدہ کیاگیا کہ ‘اضافی چارج لگ سکتا ہے’ یا ‘چھوٹ کے بعد کی قیمت پر جی ایس ٹی اور اضافی چارج لگ سکتا ہے’ جیسے ڈس کلیمر قانونی ضرورت کو تبدیل نہیں کرتے کہ ایم آر پی میں تمام ٹیکس شامل ہونے چاہئیں۔ قیمت کو ٹیکس سمیت دکھانے اور پھر چیک آؤٹ پر جی ایس ٹی وصول کرنے سے کمپنی نے ’ڈریپ پرائسنگ’ کی، جو ڈارک پیٹرن گائیڈ لائنز، 2023 کے تحت ایک گمراہ کن عمل ہے۔ اس سے صارفین کو حتمی ادائیگی کی رقم کے بارے میں غلط معلومات ملیں اور ان کے درست فیصلہ کرنے کے حق پر اثر پڑا۔ یہ طریقہ کنزیومر پروٹیکشن (ای-کامرس) ضابطہ 2020 کے قواعد 7(1)(e) کی بھی خلاف ورزی تھی، جس کے مطابق تمام چارجز اور ٹیکس سمیت کل قیمت پہلے ہی دکھائی جانی چاہیے۔ لہٰذا سی سی پی اے نے کمپنی کو ہدایت دی کہ اس طریقہ کار کو درست کیا جائے اور یہ یقینی بنایا جائے کہ اصل اور چھوٹ والی دونوں قیمتیں تمام ٹیکس سمیت دکھائی جائیں اور اضافی چارجز واضح طور پر بتائے جائیں۔

کمپنی کے وسیع پیمانے پر کام اور ہندوستان اور ایشیا میں تولیدی، بچوں اور بچوں کی مصنوعات کے سب سے بڑے آن لائن ریٹیلر ہونے کی حیثیت سے یہ پایا گیا کہ اس غلط طریقے کا صارفین پر بہت منفی اور وسیع اثر پڑا ہے۔ لہٰذا، سی سی پی اے نے کمپنی کو ہدایت دی ہے کہ وہ یہ یقینی بنائے کہ اصل اور چھوٹ والی دونوں قیمتیں تمام ٹیکس سمیت دکھائی جائیں اور شیپنگ یا سروس فیس جیسے کسی بھی اضافی چارج کو بھی واضح طور پر بتایا جائے۔ ساتھ ہی اسے یہ بھی ہدایت دی گئی ہے کہ اس غلط طریقے کو، جسے اب بند کر دیا گیا ہے، مستقبل میں کبھی بھی اپنایا نہ جائے۔

سی سی پی اے کے مداخلت کے بعد، کمپنی نے اپنے پلیٹ فارم میں بہتری کی ہے تاکہ کمپنی کی ویب سائٹ اور موبائل ایپ پر قیمتوں کی نمائش میں شفافیت بڑھے۔ ساتھ ہی، ویب سائٹ اور موبائل ایپ کے تمام صفحات پر‘تمام ٹیکس شامل ہیں’ کا ڈس کلیمر صاف نظرآ رہا ہے۔ یہ تبدیلیاں کمپنی کے پلیٹ فارم پر نافذ ہو گئی ہیں اور ان سے یہ واضح ہوتا ہے کہ چھوٹ والی قیمت پر کوئی جی ایس ٹی نہیں لگے گا اور تمام صفحات پر چھوٹ کے بعد دکھائی گئی قیمت ہی تمام ٹیکس سمیت مصنوعات کی حتمی قیمت ہوگی۔

***

ش ح۔م ع ن۔ رب

U-No.6674

(ریلیز آئی ڈی: 2171886) وزیٹر کاؤنٹر : 28