بھارت سرکار نے خصوصی مہم 5.0 شروع کی ہے، جو سرکاری دفاتر میں سوچھتا کو شامل کرنے اور مختلف محکموں میں زیر التوا معاملات کو نمٹانے میں تیزی لانے کے لیے ایک مرکوز پہل ہے۔ یہ مہم 15 ستمبر 2025 کو شروع ہونے والے تیاری کے مرحلے کے بعد، باضابطہ طور پر 2 اکتوبر 2025 کو شروع ہوگی۔ اس دوران مخصوص اہداف مقرر کیے جا رہے ہیں۔

اس ملک گیر کوشش کے سلسلے میں ریلوے کی وزارت پوری طاقت اور عزم کے ساتھ پورے بھارتی ریلوے نیٹ ورک میں مہم کو نافذ کرنے کی تیاری کر رہی ہے۔ متعدد ریلوے اسٹیشنوں اور وزارت کے دفاتر میں سوچھتا ابھیان پہلے ہی جاری ہیں، جس سے مہم کا مضبوط آغاز ہوا ہے۔ اعلیٰ سطح پر قیادت شامل ہے۔ ریلوے بورڈ کے چیئرمین اور سی ای او، سینئر افسران کے ساتھ، باقاعدگی سے جائزہ میٹنگوں کے ذریعے تیاریوں کی ذاتی طور پر نگرانی کر رہے ہیں تاکہ آسانی سے عمل درآمد کو یقینی بنایا جا سکے۔

مہم کے آغاز کی رہنمائی کے لیے، تمام ریلوے یونٹوں کو تفصیلی ہدایات جاری کی گئی ہیں۔ جیسا کہ تیاری کا مرحلہ جاری ہے، موجودہ سوچھتا مہم کے دوران درج ذیل اہم شعبوں پر خصوصی توجہ دی جا سکتی ہے:

• زیر التوا وی آئی پی حوالے

• عوامی شکایات

• ریکارڈنگ اور ویڈنگ کے لیے فائلوں کا جائزہ

• صفائی مہم

• ای ویسٹ مینجمنٹ

• اسکریپ کو ٹھکانے لگانے کے ذریعے آمدنی پیدا کرنا

عوامی بیداری پیدا کرنے کے لیے مختلف ریلوے اسٹیشنوں پر ’ریل چوپال‘ اور 105 امرت بھارت اسٹیشنوں پر ’امرت سمواد‘ جیسے شہریوں پر مبنی اقدامات کا بھی منصوبہ بنایا جا رہا ہے۔

ریلوے کی وزارت اپنے تمام دفاتر میں سوچھتا کو ادارہ جاتی بنانے کے لیے عہدبستہ ہے۔ فعال شمولیت اور بغیر کسی رکاوٹ کے تال میل کے ذریعے، وزارت کا مقصد یہ یقینی بنانا ہے کہ خصوصی مہم 5.0 بامعنی اور قابل پیمائش نتائج فراہم کرے۔

***

(ش ح – ع ا)

U. No. 6622

(Release ID: 2171402) Visitor Counter : 5