حکومت ہند کی وزارت ثقافت 17 ستمبر سے 2 اکتوبر 2025 تک سیوا پرو 2025 کو خدمت ، تخلیقی صلاحیتوں اور ثقافتی فخر کے ملک گیر تہوار کے طور پر منا رہی ہے ۔ وزیر اعظم جناب نریندر مودی کے 2047 تک وکست بھارت کے وژن کی رہنمائی میں ، سیوا پرو کا مقصد برادریوں ، اداروں اور افراد کو سیوا (خدمت) تخلیقی صلاحیتوں اور ثقافتی فخر کی اجتماعی تحریک میں  یکجا کرنا ہے ۔

24 ستمبر 2025 کو جاری تقریبات کے تحت گورکھپور (اتر پردیش)،باڑمیر (راجستھان)،رانچی (جھارکھنڈ) اور بنگلورو (کرناٹک) کے اہم ثقافتی اداروں میں‘‘وکست بھارت کے رنگ ، کلا کے سنگ’’کے موضوع کے تحت متحرک آرٹ ورکشاپس اور ثقافتی پروگراموں کا انعقاد کیا گیا ۔

وزارت ثقافت کے اداروں کے ذریعے 24 ستمبر 2025 کو منعقدہ آرٹ ورکشاپس کی جھلکیاں درج ذیل ہیں:

• کولکاتا ، مغربی بنگال-سائنس سٹی آڈیٹوریم (این سی ایس ایم ، ای زیڈ سی سی ، این جی ایم اے ، راجہ رام موہن رائے لائبریری فاؤنڈیشن ، انڈین میوزیم ، وکٹوریہ میموریل ہال ، مولانا ابوالکلام آزاد انسٹی ٹیوٹ آف ایشین اسٹڈیز کے اور دی ایشیاٹک سوسائٹی کے اشتراک سے للت کلا اکادمی کے علاقائی مرکز ، کولکاتا کے زیر اہتمام منعقدہ تقریب):

 

 کولکاتا میں سائنس سٹی آڈیٹوریم میں 3500 سے زیادہ اسکولی طلباء ، کالج کے طلباء ، نوجوان پیشہ ور افراد اور پیشہ ور فنکاروں کی شرکت کے ساتھ وکست بھارت کے رنگ ، کلا کے سنگ کے موضوع کے تحت ایک بڑے پیمانے پر ایک روزہ پینٹنگ ورکشاپ کا کامیابی سے انعقاد کیا گیا ۔ افتتاحی تقریب کا آغاز جناب سامک بھٹاچاریہ (رکن پارلیمنٹ ، راجیہ سبھا) ،جناب نانک گنگولی (آرٹ نقاد)، نامور فنکاروں جناب ابھیجیت ساہا ، جناب سبرت گنگوپادھیے اور محترمہ جیا گانگولی کے ساتھ ساتھ  جناب  انوراگ کمار (ڈپٹی ڈائریکٹر جنرل ، این سی ایس ایم اور سکریٹری اور کیوریٹر ، وکٹوریہ میموریل ہال) اور جناب کے ایس مرلی (ڈائریکٹر ، این سی ایس ایم) کی شاندار موجودگی میں  شمع روشن کرکے ہوا۔ محترمہ شکلا سین پودار ،  جناب  دیپتیش گھوش دستیدار، جناب رام کمار منا ،  جناب انندیا رائے ، جناب راجب مترا ، محترمہ شنکر مترا اور  جناب سوپن پنڈت سمیت سینئر فنکاروں  نے بھی اپنی فعال شرکت کے ساتھ  اس کی شان میں اضافہ کیا۔دن بھر ، شرکاء براہ راست پینٹنگ سیشنوں میں مصروف رہے ، قوم کی تعمیر اور ترقی کے موضوع پر متنوع تشریحات پیش کرتے ہوئے ،  تقریب گاہ کو تخلیقی صلاحیتوں اور تخیل کے متحرک کینوس میں تبدیل کیا ۔

 

 

• گورکھپور ، اتر پردیش-دین دیال اپادھیائے یونیورسٹی اور سرسوتی ودیا مندر ، آریہ نگر (نارتھ سینٹرل زون کلچرل سینٹر-این سی زیڈ سی سی ، پریاگ راج کے زیر اہتمام منعقدہ تقریب):

گورکھپور میں دین دیال اپادھیائے یونیورسٹی اور سرسوتی ودیا مندر ، آریہ نگر میں وکست بھارت کے رنگ ، کلا کے سنگ کے موضوع پر آرٹ ورکشاپس کا انعقاد کیا گیا ۔ اس تقریب میں پروفیسرپونم ٹنڈن (وائس چانسلر ، دین دیال اپادھیائے گورکھپور یونیورسٹی) پروفیسر راجونت راؤ (ڈین ، فیکلٹی آف آرٹس) ڈاکٹر منگلیش سریواستو (میئر ، گورکھپور) اور پروفیسر اوشا سنگھ (چیئرپرسن ، ڈپارٹمنٹ آف فائن آرٹس اینڈ میوزک ، ڈی ڈی یو گورکھپور یونیورسٹی) نے شرکت کی جنہوں نے طلبا کو وکست بھارت کے اپنے وژن کا اظہار کرنے کے لیے آرٹ کو ایک ذریعہ کے طور پر استعمال کرنے کی ترغیب دی ۔

 

 

• باڑمیر ، راجستھان-گورنمنٹ گرلز سینئر سیکنڈری اسکول ، مال گودام روڈ (سی سی آر ٹی کے زیر اہتمام منعقدہ تقریب):

باڑمیر میں گورنمنٹ گرلز سینئر سیکنڈری اسکول ، مال گودام روڈ پر ایک روزہ آرٹ ورکشاپ کا انعقاد کیا گیا ۔ اس تقریب میں ڈاکٹر پرینکا چودھری (ایم ایل اے ، باڑمیر) اور پدم شری انور خان نے شرکت کی ، جنہوں نے مقامی لوک روایات کی اہمیت پر روشنی ڈالی اور طلبا کو ترقی پسند ہندوستان کا تصور کرتے ہوئے اپنے ثقافتی ورثے کو برقرار رکھنے کی ترغیب دی ۔

 

• رانچی ، جھارکھنڈ-دہلی پبلک اسکول (آئی جی این سی اے ، علاقائی مرکز ، رانچی کے زیر اہتمام منعقدہ تقریب):

دہلی پبلک اسکول ، رانچی نے وکست بھارت کے رنگ کلا کے سنگ کے موضوع کے تحت ایک دلکش آرٹ ورکشاپ کی میزبانی کی ۔ اس پروگرام میں جناب سنجے سیٹھ (وزیر مملکت برائے دفاع ، حکومت ہند اور لوک سبھا کے رکن) جناب سی پی سنگھ (ایم ایل اے ، رانچی ، جھارکھنڈ)اور پدم شری ایوارڈ یافتہ مکند نائک اور مہاویر نائک  نے شرکت کی، جنہوں نے جھارکھنڈ کے سرکردہ لوک فنکاروں کے طور پر اپنے تجربات شیئر کرکے طلباء کو ترغیب دی۔

 

 

• بنگلورو ، کرناٹک-آئی جی این سی اے علاقائی مرکز بنگلورو اور کلاگرام کیمپس (این جی ایم اے بنگلورو اور آئی جی این سی اے ، علاقائی مرکز ، بنگلورو کے زیر اہتمام منعقدہ تقریب):

آئی جی این سی اے علاقائی مرکز بنگلورو نے این جی ایم اے بنگلورو کے  اشتراک سے آئی جی این سی اے علاقائی مرکز اور کلا گرام کے کیمپس احاطے میں وکست بھارت کے رنگ کلا کے سنگ کے موضوع پر ایک روزہ آرٹ ورکشاپ کا انعقاد کیا ۔ اس تقریب میں  جناب ٹی ایس ناگبھرن (نامور فلم ہدایت کار) ،محترمہ  ریکھا جگدیش (بلاک ایجوکیشن آفیسر ، ساؤتھ-1 ، بنگلورو ساؤتھ) جناب ڈی مہندر (علاقائی ڈائریکٹر ، آئی جی این سی اے علاقائی مرکز ، بنگلورو) اور جناب سوبرن پاترو (کیوریٹر ، این جی ایم اے بنگلورو) نے شرکت کی، جنہوں نے شرکاء کے ساتھ بات چیت کی اور وکست بھارت کے وژن کی تشکیل میں جدید اور روایتی آرٹ کی شکلوں کا امتزاج کرنے کی ترغیب دی ۔

 

 

ڈیجیٹل  طور پرشرکت

 لوگوں کی بڑے پیمانے پر شرکت کو یقینی بنانے کے لیے  وزارت نے سیوا پرو پورٹل کے ذریعے ڈیجیٹل شرکت کو فعال کیا :

• ادارہ جاتی اپ لوڈ: وزارت ثقافت اور مختلف ریاستوں اور مرکز کے زیر انتظام علاقوں کے تحت تمام ادارے سیوا پرو پورٹل https://amritkaal.nic.in/sewa-parv.htm. پر اپنے پروگراموں کی دستاویزات تیار کررہے ہیں اور اپ لوڈ کر رہے ہیں ۔
• شہریوں کی شراکت: افراد اپنے فن پارے ، تصاویر اور تخلیقی تاثرات براہ راست پورٹل پر اپ لوڈ کر سکتے ہیں ، اور انہیں #SewaParv کا استعمال کرتے ہوئے سوشل میڈیا پر شیئر کر سکتے ہیں ۔
• برانڈنگ اور تشہیری مواد ڈاؤن لوڈ کے لیے یہاں دستیاب ہیں: گوگل ڈرائیو لنک ۔

شرکت کیسے کی جائے ؟

1.انفرادی طور پر شرکت

کوئی بھی اپنی پسند کے کسی بھی  ذریعے یا  مواد میں ‘‘وکست بھارت کے رنگ ، کلا کے سنگ’’کے موضوع پر فن پارے بنا کر اپنا تعاون دے سکتا ہے ۔ شرکاء اپنے فن پاروں کی تصاویر یہاں اپ لوڈ کرسکتے ہیں۔

: https://amritkaal.nic.in/sewa-parv-indivisionual-participants

2. آپ 75مقامات میں سے کسی ایک پینٹنگ ورکشاپ میں شرکت کرسکتے ہیں

شرکاء حصہ لینے کے لیے دیئے گئے مقامات پر متعلقہ وزارت ثقافت کے اداروں سے رابطہ کر سکتے ہیں ۔ 75مقامات کی فہرست دیکھنے کے لیے : یہاں کلک کریں

گزشتہ24 ستمبر 2025 کی تقریبات چار مراکز میں ہندوستان کے متنوع ثقافتی جذبے کی عکاسی کرتی ہیں ۔ گورکھپور (اتر پردیش) نے اپنی یونیورسٹی کی جگہوں کی تعلیمی اور فنی مہارت کا مظاہرہ کیا ، جہاں طلباء نے تخلیقی صلاحیتوں کو شہری ذمہ داری سے جوڑا ۔ باڑمیر (راجستھان) نے نوجوانوں کی امنگوں کے ساتھ ورثے کو ملاتے ہوئے لوک روایات کی فراوانی پر روشنی ڈالی ۔ رانچی (جھارکھنڈ) نے ممتاز پدم شری ایوارڈ یافتہ لوک فنکاروں کی موجودگی سے متاثر ہو کر ریاست کی متحرک ثقافتی شناخت کا جشن منایا ۔ بنگلورو (کرناٹک) نے جدید اور روایتی آرٹ کی شکلوں کے درمیان خوبصورت امتزاج کا  مظاہرہ کیا ، جس میں سنیما ، تعلیم اور بصری فنون کی سرکردہ شخصیات نے نوجوان شرکاء کی رہنمائی کی ۔

************

 ش ح۔م ش ۔ م ذ

UR. No. 6592

(Release ID: 2171254) Visitor Counter : 9