مرکزی وزیر جناب پرتاپ راؤ جادھو، وزیر مملکت (آزادانہ چارج)، آیوش کی وزارت اور صحت اور خاندانی بہبود کی وزارت کے وزیر مملکت نے یونین پبلک سروس کمیشن (یو پی ایس سی) کے چیئرمین ڈاکٹر اجے کمار کے ساتھ آج یو پی ایس سی کے احاطے میں آیوروید کلینک کا افتتاح کیا۔ یہ کلینک آل انڈیا انسٹی ٹیوٹ آف آیوروید (اے آئی اے) نے قائم کیا ہے اور اسے یو پی ایس سی ملازمین کی صحت کی دیکھ بھال کی ضروریات کو پورا کرنے کے لیے ڈیزائن کیا گیا ہے۔

یہ اقدام سپریم کورٹ آف انڈیا، آئی ٹی دہلی اور صفدر جنگ اسپتال جیسے باوقار اداروں میں اسی طرح کی آیوش سہولیات کی طرز پر ہے۔

اس موقع پر خطاب کرتے ہوئے، ڈاکٹر اجے کمار نے آیوروید میں بھارت کے بھرپور ثقافتی ورثے کو نمایاں کیا اور جون میں یو پی ایس سی کی طرف سے یوگا کے بین الاقوامی دن کے جشن کو یاد کیا، جس میں صحت کے جدید چیلنجوں سے نمٹنے میں یوگا اور آیوروید کے مشترکہ فوائد پر زور دیا گیا۔ انھوں نے کہا کہ  یو پی ایس سی میں نئی آیوروید ڈسپنسری افسران، عملے اور ریٹائرڈ ملازمین کی صحت اور تندرستی کو فروغ دینے کے ساتھ ساتھ احتیاطی دیکھ بھال اور جامع زندگی کے بارے میں بیداری پھیلانے کی طرف ایک اہم قدم کی نشاندہی کرتی ہے۔ آیوش کی وزارت کے تعاون سے، یہ اقدام موجودہ بہبود کے اقدامات جیسے یوگا اور تناؤ سے نمٹنے کی ورکشاپس کی تکمیل کرتا ہے، اور اس کا غماز ہے کہ کس طرح روایتی نظام طب کو جدید ادارہ جاتی ترتیبات میں بغیر کسی رکاوٹ کے ضم کیا جا سکتا ہے۔

افتتاح کے موقع پر خطاب کرتے ہوئے جناب پرتاپ راؤ جادھو نے کہا کہ یو پی ایس سی میں آیوروید کلینک جدید صحت کی دیکھ بھال کے ساتھ روایتی نظام طب کو مربوط کرنے کے حکومت کے وژن کو آگے بڑھانے میں ایک اہم قدم کی نشاندہی کرتا ہے۔ انھوں نے کہا کہ وزیر اعظم کی قیادت میں آیوروید نے ڈبلیو ایچ او کے گلوبل سنٹر فار ٹریڈیشنل میڈیسن کے قیام، ملک بھر کے صحت مراکز میں آیوروید یونٹس اور احتیاطی صحت کی دیکھ بھال کے لیے ’’آیوش آہار‘‘ کے فروغ جیسے اقدامات کے ساتھ ایک بے مثال احیاء دیکھا ہے۔ انھوں نے اس اعتماد کا اظہار کیا کہ آل انڈیا انسٹی ٹیوٹ آف آیوروید کے زیر انتظام نئی سہولت سے نہ صرف یو پی ایس سی کے افسران، عملے اور ان کے اہل خانہ کو فائدہ پہنچے گا بلکہ دوسرے اداروں میں مجموعی تندرستی اور صحت مند طرز زندگی کے طریقوں کو فروغ دینے کے لیے ایک ماڈل کے طور پر بھی کام کرے گا۔

جناب راجیش کوٹیچا، سکریٹری آیوش، جناب ششی رنجن کمار، سکریٹری یو پی ایس سی، پروفیسر (وید) پردیپ کمار پرجاپتی۔ افتتاحی تقریب میں اے آئی اے کے ڈائریکٹر، دیگر ممتاز پروفیسرز، دونوں تنظیموں کے سینئر افسران کے ساتھ موجود تھے۔

***

(ش ح – ع ا)

U. No. 6550

(Release ID: 2170877) Visitor Counter : 8