انتظامی اصلاحات اور عوامی شکایات کے محکمے (ڈی اے آر پی جی) نے مہاتما گاندھی کو خراج عقیدت پیش کرنے کے طور پر  2021 میں زیر التواء معاملات کو نمٹانے کے لیے سوچھ بھارت کے تحت ایک خصوصی مہم شروع کی۔ مہم 4.0، نومبر 2024 سے اگست 2025 تک شروع کی گئی تھی جس کا مقصد عوامی شکایات کے بروقت اور مؤثر ازالے، اراکین پارلیمنٹ، ریاستی حکومتوں، بین وزارتی مشاورت اور وزارتوں/محکموں کے ذریعہ پارلیمانی یقین دہانیوں کے حوالہ جات کو یقینی بنانا تھا۔

زیر التواء معاملات کو نمٹانے اور سوچھتا کے لیے خصوصی مہم 4.0 نیتی آیوگ اور اس سے منسلک دفاتر ڈیولپمنٹ مانیٹرنگ اینڈ ایویلیویشن آفس (ڈی ایم ای او)، نیتی بھون میں واقع اٹل انوویشن مشن (اے آئی ایم) اور اس کے خودمختار ادارے یعنی نیشنل انسٹی ٹیوٹ آف لیبر اکنامکس ریسرچ اینڈ ڈیولپمنٹ (این آئی ایل ای آر ڈی) کے نریلا، نئی دہلی میں واقع دفتر کے ذریعے چلائی گئی۔

مہم کے تحت عوامی شکایات کے ازالے، پارلیمانی یقین دہانیوں، پی ایم او کے حوالہ جات میں تیزی آئی ہے۔ ریکارڈ مینجمنٹ کے تحت، کافی تعداد میں فائلوں کا جائزہ لیا گیا/ ختم کیا گیا، جگہ صاف کی گئی اور دفتری اسکریپ کو ٹھکانے لگانے کے ذریعے آمدنی حاصل کی گئی۔ نیتی آیوگ نے ​​100 فیصد زیر التوا عوامی شکایات کی درخواستوں، پی ایم او کے حوالہ جات، ریاستی حکومت کے حوالہ جات اور 3 پارلیمانی یقین دہانی کو کامیابی کے ساتھ نمٹا دیا ہے۔  کل 10389 فائلوں کا جائزہ لیا گیا، جن میں سے 720 فائلوں کو ختم کرنے کے لیے ان کی نشاندہی  کی گئی۔ مذکورہ بالا کے علاوہ،  فائلوں کو نمٹانے اور دفتر کی جگہ کو بہتر بنا کر تقریباً 1956 مربع فٹ جگہ خالی کر دی گئی۔

پچھلے برسوں کی کامیابی کے مطابق، نیتی آیوگ خصوصی مہم 5.0 کے لیے تیاری کر رہا ہے، جس کا مقصد سوچھتا کو ادارہ جاتی بنانا اور سکریٹریٹ کے ساتھ ساتھ منسلک / ماتحت دفاتر میں التواء کو کم کرنا ہے۔ مہم کے اس ایڈیشن میں، ایم پی کے حوالہ جات، ریاستی حکومتوں کے حوالہ جات، بین وزارتی حوالہ جات، پارلیمانی یقین دہانیوں، پی ایم او کے حوالہ جات، عوامی شکایات اور پی جی اپیلوں میں التوا کو ختم کرنے پر، غیر استعمال شدہ فائلوں اور دستاویزات کو ختم کرنے پر توجہ مرکوز کی جائے گی۔ اس کے علاوہ، جگہ کے بندوبست پر توجہ مرکوز کرتے ہوئے دفاتر کی مجموعی صفائی کو بہتر بنانے اور فیلڈ دفاتر کے کام کی جگہ کے تجربے کو بڑھانے پر خصوصی توجہ دی جائے گی۔

***************

) ش ح –   ش م-  ش ہ ب )

U.No. 6540

 

(Release ID: 2170810) Visitor Counter : 2