معذور افراد کو بااختیار بنانے کے محکمے (حکومت ہند)، معذور افراد کے لیے ریاستی کمشنر کے دفتر، گوا، ہندوستان میں اقوام متحدہ اور یو این ویمن ود رائزنگ فلیم، نے 22 ستمبر، 2020 کو یونائیٹڈ ہاؤس، نئی دہلی، این وی 202 میں جامع اور ایک دوسرے سے منسلک معذوری کی رپورٹنگ پر ایک اعلیٰ اثر والی میڈیا سینسائزیشن ورکشاپ کا انعقاد کیا۔ جسےبین الاقوامی پرپل فیسٹ 2025 کے سلسلے میں منعقد کیا گیا، ہندوستان کا معذوری کا سب سے بڑا جشن گوا میں 9-12 اکتوبر 2025 کو منعقد کیا جائے گا، ورکشاپ نے صحافیوں، ایڈیٹرز اور میڈیا کے پیشہ ور افراد کو اجتماعی طور پر اس بات کا ازسرنو جائزہ لینے کے لیے اکٹھا کیا کہ عوامی گفتگو میں معذوری کی نمائندگی کس طرح کی جاتی ہے۔

ورکشاپ سے خطاب کرتے ہوئے، گوا حکومت کے معذور افراد کو بااختیار بنانے کے وزیر، جناب سبھاش پھل دیسائی نے اس بات پر زور دیا کہ بین الاقوامی پرپل فیسٹ ایک تقریب سے بڑھ کر ہے - یہ معذور افراد کی زندگیوں میں مرئیت، وقار اور فخر سے ہمکنار کرنے کی تحریک ہے۔ انہوں نے میڈیا سے گزارش کی کہ وہ گوا کی حکومت کی قیادت میں چلائی جانے والی اس عالمی تحریک میں شامل ہوں اور ہر بیانیہ میں تنوع اور شمولیت کو قبول کریں۔

حکومت ہند کے معذور افراد کو بااختیار بنانے کے محکمے کے سکریٹری جناب راجیش اگروال نے ایک پیغام کے ذریعے کہا ، ’’انٹرنیشنل پرپل فیسٹ گوا 2025 صرف ایک جشن نہیں ہے ، بلکہ ذہنیت اور نظام کو تبدیل کرنے کی تحریک ہے ۔ عالمی ماہرین ، اختراع کاروں، پالیسی سازوں اور برادریوں کو اکٹھا کرکے ، فیسٹ یہ دکھائے گا کہ کس طرح جامع سوچ اور یونیورسل ڈیزائن ہمارے معاشروں کو نئی شکل دے سکتے ہیں ۔ یہاں نئی تحقیق ، اہم ٹیکنالوجیز اور تخلیقی خیالات کی نقاب کشائی معذور افراد کے لیے بااختیار بنانے ، آزادی اور مساوی مواقع کے دروازے کھولے گی ۔ حکومت گوا اور اقوام متحدہ کے ساتھ مشترکہ شراکت دار کے طور پر ، ہمیں ہندوستان کو جامع اختراع کا مرکز بنانے پر فخر ہے ، جو مستقبل کے لیے اپنے عزم کا اعادہ کرتا ہے جہاں کوئی بھی پیچھے نہ رہے ۔‘‘

اسی جذبے کے تعلق سے، معذور افراد کو بااختیار بنانے کے محکمے میں ڈپٹی ڈائریکٹر جنرل محترمہ ریچا شنکر  نے اس بات کو اجاگر کیاکہ ’’یہ فیسٹ بیانیہ کو تبدیل کرنے کے بارے میں ہے - اور درحقیقت، یہ وقت کی ضرورت ہے۔ ہمیں اجتماعی طور پر گفتگو کو بااختیار بنانے اور شمولیت کی طرف منتقل کرنا چاہیے۔ بین الاقوامی پرپل فیسٹ صرف ایک تقریب نہیں ہے، بلکہ ایک ایسی تحریک ہے جس کا حصہ بننے پر ہمیں فخر ہے  اور ہم سب سے اس سفر میں شامل ہونے کی اپیل کرتے ہیں ۔

جناب شومبی شارپ نے تاثرات کو تشکیل دینے اور سماجی تبدیلی کو آگے بڑھانے کے لیے میڈیا کی بے پناہ طاقت کا اشتراک کیا۔ انہوں نے کہا، ’’جیسا کہ ہم بین الاقوامی پرپل فیسٹ کے منتظر ہیں، گوا یہ لمحہ اس بات کو یقینی بنانے میں مدد کرنے کا ایک موقع ہے کہ معذور افراد کے بارے میں داستانیں حقوق، وقار اور شمولیت کی مناسب عکاسی کرتی ہیں۔ اقوام متحدہ کو صحافت کا دوبارہ تصور کرنے میں شراکت داروں کے ساتھ کھڑا ہونے پر فخر ہے جو کسی کو پیچھے نہیں چھوڑتی اور ہندوستان کے شمولیتی قیادت کے سفر کو آگے بڑھاتی ہے۔‘‘ جناب شارپ نے اس بات پر بھی زور دیا کہ ذہنیت اور بیانیے کو فلاحی کاموں سے حقوق پر مبنی ، خاموشی سے فعال آواز کی طرف ، حاشیے سے ہر طرح سے اصل ، مرکزی دھارے کی سماجی اور معاشی ترقی کی طرف منتقل کرنے کی ضرورت ہے۔

معذور افراد کے لیے ریاستی کمشنر کے دفتر ، گوا کے سکریٹری جناب طحہ حاذق نے پرپل تھنک ٹینک ، پرپل کنونشن ، پرپل تجربہ زون جیسے چار دنوں میں پرپل فیسٹ کے انعقاد کے مختلف طریقوں کے بارے میں بات کی ۔ انہوں نے کہا: ’’ہم انٹرنیشنل پرپل فیسٹ گوا میں پختہ یقین رکھتے ہیں کہ کسی بھی انسان کا ایک بہت ہی دلچسپ پہلو ہوتا ہے ۔ اور معذور شخص کو اس تفریح سے پیچھے یا باہر کیوں چھوڑ دیا جانا چاہیے ؟ یہی وجہ ہے کہ پرپل فیسٹ ہماری تخلیقی صلاحیتوں، ہماری صلاحیتوں اور اسی طرح کی چیزوں کو بھی دریافت کرتا ہے۔‘‘

رائزنگ فلیم کی بانی ندھی گوئل نے معذور افراد کو ہیرو یا قابل رحم کے طور پر پیش کرنے سے آگے بڑھنے اور انسان پر مرکوز داستانوں کے ذریعے معذور آوازوں کو بڑھانے کی ضرورت پر زور دیا ۔

میڈیا سنسیٹائزیشن ورکشاپ میں سینئر صحافیوں، معذوری کے حقوق کے رہنماؤں، اور مواصلات کے پیشہ ور افراد کے ساتھ بات چیت کے اجلاس کیے گئے، جن میں دقیانوسی تصورات کو چیلنج کرنے، صنفی حساسیت اور ایک دوسرے سے جڑی داستان گوئی کو فروغ دینے، اور معذوری سے متعلق حقوق پر مبنی رپورٹنگ کو یقینی بنانے پر توجہ دی گئی۔ یو این ویمن کی قیادت میں ایک سیشن میں، پینل میں شامل افراد نے سماجی شمولیت کے ایک ٹول کے طور پر مواصلات کو اجاگر کیا۔ ورکشاپ انٹرنیشنل پرپل فیسٹ 2025 سے پہلے اور اس سے آگے کے معذور افراد کے بارے میں درست، جامع اور بااختیار بیانیہ تشکیل دینے کے لیے میڈیا کے لیے کارروائی  کے مطالبے کے ساتھ اختتام پذیر ہوئی۔

***************

) ش ح –   ش م-  ش ہ ب )

U.No. 6535

(Release ID: 2170766) Visitor Counter : 3