آندھرا پردیش کے وشاکھاپٹنم میں آج ای-گورننس (این سی ای جی) 2025 پر 28 ویں قومی کانفرنس کے اختتامی دن ’’ای-گورننس میں گرام پنچایت اور نچلی سطح کی اختراعات‘‘ پر ایک خصوصی مکمل اجلاس منعقد ہوا۔  اس اجلاس کی صدارت پنچایتی راج کی وزارت کے سکریٹری جناب وویک بھاردواج نے کی، جنہوں نے اس بات پر زور دیا کہ 2.55 لاکھ گرام پنچایتوں اور 32 لاکھ سے زیادہ منتخب نمائندوں اور عہدیداروں کے ساتھ، پنچایتی راج ادارے شہریوں کے لیے رابطے کا پہلا مرکز ہیں اور دیہی علاقوں میں خدمات کی فراہمی کا بنیادی مرکز ہیں۔  انہوں نے اس بات پر زور دیا کہ ہندوستان کا ڈیجیٹل گورننس کا سفر اس کے دیہاتوں میں ہونا چاہیے، جہاں گرام پنچایتیں ٹیکنالوجی سے چلنے والی شفافیت، حقیقی وقت پر خدمات کی فراہمی اور شہریوں پر مرکوز منصوبہ بندی کے ذریعے تبدیلی کے محرک کے طور پر ابھر رہی ہیں۔  جبکہ پنچایتی راج کی وزارت کے جوائنٹ سکریٹری جناب آلوک پریم ناگر نے وزارت کی اصلاحات اور ٹکنالوجی پر مبنی اقدامات پر نقطہ نظر کا اشتراک کیا، جو گاؤں کی سطح پر خدمات کی فراہمی کو بہتر بنانے اور شراکت دار حکمرانی کو مستحکم کرنے کے لیے بنائے گئے ہیں۔

پینل کے ارکان میں جناب سریندر کمار مینا، ڈائریکٹر، ایس آئی آر ڈی اینڈ پی آر، اڈیشہ؛ محترمہ شیوانی گوئل، ڈسٹرکٹ ڈیولپمنٹ آفیسر، سورت ، گجرات؛ جناب وشال تیج راؤ نارواڈے، چیف ایگزیکٹو آفیسر، ضلع پریشد ، دھولے/سانگلی ، مہاراشٹر؛ اور محترمہ مونیکا یادو، چیئرپرسن، ضلع پنچایت، فرخ آباد، اتر پردیش شامل تھے۔  انہوں نے شہری خدمات کی فراہمی، شراکت دارانہ منصوبہ بندی اور اسکیموں کی ہم آہنگی میں فیلڈ سطح کے تجربات اور بہترین طور طریقوں کو پیش کیا ، جس سے یہ ظاہر ہوتا ہے کہ کس طرح نچلی سطح کی اختراعات زندگیوں کو بہتر بنا رہی ہیں اور انہیں ریاستوں میں ڈھالا جا سکتا ہے۔  پینل اجلاس کا اختتام دیہی ڈیجیٹل تبدیلی کے انجن کے طور پر اور نچلی سطح پر زندگی گزارنے میں آسانی اور معیار زندگی کو یقینی بنانے کے لیے اہم اداروں کے طور پر گرام پنچایتوں کے اہم کردار کی تصدیق کے ساتھ ہوا۔

کانفرنس میں نیشنل ایوارڈز فار ای گورننس (این اے ای جی) 2025 کے فاتحین کو بھی اعزاز سے نوازا گیا، جس میں 1.45 لاکھ سے زیادہ نامزدگیوں کے ساتھ ریکارڈ شرکت ہوئی۔  پہلی بار ، ’’گرام پنچایتوں یا مساوی روایتی مقامی اداروں میں خدمات کی فراہمی کو گہرا کرنے کے لیے نچلی سطح کے اقدامات‘‘ پر ایک خصوصی زمرہ متعارف کرایا گیا۔

https://www.pib.gov.in/PressReleasePage.aspx?PRID=2169700

******

ش ح۔ ف ا۔ م ر

U-NO. 6499

(Release ID: 2170363) Visitor Counter : 2