سائنس اور ٹیکنالوجی ، ارضیاتی سائنسز کے مرکزی وزیر مملکت (آزادانہ چارج) ؛ وزیر اعظم کے دفتر ، عملہ ، عوامی شکایات ، پنشن ، جوہری توانائی اور خلا کے وزیر مملکت ڈاکٹر جتیندر سنگھ نے آج اس بات پر زور دیا کہ وکست بھارت کا اختراعی سفر عالمی سطح کی سوچ اور نئی ذہنیت کو دعوت دیتا ہے۔  انہوں نے اس بات پر زور دیا کہ سرکاری اور نجی شعبے دونوں کو رکاوٹیں دور کرنی چاہئیں اور حقیقی ہم آہنگی کے ساتھ کام کرنا چاہیے ۔

ذہنی رکاوٹوں کو توڑنے کی ضرورت پر زور دیتے ہوئے انہوں نے عالمی معیارات کو اپنانے اور عالمی نقطہ نظر کے ساتھ سوچنے پر زور دیا ۔  ڈاکٹر جتیندر سنگھ نے کہا کہ نیتی آیوگ کی تاریخی رپورٹ کا اجرا وکست بھارت@2047 کے وژن کے ساتھ ہندوستان کی اختراعی صلاحیت کو ہم آہنگ کرنے میں ایک اہم سنگ میل کی نشاندہی کرتا ہے ۔

ڈاکٹر جتیندر سنگھ نے مرکزی وزیر تعلیم جناب دھرمیندر پردھان کے ساتھ آج نیتی آیوگ ہیڈ کوارٹر میں ‘‘ترقی کے راستے: ہندوستان کی اختراعی کہانی میں تجزیہ اور بصیرت’’ کے عنوان سے نیتی آیوگ کی رپورٹ  کامشترکہ طور پر اجراء کیا۔

اپنے خطاب میں ڈاکٹر جتیندر سنگھ نے اس بات پر زور دیا کہ سرمایہ کاری میں مساوی شراکت داری کے ساتھ صنعت کا جلد رابطہ اسٹارٹ اپ کو کامیاب منصوبوں میں تبدیل کرنے کی کلید ہے ۔  انہوں نے ہندوستان کی ٹیکہ کی کامیابی کی کہانی کی مثال دی ، جہاں پہلے دن سے ہی نجی کمپنیوں کو شامل کیا گیا ، جس سے بروقت ترقی اور بڑے پیمانے پر فراہمی ممکن ہوئی ۔

وزیر موصوف نے اس بات پر زور دیا کہ گلوبل انوویشن انڈیکس یعنی عالمی اختراعی اشاریہ  میں ہندوستان کی مسلسل ترقی-2015 میں 81 ویں پوزیشن سے 2025 میں 39 ویں پوزیشن تک پہنچنا یہ حادثاتی نہیں ہے بلکہ دانستہ طور پر پالیسی کا انتخاب ، انٹرپرینیورشپ میں سرمایہ کاری اور ہندوستان کے نوجوان اختراع کاروں کے جذبے کا نتیجہ ہے ۔  آج ، ہندوستان دنیا کے تیسرے سب سے بڑے اسٹارٹ اپ ماحولیاتی نظام کی میزبانی کرتا ہے ، جس میں 1 لاکھ سے زیادہ حکومت سے تسلیم شدہ اسٹارٹ اپ اور 100 سے زیادہ یونیکورن موجود  ہیں ۔

اہم بات یہ ہے کہ تقریبا 50 فیصد اسٹارٹ اپ اب ٹائر-2 اور ٹائر-3 شہروں سے شروع ہوتے ہیں ، جس سے انٹرپرینیورشپ کی ڈیموکریٹائزیشن اور ہندوستان کی جامع اختراعی کہانی کا اظہارہوتا  ہے ۔

ڈاکٹر جتیندر سنگھ نے مسلسل چیلنجوں کو تسلیم کیا:جو  اداروں میں ہم آہنگی کی کمی ، ڈیپ ٹیک وینچرز کے لیے بہتر سرمائے کی ضرورت ، تعلیمی شعبے اور صنعت کے کمزور روابط ، ریاستی سطح کی نا مناسب اور ناہموار اختراعی صلاحیتیں ، اور دانشورانہ املاک کے تحفظ اور تجارت کاری میں فرق  کی وجہ سےہے ۔

ان  چیلنجوں سے نمٹنے کے لیے ڈاکٹر جتیندر نے ٹیکنالوجی کے دیگر اہم شعبوں میں بی آئی آر اے سی (بائیو ٹیکنالوجی انڈسٹری ریسرچ اسسٹنس کونسل) اور آئی این-ایس پی اے سی ای (انڈین نیشنل اسپیس پروموشن اینڈ اتھورائزیشن سینٹر) کی طرز پر خصوصی انٹرفیس بنانے پر زور دیا ۔  انہوں نے زور دے کر کہا کہ اس طرح کے پلیٹ فارم سرکاری اور نجی شعبوں کے درمیان بلا رکاوٹ تعاون کو فروغ دینے کے لیے ضروری ہیں ۔

ڈاکٹر جتیندر سنگھ نے زور دے کر کہا کہ نیشنل ڈیپ ٹیک اسٹارٹ اپ پالیسی ، اور انوسندھان نیشنل ریسرچ فاؤنڈیشن (اے این آر ایف) جیسے حکومتی اقدامات صف اول کی ٹیکنالوجیز میں خودمختاری کی تعمیر کی طرف ایک بنیادی تبدیلی کی نمائندگی کرتے ہیں ۔  انہوں نے کہا کہ یہ کوششیں خطرہ مول لینے  کی صلاحیت پیدا کریں گی اور تخلیقی صلاحیتوں اور تعاون کو فروغ  دیں گی  اوراس بات کو یقینی بنائیں گی کہ ہندوستان نہ صرف عالمی ٹیکنالوجی کا صارف ہے بلکہ ایک پروڈیوسر اور لیڈر بھی ہے ۔

اپنے خطاب میں، ڈاکٹر جتیندر سنگھ نے کہا کہ‘‘ہندوستان کا اختراعی سفر صرف حکومت پر انحصار نہیں کر سکتا ۔  اس کے لیے ایک مکمل قومی نقطہ نظر کی ضرورت ہے۔حکومت فعال فریم ورک فراہم کرتی ہے ، صنعت،  پیمانہ اور سرمایہ کاری لاتی ہے ، تعلیمی ادارے علم کی تخلیق کو آگے بڑھاتے ہیں ، اور نوجوان اختراع کار  توانائی اور تخلیقی صلاحیتوں کی فراہمی کو یقینی بناتے ہیں اس طرح  ہم سب ایک ساتھ  مل کر امنگوں کو حصولیابیوں میں تبدیل کر سکتے ہیں اور 2047 تک وکست بھارت کے خواب کو پورا کر سکتے ہیں ۔

سائنس اور ٹیکنالوجی  کے وزیر نے اسٹیک ہولڈرز پر زور دیا کہ وہ نیتی آیوگ کی رپورٹ کو نہ صرف ایک تشخیص کے طور پر دیکھیں ، بلکہ ایک لائحہ عمل  اور کال ٹو ایکشن یعنی کارروائی کی دعوت کے طور پر دیکھیں تاکہ کامیاب ماڈلز کو بڑھایا جا سکے ، انکیوبیٹرز کو متنوع بنایا جا سکے ، ریاستی سطح کی صلاحیتوں کو مضبوط کیا جا سکے ، اور صف اول کی تحقیق و ترقی میں دلیری سے سرمایہ کاری کی جا سکے ۔

رپورٹ کے اجراء  کی تقریب  میں ڈاکٹر وی کے سارسوت ، ممبر نیتی آیوگ،محکمہ اسکولی تعلیم اور خواندگی  کے سکریٹری  جناب سنجے کمار ، ؛ ڈاکٹر ابھے کرندیکر ، سکریٹری ، محکمہ سائنس اور ٹیکنالوجی ؛ ڈاکٹر راجیش گوکھلے ، سکریٹری ، محکمہ بائیوٹیکنالوجی ؛ ڈاکٹر ایم روی چندرن ، سکریٹری ، وزارت ارضیاتی سائنس ؛ جناب دیپک باگلا ، مشن ڈائریکٹر ، اٹل انوویشن مشن (نیتی آیوگ) اور ڈاکٹر وویک کمار سنگھ ، سینئر ایڈوائزر ، سائنس اور ٹیکنالوجی ڈویژن ، نیتی آیوگ نے اس تقریب میں  شرکت کی ۔

۔۔۔۔۔۔۔۔۔۔

ش ح۔۔ م م ع۔ ر ب

U-6466