چیف سائنس ایڈوائزرز راؤنڈ ٹیبل (سی ایس اے آر) کا 2025 ایڈیشن‘‘ایکوئٹی پر مبنی سائنس، ٹیکنالوجی اور انوویشن فار انکلوسیو ہیومن ڈیولپمنٹ اور عالمی پائیداری’’ پر مرکوز21 ستمبر 2025 کو جنوبی افریقہ کے جی-20 صدارت میں پریٹوریا، جنوبی افریقہ میں منعقد ہوگا۔ سائنس، ٹیکنالوجی اور اختراع کے شعبہ (ڈی ایس ٹی آئی) نے اپنے ادارے، نیشنل انوویشن ایڈوائزری کونسل (این اے سی آئی) کے تعاون سےجی-20-سی ایس اے آر-2025 کی میزبانی کی۔ اس اقدام کا تصور 2023 میں ہندوستان کی جی-20 صدارت کے دوران کیا گیا تھا اور اس کی قیادت حکومت ہند کے دفتر پرنسپل سائنٹیفک ایڈوائزر (او پی ایس اے) نے کی تھی۔ سے ایس اے آر کا 2024 ایڈیشن وسیع تر دائرہ کار اور شرکت کے ساتھ پیرس، فرانس میں او پی ایس اے اور یونیسکو کی طرف سے مشترکہ طور پر منعقد کیا گیا تھا۔

جی-20-سی ایس اے آر جامع عالمی سائنس کے مشورے کے ذریعہ کچھ اہم پالیسی چیلنجوں سے نمٹنے کے لیے بحث اور مشترکہ فریم ورک کے لیے ایک پلیٹ فارم مہیا کرتا ہے۔

حکومت ہندوستان کے مرکزی سائنسی مشیر (پی ایس اے) پرو فیسر  اجے کمار سود، سائنس سکریٹری ڈاکٹر پروندر مینی اور مرکزی پالیسی مشیر ڈاکٹر بی چھگن باشا، جی- 20 ممبران اور مہمان ملک کے اہم سائنسی صلاح کاروں اور ان کے  ہم منصبوں کے ساتھ شامل ہوئے۔  اس گول میزکانفرنس میں تین اہم  عناوین  پر بحث کی گئی:

1. ایس ڈی جیز کے نفاذ میں معاونت کے لیے ایک عالمی ایس ٹی آئی ایجنڈا تیار کرنا ، اسے فروغ دینا اور ایک منصفانہ،  غیر جانبدارانہ  اور جامع توانائی کی افزودگی۔
2. ایک عالمی علمی نظام کی طرف بڑھنا جو مساوی اور سب کے لیے کھلا ہو۔
3. افریقہ اور ترقی پذیر ممالک میں ایس ٹی آئی صلاحیت سازی کے اقدامات کو مضبوط بنانے کے لیے جی-20  ایس ٹی آئی اقدامات کا فائدہ اٹھانا۔

گول میز کانفرنس کی صدارت این اے سی آئی کی قائم مقام سی ای او محترمہ انیلن مورگن نے کی۔ ڈاکٹر ملنگسی سیل، ڈی ایس ٹی آئی، جنوبی افریقہ کے ڈائریکٹر جنرل نے خصوصی ریمارکس دئیے۔  جناب  ٹِلسن مینونی،  این اے سی آئی کے چیئرپرسن اور عزت مآب سفیر میلکمسن، ڈپارٹمنٹ آف انٹرنیشنل ریلیشنز اینڈ کوآپریشن (ڈی آئی آر سی او) کے ڈپٹی ڈائریکٹر اور جی- 20 سوس شیرپا نے جنوبی افریقہ کی جانب سے اظہار خیال کیا۔

ہندوستانی وفد کی مداخلت کے ایک حصے کے طور پر وفد کے سربراہ پروفیسر اجے سود نے سی ایس اے آر،نے  اقدام کو آگے بڑھانے کے لیے جنوبی افریقہ کی جی- 20 صدارت کو مبارکباد دی۔ مساوات اور پائیداری پر گفتگو کرتے ہوئے پروفیسر سود نے مصنوعی ذہانت(اے آئی) کے ذریعہ کمپیوٹیشنل طاقت اور ڈیٹا کی نمائندگی کے حوالے سے سامنے آنے والی تقسیم کو اجاگر کیا۔ انہوں نے کہا-‘‘ اے آئی کی ترقی کچھ علاقوں تک محدود ہے، جس کے نتیجے میں محدود ڈیٹاسیٹس سے پیدا ہونے والے نظامی تعصبات کے لحاظ سے عدم توازن پیدا ہوتا ہے۔ اے آئی عدم مساوات توانائی کی منتقلی اور ایکوئیٹی سے بھی گہرا تعلق رکھتے ہیں۔ ان تقسیموں کو ختم کرنے کے لیے باہمی تعاون کے فریم ورک کی ضرورت ہوتی ہے جو عام طور پر اے آئی اور دیگر علمی وسائل تک مساوی رسائی کو یقینی بناتے ہیں۔’’ انہوں نے ہندوستان کی ون نیشن ون سبسکرپشن (او این او ایس ) ، ہندوستانی سائنس، ٹیکنالوجی اور انجینئرنگ سہولیات کا نقشہ(آئی- ایس ٹی ای ایم) ، دیہی ٹیکنالوجی ایکشن گروپ(آر او یو ٹی ای جی ای ) ،اور آر او یو ٹی ای جی اسمارٹ ولیج سینٹرز  (آر ایس وی سیز)کو تمام شعبوں میں صلاحیت بڑھانے اورایس ٹی آئی میں جامع عالمی تعاون کو مضبوط کرنے کے لیے مثالی اور قابل توسیع اقدامات کے طور پر حوالہ دیا۔

اس موقع پر ڈاکٹر مینی نے کہا- ‘‘ٹیکنالوجی پر مبنی صلاحیت کی ترقی اور سب سے زیادہ پسماندہ لوگوں کے لیے جامع پیش رفت ضروری ہے۔ اس پیش رفت کو علمی وسائل تک مساوی رسائی، ڈجیٹل تقسیم کو ختم کرنے، خاص طور پر مصنوعی ذہانت (اے آئی) میں اور اس بات کو یقینی بنانا چاہیے کہ ہر کوئی سائنسی اور تکنیکی کامیابیوں سے مستفید ہو۔’’ حتمی نتائج پت  اظہار خیال کرتے ہوئے ہوئے، ڈاکٹر مینی نے سی ایس اے آر اقدام کو انفرادی صدارت سے آگے برقرار رکھنے کی ضرورت پر زور دیا اور ممبر ممالک کی حوصلہ افزائی کی کہ وہ نتائج کے بیان کو ایک متحرک دستاویز بنانے کے لیے کام کریں جو حقیقی اثر پیدا کرے۔

غور و خوض کے بعد،جی-20سی ایس اے آر- 2025 کے نتائج کا بیان متفقہ طور پر منظور کر لیا گیا۔

بیان میں  کرۃ ارض کے بحران، موسمیاتی تبدیلی، حیاتیاتی تنوع کو نقصان، آلودگی، توانائی تک رسائی، سلامتی اور تبدیلی، خاص طور پر افریقہ اور ترقی پذیر ممالک میں سماجی چیلنجوں پر توجہ مرکوز کرنے والے انسانی مرکوز اقدامات کی حمایت کے لیے عالمی ایس ٹی آئی پارٹنرشپ کے مواقع سے فائدہ اٹھانے کی سفارش کی گئی ہے۔ تحقیق، ٹیکنالوجی اور اختراع تک رسائی میں عدم مساوات کو دور کرنے کے لیے بین الاقوامی ایس ٹی آئی تعاون کو بڑھانے کے ساتھ ساتھ علم کے اشتراک اور باہمی رضامندی کی شرائط پر پھیلانے کے لیے شراکت داری کو مضبوط بنانے پر توجہ مرکوز کی گئی۔ میٹنگ میں جی-20 اور ترقی پذیر ممالک کے درمیان ایس ٹی آئی کی صلاحیت سازی اور تحقیقی تعاون کے لیے مناسب وسائل کو متحرک کرنے کی ضرورت پر زور دیا گیا، اور کھلے، باہمی تعاون پر مبنی تحقیقی ماحول کو فروغ دینے کی ضرورت پر زور دیا گیا جو سائنسی سالمیت، آزادی اور سائنس اور شواہد پر مبنی پالیسی میں عوام کے اعتماد کو یقینی بنائے۔

جی-20سی ایس اے آر-2025 میں افریقی یونین، کینیڈا، چین، یوروپی کمیشن، فرانس، جرمنی،  ہندوستان، اٹلی، جاپان، جمہوریہ کوریا، روس، سعودی عرب، جنوبی افریقہ، ترکی، برطانیہ، ہالینڈ، ناروے، سنگاپور اور اسپین سمیت رکن اور مہمان ممالک نے شرکت کی جبکہ یونیسکو نے باضابطہ نالج پارٹنر کے طور پر شرکت کی۔

اوپن نالج شیئرنگ سیشن:

سی ایس اے آر-2025 کے سیشن کے بعد پی ایس اے  پروفیسر سود نے جی-20- سی ایس اے آر اوپن نالج شیئرنگ سیشن کے دوران ‘‘افریقہ اور ترقی پذیر ممالک کے لیے ایس ٹی آئی ایڈوائزری پلیٹ فارم اور صلاحیت سازی کے پروگراموں کی طرف’’ پر ایک پینل بحث میں بھی حصہ لیا۔ انہوں نے ڈاکٹر برینڈو اوکولو، افریقی یونین ڈیولپمنٹ ایجنسی - این ای پی اے ڈی میں ایس ٹی آئی کے سینئر مشیر  کے طور پر شمولیت اختیار کی۔ ڈاکٹر رچرڈ گلوور، ریجنل پروگرام آفیسر آئی این جی ایس اے افریقہ چیپٹر؛ ڈاکٹر جیکی کاڈو، نیٹ ورک آف افریقی سائنس اکیڈمیز کے ایگزیکٹیو ڈائریکٹر؛ محترمہ ماریا ماتویوا، ویازوف فاؤنڈیشن میں سائنس کی سربراہ اور سہولت کار اور پروفیسر تھوکوزانی مجوزی، اکیڈمی آف سائنسز ساؤتھ افریقہ کونسل کے صدر اور چیئرپرسن۔ بحث نے ادارہ جاتی ماڈلز اور عالمی سطح پر ایس ٹی آئی مشاورتی نظام کو مضبوط کرنے کے لیے بین الاقوامی تعاون کے مواقع پر توجہ مرکوز کی۔

پینلسٹس نے نفاذ کے چیلنجوں، مشترکہ صلاحیت سازی کی حکمت عملیوں پر تبادلہ خیال کیا اور سائنس کے مشورے میں شمولیت، شفافیت اور جوابدہی کو یقینی بنانے کے طریقوں پر روشنی ڈالی۔ بات چیت میں ادارہ جاتی ماڈلز اور عالمی سطح پر ایس ٹی آئی مشاورتی نظام کو مضبوط کرنے کے لیے بین الاقوامی تعاون کے مواقع پر بھی تبادلہ خیال کیا گیا۔

یونیسکو مینجمنٹ آف سوشل ٹرانسفارمیشنز (ایم او ایس ٹی) فورم- 2025

22 ستمبر 2025 کو سی ایس اے آر کی کارروائی کے بعد پروفیسر سود نے سماجی تبدیلی کے انتظام ( ایم او ایس ٹی) فورم 2025 کے دوران وزارتی پینل – ‘آرٹیفیشل انٹیلی جنس فار سوشل امپیکٹ اینڈ پبلک پالیسی’ میں حصہ لیا۔ ایم او ایس ٹی فورم یونیسکو کا عالمی پلیٹ فارم ہے، جو سماجی تبدیلیوں پر توجہ مرکوز کرنے والی سائنس اور بین الاقوامی پالیسی کے حل کے لیے ہے۔ اس سال کے ایڈیشن کا تھیم‘‘یکجہتی، مساوات اور پائیداری کے لیے ٹیکنالوجی اور اختراع’’ تھا۔

پروفیسر سود نے ڈاکٹر مونا نیمر، چیف سائنس ایڈوائزر، کینیڈا کے ساتھ شمولیت اختیار کی۔ ڈاکٹر ملنگیسی سیل، ڈائریکٹر جنرل، ڈی ایس ٹی آئی ، جنوبی افریقہ؛ ڈاکٹر مدوگو سیدو، ڈائریکٹر، شعبہ تعلیم، سائنس، ٹیکنالوجی، اور اختراع ( ای ایس ٹی آئی)، افریقی یونین؛ ڈاکٹر جیری شیہن، ڈائریکٹر، محکمہ تعلیم، سائنس، ٹیکنالوجی، اور اختراع،او ای سی ڈی ؛اور ماڈریٹر ڈاکٹر گستاو میرینو، ڈائریکٹر، سماجی پالیسیاں، سماجی اور انسانی سائنسز، یونیسکو۔

بحث میں مساوات اور مواقع تک رسائی کو آگے بڑھانے کے لیے مصنوعی ذہانت (اے آئی) کے استعمال پر توجہ مرکوز کی گئی، پینلسٹس نے اپنے نقطہ نظر سے مثالیں اور بہترین طریقوں کا اشتراک کیا۔ بحث کے دوران، پروفیسر سود نے اس بات پر زور دیا کہ ہندوستان اے آئی کو جامع سماجی تبدیلی کے لیے ایک تحریک کے طور پر دیکھتا ہے اور اس کا نقطہ نظر اس اصول پر مبنی ہے کہ ٹیکنالوجی کو انسانیت کی خدمت کرنی چاہیے۔

پروفیسر سود نے انڈیا اے آئی مشن کی ترقی کا خاکہ پیش کیا اوراے آئی گورننس رپورٹ پر ذیلی کمیٹی کی سفارشات پر توجہ دی۔ انہوں نے فروری 2026 میں ہونے والی انڈیا اے آئی امپیکٹ سمٹ کا تذکرہ تعاون کے ایک پلیٹ فارم کے طور پر کیا جہاں ممالک تجربات کا اشتراک کر سکتے ہیں اور باہمی تعاون کے حل تیار کر سکتے ہیں۔

دو طرفہ م میٹنگز:

سی ایس اے آر 2025 کے موقع پر پی ایس اے پروفیسر سود اور سائنسی سکریٹری ڈاکٹر مینی نے اہم شراکت دار ممالک کے ساتھ دو طرفہ ملاقاتیں کیں۔ برطانیہ سے پروفیسر ڈیم انجیلا میکلین اور پروفیسر نے شرکت کی۔ سر جان ایڈمنڈز کے ساتھ ان کی بات چیت ہندوستان-برطانیہ ٹیکنالوجی سیکورٹی اقدام اور جامع اقتصادی اور تجارتی معاہدے (سی ای ٹی اے) کے ذریعے تعاون کو مضبوط بنانے پر مرکوز تھی۔ انہوں نے  او پی ایس اے کے زیر اہتمام آئندہ بین الاقوامی ایس اینڈ ٹی کلسٹرز میٹ پر بھی تبادلہ خیال کیا، جس کا مقصد آٹھ ایس اینڈ ٹی کلسٹرز میں عالمی تعاون کو فروغ دینا ہے۔ پروفیسر انتونیو زوکولی کی قیادت میں اطالوی وفد کے ساتھ سپر کمپیوٹنگ، بڑے ڈیٹا اور کوانٹم ٹیکنالوجیز میں تعاون کو آگے بڑھانے پر زور دیا گیا، جس میں  مشترکہ تحقیق،  اے آئی تعاون، صلاحیت سازی، اور صنعتی شراکت داری شامل ہیں۔ مزید برآں، یوروپی یونین (ای یو) جوائنٹ ریسرچ سینٹر (جے آر سی) سے ڈاکٹر سبین ہینزلر اور ڈاکٹر لیلیانا کے ساتھ بات چیت  نے انڈیا-ای یو ٹیکنالوجی اور بزنس کونسل (ٹی ٹی سی) اور انڈیا- ای یو ایس ٹی آئی شراکت داری کو مضبوط بنانے پر توجہ مرکوز کی۔

*******

ش ح۔ ظ ا-ج ا

UR  No. 6438

(Release ID: 2170067) Visitor Counter : 2