کمبائنڈ آپریشنل ریویو اینڈ ایویلیوایشن (سی او آر ای) پروگرام کا انعقاد 22 سے 26 ستمبر 2025 تک یونائیٹڈ سروس انسٹی ٹیوشن آف انڈیا ، نئی دہلی میں ہیڈ کوارٹر انٹیگریٹڈ ڈیفنس اسٹاف (ایچ کیو آئی ڈی ایس) کے ذریعے کیا جا رہا ہے۔  یہ پہل قومی سلامتی پر سول- ملٹری  کے رابطے  کے لیے ایک منفرد پلیٹ فارم کے طور پر کام کرتی ہے، جس میں ہندوستانی مسلح افواج کے سینئر افسران کے ساتھ ساتھ وزارت دفاع، امور خارجہ اور امور داخلہ کے افسران کو اکٹھا کیا جاتا ہے۔

سی او آر ای کے موضوعات میں علاقائی اور عالمی سلامتی کے چیلنجز ، جنگ کی نوعیت پر تکنیکی تبدیلی کے اثرات ، اسٹریٹجک مواصلات کی اہمیت ، اور پیچیدہ اور کثیر جہتی خطرات سے نمٹنے میں شہری اور فوجی اسٹیک ہولڈرز کے درمیان بہتر ہم آہنگی کی بڑھتی ہوئی ضرورت شامل ہیں۔

پانچ دنوں پر محیط ، سی او آر ای پروگرام ممتاز موضوعاتی ماہرین اور متنوع شعبوں کے معروف پیشہ ور افراد کے ساتھ بصیرت انگیز بات چیت کے ذریعے عصری قومی اور علاقائی سلامتی کے مسائل کے تعلق سے  جامع  تجربہ  فراہم کرے گا ۔  اس پروگرام کو اسٹریٹجک بیداری بڑھانے اور حصہ لینےوالے افسران کو نئے نقطہ نظر سے آراستہ کرنے کے لیے ڈیزائن کیا گیا ہے ، جس سے وہ اپنے مستقبل کی قیادت کے رول میں عملی ، باخبر اور متوازن فیصلے کر سکیں۔

بات چیت سے نقطہ نظر کو وسیع کرنے ، مشترکہ مسائل کے حل کی حوصلہ افزائی کرنے اور اعلی قیادت کی فکری بنیادوں کو مضبوط کرنے میں مدد ملے گی ۔  یہ پروگرام پیشہ ورانہ صلاحیتوں کو فروغ دینے ، بین خدمات کی یکجہتی کو فروغ دینے اور قومی اور بین الاقوامی سلامتی کے متحرک چیلنجوں سے نمٹنے کے لیے مستقبل کے لیڈروں کو تیار کرنے کے لیے ہیڈکوارٹر آئی ڈی ایس کے عزم کی عکاسی کرتا ہے۔

 

******

ش ح۔ ف ا۔ م ر

U-NO. 6420

(Release ID: 2169791) Visitor Counter : 2